1 Korint 9:11 - Nobonob Baibel

¹¹ Aria, ig Ouɗinu keeke ag oolagppa eppamut amunu, beɗunig ehanittaknu keeke ag ig mekkaglagnu am ena iittate?

1 Korint 9:11 Referans Kwoze

Rom 15:27

Am genab ag oolag ena daye, akka ahilag dabmakppa anam heppig. Aɗinu? Ag Jerusalem dilagnu keeke nob eɗua mettak bia hekkulagnu daatte dootteb. Ag anam hekkulagnu dottebnu diig am, Kristusnu nai nug Juda ahilagppanu aha, iitta aɗi dilagppa ukkom amunu, iitta aɗi ag beɗunignu keeke, amuppa Juda danab keeke nob eɗun mattaglag am ena dootteb.

Galesia 6:6

Danab nug Kayak nai dookkunu ippunittak danab laa waappa daatte amu, nug nuhig keeke ena ohppanu laih nuhig ippunittak danab amu mettaɗ!

2 Korint 11:15

Anam amunu nuhikkud maɗi nid ag ele hambuppun henana, ag danab amelagppa, “Ig genab tutukku hak kobolnu maɗi nid daattem,” aon akkulag dayeb, ig Kristen danab, ig amunu dabmak okkai ii aomta. Ig ii ottaimta. Geha dimppa ag uɗat hetteb, amuppa ag nob ahilag aoglag.

2 King 5:13

Ukkom, amge Namannu maɗi nid ag gumidna doeg, nai mattin, ag nug amegppa appig. “O ihinig danab okkai, propet amu nug na keeke laa uɗat okkai ele hekkutnu amenppa alo amu, ig doottem, na helom. Amge nug na keeke anam haknu laa ii mattiom. Iitta! Nug na amenppa tutukku le laappe, nahip oɗe amu iitta mekkunu aum. Amunu na nuhig nai, ‘Na le laan, ena bekkut amu, na amu dim lamidkkut amu enaib,’ ” aon appig.

1 Korint 9:14

Anam daatte bia Naɗi Nug ɗo imu ele meum. Danab ag Nai Ena mehuqtteb ele, danab amu ag danab ah Nai Ena dootteb ele, ag ahilagppanu enulag keeke, beɗulag ehanidkkunu, aoglag.

Pilipai 4:17

Amu da keeke ahilagppanu aokkulnu ii attem. Iitta. Da ahilagppa kobol ena naɗi dayebeb, ag Kayak noobppa onig ena aoglagnu ool daatte.