1 Korint 7:38 - Nobonob Baibel

³⁸ Amu danab ah makkun ele aa nug tituanoya, dimppa ewau matulak aottep amu, danab amu nug kobol ena hette. Amge danab ah makkun ele aa nug tituanoya, dimppa aa ewau matulak ii aottep amu, danab amu nug am enanag hette.

1 Korint 7:38 Referans Kwoze

Hibru 13:4

Ewau dayaknu amu, ag oh amunu ena doyeg! Danab ah ele ewau daattep, aa gappai laa aib hepiɗ. Aɗinu? Kayak Nug geha ewau pakkua gappai hak danab, amu laa gappai kobol laala hetteb ele, Nug ag epeɗiadkku.

1 Korint 7:37

Amge danab laa nug amunu ii dabmaama, oo amuppa ɠagattag daatte, keeke laa nug ii duttuntte, nug nuhig dabmaknab awak dim lamidkkunu, nug amu aɗa oitte amu, nuhig ah makkun tituanak daatte amu ii aotte, ah nug anam hamu daatte, amu nug ele am ena hette.

1 Korint 7:8

Aria, nai imuam danab ah ewau matulak ii aoppig, amu ah qab ele dilag. Da ahilagnu inam attem. Ag da daattem anam daappeg amu nai iitta.

1 Korint 7:26

Am dahil dabmakppa gemu haen imuppa uug okkai betteb amunu, gemu ag danab o ah iitta ele daatteb, da ag anamib daaglagnu ena doottem.

Matyu 5:32

amge da ag amelagppa attem. Danab aun nug wau ewau pakkua gappai ii heum ele, amge danab nug ewau ahilah otaɗtte, amu ah amu nug danab laa aotte dayeb amu, nug gamu tatamnu aakku he, ah nug ewau pakkua gappai hak kobol hette. Aria, danab nug ah amu dimppa aotte amu, nug ele ewau pakkua gappai hak kobol hette.

1 Korint 7:39

Amu danab ah ewau matulpiɗ amu, ah nug danab amu bau dayeye, aa ouqak laippu daaglahnu aakkuib dabmekku. Amge nug gamu mauhkku amu, nug danab laa aokkunu am ib oo nak iitta. Nug danab laa aokkunu oo daatte, nug danab amu aokkunu elele. Am nai iitta, amge nug danab laa nug ele Jesusnu ooppa genab dootte aakkuib aokku.