1 Korint 7:34 - Nobonob Baibel

³⁴ Aria, amuppa nug nuhig dabmak am laippu ii daatte, oppatak aɗit daatte. Ah danab iitta, am ah makkun o ah qab, nug Naɗinu keeke dabmaama, nug nug beɗuppa, nug ouɗippa ele nug Naɗiib dim lamidkkunu hette. Amge ah nug danab awom ele amu, nug wannu keeke dabmaama, nug gamu aɗi keekenu oo hette amu, nug amu hekkunu hette.

1 Korint 7:34 Referans Kwoze

1 Korint 6:20

Aɗinu? Kayak Nug ag hipuninnu qagaiettakppanu eɗua uhuqadkkunu daden maattom amunu, ag Kayak binag mekkulagnu, ag beɗulkadppa ele Kayak binag meig!

Pilipai 1:20

Amu da keeke laa hekkulnu dabmak aɗe daattem, am keeke amu ele da genab hekkulnu maittak aomi daattem amu, amuam da uɗat, Kayak da hekkulnu meɗom amu, da uɗat amu eleleib hein maloya, da uɗat heminu uɗa nak laa ii doopa. Yo, da geha iikkunab, am haen oh ele, da aɗi hekkul amu, da ii baɗeɗe heinne, da amuppa Kristus Nug binag okkai medakkulnu ool naɗi daatte. Da bau daakkulte, iitta da mauhkkulte, amuam keeke okkai iitta, amge da beɗulppa keeke oh bekku ele amu, da keeke amu ohppa Kristus binag okkai medakkulnu ool daatte.

2 Korint 11:28

Aria amuib iitta. Deɗ deɗppa da Kristen tamaniak dabmadakkulnu dabmak kuɗum aoiyi, uug amuam uugnab beɗulppa doottem.

Rom 6:13

Ag anen anen ag kobol nau hekkulagnu, ag beɗulkadnu laih laih oh hipunin eppegppa aib meppig. Iitta! Ag danab mauhppig eɗun hippaidppig bia daatteb amunu, ag beɗulkad laih ohppa genab tutukku hak kobol hekkulagnu, ag meulkad oh Kayak metteg!

Taitus 3:8

Nai amuam genabnab. Amu danab ag Kayaknu oolagppa genab dooppig ele, ag ena henan daaglagnu tutukku dabmekkulagnu, da na ippunittak nai da iikku medattem, na danab ah ippuanadkkutnunab ool daatte. Keeke amu oh am danab ah ele ehanadtte.

1 Tesalonaika 5:23

Kayak, Nug aakkuib am oo maɗoɗ diig, Nug nukkaib heeb, ag beɗulag dimittim, oolagppa ele oppiaawak daaglagnu ool daatte. Nugib ag ouɗilag, dottolag, amu beɗulag ele atognobob, ihinig Naɗi Jesus Kristus eɗua uɗikku haenppa ag oolagppa kaliak laa iitta ele daaglagnu, ig Kayak unuqidttem.

2 Korint 8:16

Aria, da am Kayak amegppa, “Ena heme,” attem. Aɗinu? Nug Taitus ehanitte, nuhig dabmak, dahil bia, laippu awa, nug ele ag ehanadkkunu oo huan daatte.

1 Timoti 3:5

Am danab laa nug nug baekkudppa atognoatta omalattak ii dootte dayeb amu, nug attemun Kayaknu Kristen tamaniak dabmadatta daakku.

Jon 10:13

Danab amu nug am uɗat nid amunu, nug ooltte. Nug sipsip pehettak dab-ii-madatte.

1 Korint 7:33

Amge danab nug ah awom ele, nug amu wannu keeke dabmaama, nug wau aɗi keekenu oo hette amu, nug amu hekkunu hette.

1 Korint 7:35

Am da nai imu attem amu, ag ehanatteb ena daaglagnu attem. Nai imu da ag otaɗatte ii mattimi. Iitta! Ag Naɗi noobppa tutukku elele ena daaglagnu ool daatte amunu ami. Ag anam heppeg, geha keeke laa nug ahilag dabmak Naɗinu daatte amu ii eeɗma.

1 Timoti 5:5

Ah qab nug genab nukka baeg laippu daatte, nug Kayak ehanidkkunu dabmak aɗa dayaya, tuqanppa amunppa ele unuqidtte.