1 Korint 9:17 - Nobonob Baibel

¹⁷ Am da dakka dahil dabmakppanu ahe, uɗat imu heinnelob amu, da uɗatnu nob aolom. Amge da uɗat imu hettem ele, da dakka ain ii hettem. Iitta. Kayak Nug uɗat imu hekkulnu meɗom amunu,

1 Korint 9:17 Referans Kwoze

Galesia 2:7

Danab amu ag nai dahil ii tuɗidppig. Iitta. Ag dooppig, Kayak Nug Pita Juda oolagppa Nai Ena mehuqkkunu meum bia, da Nai Ena, iitta aɗi amelagppa mehuqkkulnu meiɗom.

1 Korint 3:8

Aria ee eppak danab, le mettak danab ele, aa oh diig laippunu uɗat hettep, amge maɗi ahilah am anen anen. Kayak Nug maɗi ahilah antta, melemel amuppa nob ena matakku.

Kolosi 1:25

Kayak nukka Nug da tituaniɗe, da Kristen tamaniaknu maɗi nid, ag ehanadkkulnu bemi. Uɗat dahil amu da Kayaknu Nai Ena oh genab tutukku mehuqkkulnu daatte.

1 Korint 4:1

Aria ag ihinignu inam dabmekkulag am ena. “Ag am Kristusnu maɗi nid, Kayaknu nai unuqag daatte amu, ag appeg doognignu daatteb. Ag amunu uɗat gumak danab daatteb.”

Matyu 10:41

Danab nug Kayaknu propet laa antta, nug am propet, diig amunu nug oo metta humidtte amu, danab amu nug propet dilag nob ena ele aokku. Am danab nug genab tutukku hak danab laa antta, nug am genab tutukku hak danab, diig amunu nug oo metta humidtte amu, nug genab tutukku hak danab dilag nob ena ele aokku.

1 Stori 28:9

Amu Solomon da bekkal, da na amenppa attem. Yawe Nug danab dilag dabmak unuqagppa daatte mattia anidtte, Nug danab nug diig aɗinunab keeke hette ele dootte amunu, na, na mamenad dilag Kayak, Nugib am Kayak dabmena doon, na meut ohppa, nahip dabmak ohppa ele Nug waappa daan, Nug oɗe dim lamitte! Na Yawe anidna dim lamidkkutnu Nug madikkut dayeb, Nug heeb, na Nug anidkkut. Amge na Nug dimettan, uuidkkut dayeb amu, Nug ele na geɗitteb, na anam daappe ukkeb, gogppa teeb batakkut.

1 Tesalonaika 2:4

Iitta! Kayak Nug ig Nai Ena mehuqak uɗat imu hekkunignu elele anikka mekke, ig hettem. Ig Nai Ena madipput, danab ag ihinignu oolag daakkunu iitta. Iitta. Ig Kayak, Nug ig oonig epeɗitte amu, Nug ihinignu oo daakkunu hettem aakkuib.

1 Korint 3:14

Laa nug uɗat heum ele amu, uɗat amu ena dayeb, danab amu nug nob ena aokku.

Esekiel 3:14

Da amu dooi, Ouɗi da humiɗa, omaiɗa ukkom. Da ugekke, ⌊Yawe Nug uɗat da meɗom, da amunu⌋ uug naunab nau doye, ⌊da lailad, Israel danab ah dilag haknu da⌋ ool nauhom. Anam, amge Yawe Nug da ⌊nuhig uɗat hekkulnu⌋ ɠagattag aɗaile, ⌊da ukken hekkulnuib daye,⌋ da gomi.

Jeremaia 20:9

Ag anam dahilppa hetteb. Amge Yawenu nai amu, da mehuqaknu ii uupa. Haen laala da attem. “Da Yawe, da baula danab ah Nug ii ippunadpa. Da nuhig nai baula ii mehuqpa,” awe attem. Amge da anam attem haenppa amu, nuhig nai da oolppa, o iitta da ebehil ooppa am aab aɗu bia bette. Da nuhig nai ii madipanu wagai mettem, amge elele iitta, da madikkulib.

Aisaia 6:8

Aakku Naɗi Nug inam oɗmak heehe baag doomi. Nug inam aum. “Am da aun geha meppi gokku? Am aun nug geha ihinig nai awa gokku?” awa aum. Awa a amu, da ami. “Da iikku; na appe, da gokkul,” ami.

Nehemaia 11:2

Danab ah oh ag adeppa adeppa daaglagnu ib amuppa bappaidppig, amge danab laippu laippu ag akka ahan, om ena yee ippunittak iittappa mattin, “Uuppeg, ig aakku Jerusalem daagnig,” appig. Ag anam appig amunu, danab ah laa ag amu binalag madappig.

1 Stori 29:9

Okkai danab ag oo qak iitta ele, ag meulag ohppa ele Yawe keeke amu medappig amunu, danab ah ag ahilkad okkai ag oo qak iitta ele keeke Yawe medappig anidna, ag oolag gamag ahom. King Dawit nug ele oo gamag huanak ahom.

Pilemon 1:14

Amge na aɗi ehanittak hekkut amu, na oot niitte amu hekkut, na duttunak doon hekkutnu iitta, kobol anam daakkunu amu, da na keeke laanu, “Yo,” ii ame amu, da amu hekkulnu ool ii dayom.

2 Korint 8:12

Danab nug layag ehanitta, keeke medatte, nug ele kobol amunu oo huan daatte dayeb, Kayak kobol amunu elele ena dootte. Kayak Nug danab nug nuhig keeke aɗi aɗi ele, amu ohnu aakku dabmaama, danab amunu kobol amu hettoɗidtte. Danab nug keeke nakokib amge nug laa ehanadkkunu nuhig keekeppanu nakok madatte amu, Kayak noobppa am danab keeke kuɗum ele am nug laa ehanadkkunu nuhig keekeppanu keeke kuɗum madatte bia daatte.

1 Korint 9:16

Da Nai Ena mehuqttem ele amu, amuppa da dakka binal mekkulnu elele iitta. Aɗinu? Kayak Nug a, da hettem. Da ii mehuqlom amu, dahilnu gadonnab gadon.

Luk 12:42

Pita nug anam oɗ mette, Jesus Nug nob ma aum. “Maɗi nid laa, nug doyak dabmak ena ele, nug oo metta ii uuak kobol ele dim lamidtte amu, nuhig okkai nug nuhikkud maɗi nid laa gumattatta, haenppa ee madakkunu elele daatte antta, nug amu hekkunu meum amu,

Matyu 24:25

Doyeg! Keeke amu ii neumppa, da ag dabmekkulagnu nai iikku ag amelagppa ain malami.

Malakai 1:10

Yawe Nukka Ɠagattag Oh Ele Nug atte. “Da laa nug ag mana mettak danab oolagppanu, nug ag mana mettak ena iitta amu ii manadmananu, nug dahil mettid lag, nuhig tomppan keeke oh elenu od manadkkunu ool okkai daatte! Da ahilagnu ena ii doottem. Da ahilag mana mettak amu, da ii aopa.

Jona 1:3

Yawe Nug anam aum, amge Jona nug Yawe aum amu uua, aha oola, Tarsis aab okkaippa gokkunu ukkom. Nug aha gokkunu ukka, Jopa aabppa noa, nug uub laa Tarsis gokkunu heehe mattia antta, daden ma, uub attan ta ukkom. Nug Yawe uuitta, oola gokkunu dabmeum.

1 Stori 29:14

Amge da am aun? Dahilad danab ah ele ag am aun? Ig am aun amunu, ig keeke okkai imu oo qak iitta na mettagnignu elele? Aɗinu? Keeke oh am na eppenppanu uɗitte, amu ig keeke mettamut ele, ig keeke amu tatam na eppenppanu aot, eɗut mettamut.

Jon 4:36

Am laa nug meu aotte amu, nug nuhig uɗat nob awawa, nug danab laala bauklel hanhannu aoglagnu ehanadtte. Ehanadtte amunu, ee eppak danab, amu meu awak danab ele aa oh oolah gamag ahakku.

1 Korint 9:18

da nob aɗi aokkul? Dahil nob ena amu inam. Da Nai Ena mehuqttem, uɗat amuppa da keeke da aokkulnu elele daattem amu, da ii awewe, da Nai Ena hamu nob laa iittappa mehuqe, danab madattem.