1 Korint 8:5 - Nobonob Baibel

⁵ Laa ag kayak habppa, wanppa ele daatteb atteb. Ge, ag ahilag mattiakppa ag kayak kuɗum, naɗi kuɗum daatteb atteb.

1 Korint 8:5 Referans Kwoze

2 Tesalonaika 2:4

Danab amu nug danab laa oh ag keeke oh dilagnu, “Imuam Kayak,” atteb, keeke amu noolagppa ag gatelag qaun otteb ele amu, nug amu oh tappeb neeb, nug onigib humeb, attan tekku. Nug Kayaknu mettid lag, appa nug aguppa daakkunu ta dayaya, nuhignu, “Da iikkuib am Kayak,” awa akku.

Galesia 4:8

Genab, anukka amu ag Kayak ii dooppig amunu, ag kayak bau iitta, keeke Kayak heum ele, ag amu dilag begbeg maɗi nid daappig,

Jeremaia 2:28

Ag Juda, ag amu hetteb, amge ag dahilppa aib uɗippig! Ag Juda ag aab gane ele daatteb amu, ag kayak hambuppuaknu ebqak anamib ele amunu, uug haenppa, ag gona, kayak dottolkad hoyadppig amu noolagppa ukkeg! Kayak amu ag ahan uɗin ehanadppeppeg, ag aib padal meppig.’ ” Yawe Nug anam atte.

Jeremaia 11:13

O Juda danab ah, ag kayak hambuppuak kuɗumnab noolagppa dup nona binalag metteb. Ag ahilag wanppa aab gane daatteb, ag kayak hambuppuak ebqak amubia noolagppa dup nona binalag metteb. Laa amu, kayak hambuppuak laa onig Bal, kayak amu dim lamattaknu ɗo am uɗa nak ele, ag kayak amu noobppa dup nona binag mekkulagnu ag nuhig qaɗab kuɗum bappaidppig. Jerusalem aabppa ib gane daatte, ebqak amubia ag nuhig qaɗab bappaidppig.” Yawe Nug anam awa atte.

Jeremaia 2:11

Ag neegna, ag danab ah laa ag ahilkad kayak uuadnana, kayak laa dim lamadtteb, o iitta antteg! Israel danab ah ag amubianab aakku heppig. Kayak laa oh am kayak genab iitta, amge dahilad danab ah ag da uuiɗna, ag kayak hambuppuak laa, kayak amu ag ag ehanadkkulagnu elele iitta, ag dottolkad amu noolagppa dup nona binalag madatteb.” Yawe Nug anam awa atte.

Duteronomi 10:17

Aɗinu? Yawe, ahilag Kayak, Nug am kayak laa oh eɗadtte, Nug am naɗi laa oh dilag Naɗi daatte. Nug am Kayak naɗinab, ɠagattag okkai ele. Nug am danab Nug antta, ebehi oh bodoetta le maknu Kayak daatte. Nug danab ah ohnab kobol eleleppaib epeɗiadtte. Nug lokkumakppa eheɗ haknu ehanittak ii aoma.

Daniel 5:4

Ag wain lanana, ag ahilkad kayak gol, silwa, bras, aen, ad, menppa dottolkad hak ele, ag amu binalag meppig.

Matyu 27:17

Am danab ah kuɗum ag qagmeeg amu, Pailat nug ag oɗ mattom. “Ag maniguittak danab aun uhuqe madakkulnu oolag daatte; Barabas o Jesus? Ag nuhignu Kristus aon atteb,” awa aum.