1 Korint 7:28 - Nobonob Baibel

²⁸ Amge na ah aokkut am nai iitta; am hipunin iitta. Aria, ah makkun nug danab aokku dayeb, ewau matulak amu ele am hipunin iitta. Amge danab ah ag ewau matulak aotteb amu, wanppan uug okkai iɗu iɗu daatteb amu, da uug amu ahilagppa ii bemanu ool daatte.

1 Korint 7:28 Referans Kwoze

Hibru 13:4

Ewau dayaknu amu, ag oh amunu ena doyeg! Danab ah ele ewau daattep, aa gappai laa aib hepiɗ. Aɗinu? Kayak Nug geha ewau pakkua gappai hak danab, amu laa gappai kobol laala hetteb ele, Nug ag epeɗiadkku.

1 Korint 7:26

Am dahil dabmakppa gemu haen imuppa uug okkai betteb amunu, gemu ag danab o ah iitta ele daatteb, da ag anamib daaglagnu ena doottem.

2 Korint 1:23

Da hambuppualadttem dayeb amu, aria Kayak Nug dahil hambuppuak amu heeb miag atikkunu ool daatte. Amge iitta. Da nai genabib inam attem. Da ag uug madakkulnu ool ii dayom amunu, da haen gamagppa ahilagppa golom bia, da Korint appa ii gomi.

Matyu 5:32

amge da ag amelagppa attem. Danab aun nug wau ewau pakkua gappai ii heum ele, amge danab nug ewau ahilah otaɗtte, amu ah amu nug danab laa aotte dayeb amu, nug gamu tatamnu aakku he, ah nug ewau pakkua gappai hak kobol hette. Aria, danab nug ah amu dimppa aotte amu, nug ele ewau pakkua gappai hak kobol hette.

1 Korint 7:27

Na ah aome dayeb, na ewau matulak otaɗkkutnu aib dabmeme. Am na laa na ah ii aome dayeb, hamu daattem amu, na aib ah aokkutnu heme.

1 Korint 7:29

Amunu O lailad da nai imu attem. Haen tutu meum amunu, haen gamag imuppa amu ag inam dooglagnu attem. Danab ag ah diippig ele, ag am ahilag dabmakppa, “Ig ah ele, amge ig ah iitta bia daagnig,” dabmenan daaglag am ena.