1 Korint 3:5 - Nobonob Baibel

⁵ Ag tutukku dabmak aon antteg! Apolos nug am aun? Am da Pol am aun? I am maɗi nidib; Naɗi Nug i uɗat ihinih piɗe piɗe metom. Nug uɗat amu mete, i uɗat amu heuɗuɗ, ag Kristusnu oolagppa genab dooppig.

1 Korint 3:5 Referans Kwoze

2 Korint 6:4

Iitta. Ig am Kayaknu maɗi nid daattem ippunadkkunignu amu, ig uug digdig bak haenppa ig ɠagattag daat, uug amu doot maot oittem, amuppa amu ippunadttem. Ig ihinig kobolppa qagaiettak haenppa, oo doyak haenppa, aolak haenppa, oikkak haenppa, maniguittak inikkak haenppa, lamikkak haenppa, uɗat naɗi ɠagattag hak haenppa, niiak elele iitta haenppa, amu enug iqak haenppa ele amu, ig haen amu oh ig ɠagattag daat, uug maottem amuppa amu ig am Kayaknu maɗi nid ippunadttem.

2 Korint 6:1

Ig Kayak ele oh uɗat hettem amunu, ag Kayaknu ehanittak okkai Nug hamu mattom amu, ag amu ii kakidmananu dabmekkulagnu ahilkad dabmak maɗedattem.

1 Pita 4:10

Amu ag oh anen anen Kayaknu ɗo hamu mettak laa aoppig amunu, ag amuppa Kayak Nug ehanittak okkai hamu megakka, uɗat hekkunignu oo daatte bia lailkad ehanatteg!

2 Korint 3:6

Kayak Nug he, ig elele daata, ig nug tituana nai qakkak baunu maɗi nid daattem. Tituanak bau imu amu, nuhig ɗo nai yaak laa iitta. Iitta. Nug am Kayak Ouɗinu keeke. Ɗo nai yaak, amuam danab qe mauhtte, amge Kayak Ouɗi Nug danab bauklel medatte.

2 Korint 11:23

Ag Kristusnu maɗi nidte? (Da gemu dahil dabmak eɗile, da nai madittem.) Kristusnu uɗatppa amu da ag eɗadttem. Dahil hak ɠagattagppa da ag eɗadmi, Jesusnu nai mehuqaknu maniguittakppa dayak am da ag eɗadmi. Danab ag da muɗi qaun eleppa mataɗileg, kuɗumnab batom, amuppa da genab ag eɗadmi. Aria, laa ele, haen kuɗum da mauhkkulnu miag daami, ag am anam bia iitta.

2 Korint 4:7

Ig Kayak binag amahlak oppiaawak elenu doyak aomut, amge ig am danabib, waa wanppa hak amubia, ig keeke ena amu aot, laa oh ag ɠagattag okkainu diig am Kayak, ig iitta, amu dooglagnu daattem.

2 Korint 4:5

Anukka Kayak Nug aum. “Gatatu ooppa amahlak nug amahlaɗ!” awa aum. Kayak anam aum, amu Nug ele he, ig Jesus iɗuppa Kayak binag amahlak oppiaawak ele anidta doottem amunu, ig ikka ihinignu nai ii mehuqttem. Iitta. Ig Kristus Jesus, Nug am Naɗi daatte, anam mehuqtata, Jesusnu nai dim lamidttem, amuppa amu ig ahilag maɗi nid daattemnu ele mehuqttem.

2 Korint 3:3

Ig ag oolagppa daat ehanattut, ag oolagppa genab dooppig amu, danab oh ag Kristus Nug nukka yaaknu uɗug amu yom anidtteb. Nug ya mekke, ig aot oittem. Nug gauppa, men mahappa, ii yom. Iitta. Nug Kayak Bauklel Ouɗippa danab oolagppa yom.

1 Korint 3:10

⌊Lag hak danab nug lag hekkunu dayeb amu, nug tatam lag ukku hette. Lag ukku amu danab ag lag amu qaɗeppa heppeg, ena daakku. Lag ukku am lag diig. Tamaniak diig am tamaniak ukku⌋ Aria Kayak ehaniɗe, lag hak danab nug lag ukku ena tutukkuib aɗatte, amubia da tamaniak tutukku enaib daakkunu, nuhig ukku daakkunu, ag amelagppa Jesusnu nai mehuqmi. Gemu laala ag danab laa uɗin lag ukku qaɗeppa lag hetteb, amubia da nai mattimi, nai amuppa ag uɗat tuɗidna hetteb. Amge laala, ag anam hetteb ele amu, ag dabmenan heig! Ag mauhnoak aib heppig.

1 Korint 12:28

Am Kayak Nug Kristen tamaniak ooppa nuhig uɗat hak danab ele anam aakku meum. Anuqak am totol danab daatteb. Amu dimulagppa am propet danab daaeg, ag dimulagppa am ippunittak danab daatteb. Aria, laa amu kobol danab hekkunu elele iitta hak danab daaeg, laa ag oɗe babaittak danab dilag ehah ele daaeg, amu laa ag ehanattak danab daaeg, laa ag uɗat digdig gumak danab dilag ehah ele daaeg, laa amu aabaab naippa nai mattiaknu danab daatteb.

1 Korint 9:17

Am da dakka dahil dabmakppanu ahe, uɗat imu heinnelob amu, da uɗatnu nob aolom. Amge da uɗat imu hettem ele, da dakka ain ii hettem. Iitta. Kayak Nug uɗat imu hekkulnu meɗom amunu,

1 Korint 3:7

Anam amunu, ee eppak danab nug am onig iitta. Ee le mettak danab nug ele onig iitta. Kayak Nug nukka he, ee bette. Nug he, ee bette amunu, Nugib am onig ele.

Jon 3:27

Anam aeg amu Jon oɗelagppa awa aum. “Kayak Nug hab aabppanu keeke laa danab eppegppa ii meeb amu, danab nug nukka nuhig dabmakppa keeke amu aokkunu elele iitta.

Luk 1:2

Digmakppanu ukke batakppa danab ag keeke amu anidppig ele ag aeg doout yaappig. Ag am Nai Ena mehuqak danab daanna, nai amu aeg doomut.

Matyu 25:15

Laa amu nug men doɗo onig talent tanig ele eppegppa meum, laa talent aɗit, laa talent laippu meum. Ag uɗat hekkulagnu eleleppa mattowa, nug ukkom.

Kolosi 1:25

Kayak nukka Nug da tituaniɗe, da Kristen tamaniaknu maɗi nid, ag ehanadkkulnu bemi. Uɗat dahil amu da Kayaknu Nai Ena oh genab tutukku mehuqkkulnu daatte.

Epesus 3:7

Kayak Nug nuhig ɠagattagppa nuhig ehanittak okkai hamu mettak meɗa, da Nai Ena imu mehuqkkulnu nuhig maɗi nid meiɗom daattem.

Aposel 18:24

Pol nug anam heehe amu Juda danab laa, onig Apolos, nug anig aab laa onig Aleksandria, Isip wanppa appa menue dayeye ukke, Pol Epesusnu aha oiyeye, Apolos nug ukka Epesus dayom. Nug am doyak kuɗum ele, amu nug Kayak nai, Juda ag aɗappig ele, nug amu oh doyom.

Aposel 19:1

Apolos nug Korint appa dayeye, haen amuppa Pol nug ukka, prowins yu ihippa ii daappig eleppa oiya oiya, nug Epesus ta, appa nug Kristen laala daaegeg anatta,

Rom 15:16

da iitta aɗi ag oolagppa uɗat hekkulnu Kristus Jesusnu maɗi nid bemi. Da iitta aɗi ag Kayak Nug oo daatte amubia daaglagnu, Kayak Ouɗi Nug heeb, ag oppiaawak danab bena daaglagnu, da ag diie, Kayak medakkulnu mana mettak danab bia bein, Kayaknu Nai Ena mehuqttem.

1 Korint 3:22

Pol, Apolos, Sipas, onig laa Pita, aria wan imu, bau dayak, mauhak, keeke gemu daatteb, keeke dimppa bekkulag ele amu, keeke amu oh am ahilag,

1 Korint 16:12

Aria, ig lainig Apolos, nuhignu amu da iikku attem. Haen kuɗum da nug amegppa, nug geha ukkebeb, lailad laala ele oh gona, ag anadkkulagnu ɠagattag ami, amge nug gemu gokkunu am uua autanab awom. Dimppa nug ib elele antta, aria nug geha gokku.

2 Korint 4:1

Kayak Nug ihinignu oo gai-iitta doya oo mekka ehanikka, uɗat imu ig mekkom amunu, ig oo bai noak ii doottem.

2 Korint 5:18

Am Kayak nukkaib he, amu oh bette. Anukka ig nuhig kekeɗ daamut, amge Kristusnu uɗat okkaippa amu Nug he ig Nug ele oonig laippu bemut daattem. Anam daautut, ig danab laa amelagppa Kayak Nug ag eɗua diieb ag Nug ele oolag laippu daaglagnu oo daatte apput dooglagnu meikkom.

Kolosi 1:23

Anam amge, keeke laa ag Nai Ena am ena baknu dabmak aɗa dayak ippunigtte, am dabmak amuppanu eeɗatteb, ag Jesusnu Nai Ena doona, oolagppa genab dooppig ele, ag ooppa genab doyak amu uuna, ag nena qemananu, ag tuɗidna, ooppa genab doyak amu ɠagattag aɗan ɠagattagnab daaglagoitte. Jesusnu Nai Ena ag dooppig ele amu, danab wan ohppa daatteb, ag amunu mehuqak dooppig. Amu da Pol, da am nai amunu maɗi nid daattem.

1 Timoti 1:12

Da Kristus Jesus, ihinig Naɗi, Nug da uɗat imu hekkulnu ɠagattag meɗom amu, da Nug amegppa, “Ena heme,” awe attem. Aɗinu? Nug uɗat imu da eppelppa meeb hekkulnu elele aniɗa, Nug nukka da uɗat imunu tituaniɗom.