1 Korint 9:21 - Nobonob Baibel

²¹ Aria da ukke, danab ⌊Juda dilag⌋ ɗo iitta ele, da ag diiadppi, ag Kristusnu oolagppa genab dooglagnu da ag gumatte ukke amu, ag amelagppa aniɗkkulagnu da danab ⌊Juda dilag⌋ ɗo iitta ele bia daami. Amge da Kayaknu ɗo amu ii qe-eɗidmi. Iitta. Da Kristusnu ɗo amu dim lamidmi.

1 Korint 9:21 Referans Kwoze

Rom 2:12

Danab oh ag ɗo ii dootteb ele amu, ag oolagppanu laa oh ag hipunin hetteb ele, ag am geha ag ɗo ii doonna, padal mekkulag. Am danab oh ag ɗo waappa daatteb ele, ag oolagppanu laa oh ag hipunin hetteb ele amu, geha Kayak Nug ag ɗoppa epeɗiatteb, padal mekkulag.

Galesia 3:2

Keeke laippuib da ag oɗ madappi ag appeg doyei! Ag Kayak Ouɗi aoppig amu, ag attem hena Nug aoppig? Ag ɗo dim lamidna aoppigte? O iitta ag Nai Ena doona oolagppa genab dooppig, ag amuppate ag Kayak Ouɗi aoppig?

Rom 2:14

Iitta aɗi danab ag ɗo ii dootteb, amge laala ag akka ɗo ippunigtte, ag kobol amu dim lamidtteb, danab amu ag ɗo iitta, amge akka ahilag dabmak amu aakku ɗo ahilag bia daatte.

Rom 8:4

Nug anam heeb, ɗo nug tutukku oiyak kobol ippunigtte amu, ig laa, ig oonig alagnu kobolppa ii oittem, ig Kayak Ouɗinu kobolppa oittem ele amu, tutukku oiyak kobol amu ihinigppa bekkunu heum.

Rom 7:22

Aɗinu? Da dahil dabmak unuqagppa amu, da Kayaknu ɗonu enanagnab doottem,

Aposel 21:25

Amu iitta aɗi ag Jesusnu oolagppa genab doon, Kristen beppig daatteb ele, ag kobol aɗi ii hemananu amu ig anukka nai amu uɗugppa yaata, meut ukke, ag amunu dabmekkulagnu dooppig. Uɗug amuppa ig iitta aɗi ag doɗ, danab ag doɗ amu main kayak hambuppuak dottolkad madappig ele, ag doɗ amu teppu, doɗ tiig ele, amu danab ag doɗ muɗippa o eppelagppa baag aɗaeg mauhom, amu ele ii lamananu, ag gappai kobol ele ii hemananu yaamut.” Ag Pol amegppa anam appig.

Aposel 16:4

Pol nug anam he, ag gona, aabaabppa oinna, totol danab, Kristen tamaniak ikki danab ele ag tatam Jerusalem qagmena nai appig amu, ag Kristen amelagppa ag nai amu ippuanadppig.

Sam 119:32

Na ⌊nahip ɗoppa⌋ diignu doyak tutukku dahil tuɗitte, okkai mette amunu, da nahip ɗo, gamag ahak ele dim lamidkkul.

Hibru 8:10

Amu Naɗi Nug tuɗitta inam ele aum. “Nug tituana nai qakkak bau, da heppi, ag Israel danab ah, da ag ele haen amuppa hekkunig am inam. Da heppi, dahil ɗo oh ahilag dabmakppa daakku. Ao, da heppi, dahil ɗo oh ag oolagppa daakku. Geha da Kayak ahilag daakkul; ag am dahil danab daaglag.

Aposel 15:28

Ig qagmeta nai mattiutut, Kayak Ouɗi Nug ig ehanikka, ig ɗo laa aot, ag qaɗelagppa ii memata, ag imu iikkuib dim lamidkkulagnu ippunikkom, aakku ig Nug oɗe dim lamidta, inam attem.

Galesia 6:2

Ag nug ehanittak henana, uug ahilkad maweg! Ag kobol amu henana, ag Kristusnu ɗo elele dim lamidkkulag.