1 Korint 3:8 - Nobonob Baibel

⁸ Aria ee eppak danab, le mettak danab ele, aa oh diig laippunu uɗat hettep, amge maɗi ahilah am anen anen. Kayak Nug maɗi ahilah antta, melemel amuppa nob ena matakku.

1 Korint 3:8 Referans Kwoze

Rom 2:6

Kayak Nug geha danab oh kobol ag heppig ele amunu nob elele madakku.

2 Jon 1:8

Amu ag tamaniak ooppa daatteb ele, ag Kayaknu keeke aoglagnu uɗat heppig, amu laa amu ag heppeg, keeke amu iitta memanu dabmeig! Ag geha nob ena oh aoglagnu heig!

Matyu 16:27

Danab Bekkalag da, da Mamelnu binag amahlak oppiaawak ele uɗippi, engel ele uɗignig, amu haen amuppa da danab ah dilag hak, amu nob eɗue madakkul.

Revelesen 22:12

Nug anam a amu Jesus Nug aum, “Doyeg! Haen elab iitta da ana uɗikkul. Da nob ena, nob nau ele awe uɗikkul, amu da danab anen anen aɗi heppig, da amunu nob madakkul,” awa aum.

Sam 62:12

Ge, O Naɗi, oo mauhaknab kobolnu diig am naib. Am genab, na danab anen anen aɗi hetteb anidnana, ag nob tutukku madattem.

1 Korint 15:58

Anam amunu O lailad, ag ɠagattag dayeg! Bittumttum amu aib goppig! Ag hanhan Naɗinu uɗat yagbak ele heig! Aɗinu? Ag dootteb, ag Naɗinu uɗat hetteb, amu geha hamu ii qettoɗma.

1 Pita 5:4

Anam dayeb amu, haen Sipsip Gumak Danab anuqak eɗua uɗieb amu, ag onig okkai ii nauhtte ele amu aoglag.

Hibru 6:10

Kayak Nug epeɗiak eheɗ laa ii hette amunu, ag uɗat nuhig heppig, ag nuhignu oolag mauhtte dabmenana, nuhikkud danab ah oppiaawak ele ehanattegeg uɗie gemu ele anam hetteb amu, Nug amu oh daug ii atima.

Galesia 6:4

Danab oh ag anen anen ahilag uɗat melemel mettan epeɗieg! Ag anam hena amu, ag ena hettebte o eheɗte hetteb dooglag. Danab nug anam hette amu, nug nukka nuhig kobolnu gamag ahakku. Nug danab laanu kobol amu nuhig kobol ele melemel ma aib epeɗiom.

1 Korint 3:14

Laa nug uɗat heum ele amu, uɗat amu ena dayeb, danab amu nug nob ena aokku.

1 Korint 3:9

I am kadoi meɗa, Kayaknu maɗi nid daattep; ag am Kayaknu dad bia daatteb. Laa ele amu, ag am Kayak laug daatteb.

Daniel 12:3

Laa ag doyak dabmak ena ele ag hab attan amahaltte, ag amubia amahalkkulag. Ge! Laa ag heeg, danab ah kuɗum ag kobol genab tutukku dim lamidtteb ele, ag hoɗoppai amahaltte bia amahalkkulag. Ge, laa ag heeg, danab ah kuɗum ag kobol tutukku dim lamidtteb ele, ag hoɗoppai amahaltteb bia hanhan amahalkkulag.

Revelesen 2:23

Da nuhikkud nid ele heppi mauhkkulag. Amuppa Kristen tamaniak oh ag dooglag, da danab oolag, amu ahilag dabmak ele epeɗie aute aottem. Amu ele, da Taiataira daatteb, da ahilag hak attemu amu, da amuppa nob madakkul.

Prowerb 27:18

Aun laa nug ad fig dabmetta atognotte, nug ad fig meu lakku; aun nug nuhig okkai dabmedatte, nug binag aokku.

1 Korint 3:7

Anam amunu, ee eppak danab nug am onig iitta. Ee le mettak danab nug ele onig iitta. Kayak Nug nukka he, ee bette. Nug he, ee bette amunu, Nugib am onig ele.

1 Korint 4:15

Ag Kristusnu daanna, ag ippunittak danab kuɗumnab ag ehanadkkulagnu diiglagtai. Ag diiglag dayeb am diiglag, amge amuam heeb, keeke laa ii baolima. Keeke ii baolikku, amuam da Jesusnu Nai Ena mehuqi, ag oolagppa genab dooppig amunu, daib ag mamelag daattem; ag mamelkad kuɗum iitta.

1 Korint 9:7

Am danab laa nug ban danab daatte amu, nug amuppa nuhig ee iite aotte? O danab laa nug grepnu dad ebatte amu, nug grep meu iite latte? O danab laa nug meeme gumadtte amu, nug uɗat amu haaha, meeme huh amu iite latte?

Galesia 6:5

Aɗinu? Danab oh ag anen anen ahilag uɗat amu maoglagnu dabmekkulag am ena.

Luk 19:19

‘Da na aab okkai tanig ele gumadkkutnu ɠagattag medattem,’ awa aum.