1 Korint 4:6 - Nobonob Baibel

⁶ O lailad, da ag ehanadppi, ag da Apolos ele, ag i anitna, kobol ihinihppa ag antte oo maittak laa anidna, nai laanu meu anidkkulagnu da nai mattimi. Nai laa ag amunu meu anidkkulagnu am inam. “Yaak niitte aakkuib ag dabmenan oiyeg!” Ag nai amunu diig dooglag dayeb, ag danab laa onig ii humana, laa onig tabappeg ii nema.

1 Korint 4:6 Referans Kwoze

2 Korint 11:4

Aɗinu? Danab laala ag gumadna gona, Jesusnu nai kabolinna, ahilag dabmakppa nai ag amelagppa mehuqeg, ag aotteb. Jesusnu nai amu, da Jesusnu nai mehuqttem ele amu, aa laippu iitta, am laa. O iitta danab amu ag ouɗi laanu mehuqeg, ag aotteb. Nug am Kayak Ouɗi, ag anukka aoppig ele amu, Nug iitta, am laa. Amu ag nai diig laa mehuqeg, ag aotteb. Nai amuam Nai Ena, ag matu aoppig ele amu iitta, am laa. Danab ag kobol amu ag oolagppa hetteb ele, ag Korint danab ag agib dabmettan daanna, oolag hette.

2 Korint 12:19

Da ii doottem. Ag ihinignu, “Ag ig ahilagnu, ahilag haknu ele ena dooglagnu anam yaatteb,” dabmettebtai. Amge iitta. Ig Kristusnu daattem amunu, ig Kayak noobppa nai imu madittem. O lailad, gadonnab, da nai yaami imu oh amu ahilag ooppa genab doyak amu ɠagattag qedakkulnu yaami.

2 Korint 12:6

Genab, da dakka onil humakkulnu elele; da helom amu geha da danab nug Kayak dab-ii-maama ii dim lamidtte ele hette bia ii helom. Iitta. Da nai genabib mattilom. Amge da amu ii hettem. Aɗinu? Laa nug dahil kobol da hettem antta, nai da mehuqttem ele doyaya, amuppa aakkuib nug da tutukku dooiɗkkunu ool daatte.

Kolosi 2:18

Danab laa nug danab amelagppaib nug onig qe nette, amge ooppa nug nukka nuhignu, “Da am danab onil ele,” dootte, nug ele engel binalag mette amu, nug ag hambuppualatteb, ag nob ena Kayak madakkunu dabmette ele ii aomnanu ag danab amubia waappa aib daappig. Danab amubia amu nug tul niiakppa o ib attenppa aɗi keeke anttom ele amu, nug amunu nai kuɗum mattiaya, nuhig dabmak, Kayak Ouɗi Nug dabmak nuhig ii gumatte ele amu, nuhig dabmak amu he, danab amu nug nukka nuhignu am binag okkai ele dootte.

1 Tesalonaika 1:5

Aɗinu? Nai Ena ig ahilagppa aot gomut ele, ig nai aakkuib aot ii gomut. Iitta. Ig Kayaknu ɠagattagppa uɗat heut, Kayak Ouɗi ele Nug he, ag oolagppa genab doona, Kayak ag eɗua diiom ele genab dooppig. Ig ele ag ehanadkkunignu ag oolagppa attem bia oiutut, ag anigna dooppig.

Rom 12:3

Kayak Nug da ehanittak okkai hamu meɗom amu, da amuppa ag anen anen amelagppa attem. Ag akka anen anen ag, “Dahil hak, dahil oiyak ele am enanag,” amge nahip hak, nahip oiyak ele am melemel amuppa ii bette amu, ag anambia aib dabmeppig. Iitta. Kayak Nug ooppa genab doyak ahilag ag anen anen matte, ag uɗat hetteb ele amu, ag amu dabmenan, ag akka anen anen ag dabmak tutukku aon oiyeg!

2 Korint 10:7

Ag keeke unuqagnab amu ii anidtteb. Danab laa nug nuhignu, “Da am genab tutukku hak danab, Kristusnu danab daattem,” ɠagattag dabmette dayeb amu, nug eɗua imu ele doyaɗ! Nug am Kristusnu danab daatte, amubia ig ele am Kristusnu danab daattem.

2 Korint 4:15

Kayaknu ehanittak okkai hamu megatte amu gemu danab kuɗum laala ahilagppa ambeebeb, ag Kayaknu, “Ena heme,” okkainab anana, ag Nug binag attan humaglagnu, keeke imu oh beum amu, ag ehanadkkunu beum.

1 Korint 8:1

Aria, dimittimnu danab, ag Jesusnu oolagppa genab ii dootteb ele, ag doɗ main kayak hambuppuak dottolkad madatteb amu, ig Kristen ig teppu amu lakkunigtai, o iittatai, imu am amunu nai. Ig doottem, ig oh am keeke amunu doyak ele, amge doyak ⌊nukka dayeye, oo mauhak ulum ii medatte dayeb,⌋ doyak am heeb, danab nug doyak ele dada danab bette. Amge layagnu oo mauhak kobol am danab oo ɠagattag qedatte.

1 Korint 5:6

Ag akka ag binalag metteb am ena iitta. Yis nakokib uɗat he, plaua oh titiɗtte, ag amu iite dootteb? Aria, kobol nau am yis bia daatteb.

1 Korint 3:19

Aɗinu? Wanppanu doyak dabmak ena ele, amuam Kayak noobppa dabmak tutukku iitta. Kayak naippa, nai laa daatte amubia. Nai amuam inam. “Danab wan imuppan dabmak doyak ena ele laala ag doyak dabmak ena ele amuppa ag keeke laa hekkulagnu lokkumakppa dabmenana maittak eheɗ aotteb amu, Kayak Nug he, ag nuhig pelemppa tetteb.”

2 Timoti 2:10

Amunu amu, da ool ɠagattag qetten, da Kayak Nug danab ah nuhikkud tituanattom, ag ele Kristus Jesusnu eɗua awikkak aon, haen oh hab aabppa daaglagnu, da ag ehanadkkulnu heinne, uug imu oh maottem.

2 Korint 10:15

Ig anam mehuqtata, ig uɗat danab laala heppig, danab laa nug ag ena heppig, o ag ena ii heppig akkunu elele iitta amu, ig attem heta, ig oninig humagnig. Iitta. Ig geha ag Korint, ag ahilag ooppa genab doyak ɠagattag beeb, ig ag oolagppa uɗat hettem amu ba, okkai tuɗitta elele daakkunu hettem.

2 Korint 10:12

Laa amu, ag oolagppa laala ag, “Ig am danab enanag,” aon atteb ele amu, ig amu dilag melemel amu aot, ig beɗunigppa meta doognignu elele iinab anidta dabmettem. Aria ig ahilag kobol ele aot, ihinig kobol melemel amuppa ii hettoɗittem. Iitta. Danab amu ag akka akka beɗulagppa doonna, ag akka ag epeɗiadtteb. Am danab amu ag ahilag kobolnu amu ag akka ahilag kobolib anidna, ahilag kobol melemel amuppa epeɗidtteb. Danab amu ag am doyak dabmak ena ele iitta.

1 Korint 13:4

Danab nug oo mauhak dootte ele, nug laa dilagnu paha eheɗ ii dootte, amu nug laa dilagnu oo bodoettak dootte. Nug laanu ameg qe oo elele ii dayak kobol ii hette. Nug nukka onig ii humatte, nug dada ii hette.

1 Korint 9:23

Am Nai Ena aha okkai mekkunu, da nai amuppan itittak ena aokkulnu ele, da uɗat anam anam hettem.

1 Korint 5:2

Kobol amu beum daatte amunu ag, “Ig am binanig ele,” akkulagnu genab elele iitta, amge ag anam atteb. Ag uɗa nak doolob am ena. Danab nug kobol amu heum ele amu, ag nug Kristen tamaniak ooppa daamanu geɗidppeg dimittim golo am ena.

1 Korint 3:21

Nai amu aakku daatte amunu, danab laa nug danab binalag aib meum. Genab, keeke oh am ag ahilagnu daatte.

1 Korint 1:31

Amunu ig Kayak naippa, nai laa daatte, amubia hetu! Nai amuam inam. “Laa nug onig humak hekkunu oo daatte amu, nug Naɗi onig aakkuib humaɗ!”

1 Korint 1:19

Nai amunu Kayak naippa, nai laa daatte. Nai amuam inam. “Da geha danab doyak dabmak ena ele dilag doyak dabmak ena ele heppi nauhkku. Ao, danab ag doyak okkai ele, ahilag doyak okkai amu da heppi, iitta mekku, baula ii daama.”

1 Korint 1:12

Da nug mehqak kobolnu mattimi amu, da imunu ami. Ag oh ameg piɗe piɗe oppatna daanna, nai aeg ona aeg dotte. Ag anam henana amu, laa nug, “Da am Pol dim lamidttem,” awa aawo, laa nug, “Da Apolos dim lamidttem,” awa atte. Amu laa nug, “Da am Pita dim lamidttem,” awa aawo, laa nug, “Da am Kristus dim lamidttem,” awa atte.

Aisaia 2:22

Danab oh ag wanppa haen elab ii daatteb, ag haen tutuib daan mauhtteb, ag danabib daatteb amunu, ag danab laanu, nug ag ehanadkkunu aib oolagppa genab dooppig.

Sam 146:3

Wanppan gumak danab ag na aun, ag na padal memananu ehanidkkulagnu elele iitta, na amu dilag aib ootppa genab doome. Ao, wanppan danab mauhtteb ele, ag na padal memananu ehanidkkulagnu elele iitta, na amu dilag aib ootppa genab doome.

Sam 8:4

⌊Keeke amu oh am keeke okkainab; aria⌋ danab ah amu, ag am aɗi daatteb amunu, na ag dabmattanna daattem? Ao, danab bekkalkad, ag am aɗi daatteb amunu, na ag atognoadttem?

Aposel 18:24

Pol nug anam heehe amu Juda danab laa, onig Apolos, nug anig aab laa onig Aleksandria, Isip wanppa appa menue dayeye ukke, Pol Epesusnu aha oiyeye, Apolos nug ukka Epesus dayom. Nug am doyak kuɗum ele, amu nug Kayak nai, Juda ag aɗappig ele, nug amu oh doyom.

Aposel 19:1

Apolos nug Korint appa dayeye, haen amuppa Pol nug ukka, prowins yu ihippa ii daappig eleppa oiya oiya, nug Epesus ta, appa nug Kristen laala daaegeg anatta,

2 Korint 12:20

Haen da ag gumatte ukke tein, da ag danab attem daaglagnu ool daatte amu, da anam bia ii anadkkulnu, ag ele da aniɗna, da danab attem daakkulnu oolag daatte, ag anam bia ii aniɗkkulagnu amu, da ool ii daatte. Da nai a ona a doak kobol, dahil doya laa aomanu doyak aɗa dayak kobol, nai hak kobol, obatak obatak dayak kobol, baeg qak kobol, dimug nai mattiak kobol, beɗuppa tak kobol, Kristen tamaniak kaboliak kobol ele amu, da amu anidkkulnu ool ii daatte.