1 Korint 3:18 - Nobonob Baibel

¹⁸ Amge laa nug nugakka buppuidmanu dabmaɗ! Ag oolagppanu danab laa nug wannu haen imuppanu doyak dabmak ena okkai awom amunu nug, “Da am doyak dabmak ena ele danab,” dabmette dayeb, nug genab doyak dabmak ena ele danab ba daakkunu, nug wannu haen imuppan doyak dabmak ena ele oh qeeb naɗ!

1 Korint 3:18 Referans Kwoze

Prowerb 3:5

Amu na meut ohppa Yawenu ootppa genab doye! Ao, na diignu doyak tutukku nahip aib anuqak dabmettanna oime.

Aisaia 5:21

Danab ah aun aɗi ag inam anana, “Ig amu, ig doyak dabmak ena ele,” atteb, ahilagnu am gadonnab gadon. Ao, aun aɗi ag inam anana, “Ihinig dabmak ignab ehanigkkunu elele,” dabmetteb amu, ahilagnu am gadonnab gadon. ⌊Ag padal mekkulag.⌋

Galesia 6:3

Danab laa nug nukka nug, “Da onil ele,” dabmette, amge nug onig iitta, danab amu nug nukka nug oo buppuidtte.

Jems 1:22

Ag akka ag oolag buppuidna, Kayak nai am keeke hamu bia aib dooppig. Ag nai amu doon, genab dim lamitteg!

Luk 18:17

Anam ana, Nug amelagppa aum. “Da genab ag amelagppa attem. Danab nug Kayaknu ɗo maɗoɗ nid nakok aotte amubia ii aokku amu, nug Kayaknu ɗo maɗoɗ ooppa iinab noma,” awa aum.

Matyu 18:4

Amunu laa nug onig qe ne oitte, nid nakok imubia amu, nug Kayaknu ɗo maɗoɗ ooppa, laa oh eɗattak daatte.

Mak 10:15

Da genab ag amelagppa attem. Danab nug Kayaknu ɗo maɗoɗ nid nakok aotte amubia ii aokku amu, nug Kayaknu ɗo maɗoɗ iinab noma,” awa aum.

Jems 1:26

Am danab laa nug, “Da amu Kayaknu danab ena, da hanhan genab Kayak binag mettem,” awa akkutai, amge nug oɗe ii atognotte dayeb amu, nug nukka oo buppuidtte amunu, Kayak binag mak nuhig am keeke hamu.

Taitus 3:3

Aɗinu ig anam oignig? Ig ele anukka dabmak tutukku iittappa, nai tappe nakppa, Satan nuhig hambuppuakppa ele oimut. Ig oo ahaknu keeke digdig kuɗum, amu beɗunig gamag ahak aokkunu kobol digdig kuɗum ele waappa daat hemut. Ig oo aeg bak kobolppa oitta, laa dilagnu ele amenig qe oonig elele ii dayom. Ig oonigppa lainkad dilagnu nau ninig ele doot oimut, amu ag ele ihinignu anamib doon oippig.

Epesus 5:6

Laa nug nai hamu mattiakppa ag eeɗatteb, kobol nau oh amuppa nomananu dabmeig! Aɗinu? Kayaknu oppoɗi bak uɗitte ele am danab oh ag Kayaknu ɗo tappaeg nette ele, ahilagppa daakku

1 Korint 6:9

Ag imu iite dootteb? Danab ag nau hetteb ele amu, ag Kayaknu ɗo maɗoɗ ooppa ii daamna. Na nakka nahipnu aib hambuppume. Aun aɗi ag gappai hetteb, o aun aɗi ag kayak hambuppuak binalag metteb, o aun aɗi ag ewau pakkua gappai hak danab daatteb, o aun aɗi ag danab danabib, o ah ahib gappai aɗatteb,

1 Korint 4:10

Ig totol danab ig wan imuppan danab dilag neekkakppa, ig Kristus dim lamidttem amunu, ig am danab dabmak tutukku iitta ele, amge ag Korint danab ag ahilag dabmakppa, ag am Kristusnu daatteb, amuppa ag am danab doyak dabmak ena ele. Ig am danab ɠagattag iitta, ag am danab ɠagattag ele. Ig am binanig iitta, ag am binalag ele.

Jeremaia 8:8

Ag inam atteb. “Ig Yawenu ɗo ele amunu, ig am danab doyak dabmak ena ele,” amge ag diig attemun anam atteb? Genabnab genab, ahilag ippunittak danab ag uɗat okkai henan, ɗo dahil yaan ippunadppig, amge maɗi ahilag amuam meu iitta.

Prowerb 26:12

Danab nug Kayak dab-ii-maama ii dim lamidtte amu, amuam nau, amge laa nug nuhignu nug baolia, ena bekkunu dabmak aɗa oikkunu elele; amge danab nug nukka nuhignu, “Da doyak dabmak ena ele aɗe oittem,” anam dabmette amu, amuam kobol naunab, laa nug nuhignu nug baolia, ena bekkunu dabmak aɗa oikkunu am uug ele.

Prowerb 3:7

Na nakka amu, “Da iikku, da doyak dabmak ena okkai ele daattem,” aib dabmeme. Iitta. Na Yawenu ebehin oh bodoetta le meeb, Nug dim lamidkkutnunab oinna, kobol eheɗ aib heme.

1 Jon 1:8

Ig, “Ig hipunin iitta,” attem dayeb amu, ig ikka hambuppuigttem, amu doyak diig genabib ig oonigppa ii niitte.

2 Timoti 3:13

Amge danab nau, hambuppuak aɗi ele, ag kobol nau henana, tuɗidna naunab henana, ag laa hambuppualattegeg, laa amu ag ele ag hambuppualadkkulag.

Galesia 6:7

Laa nug ag buppualatteb dim lamidmananu dabmeig! Laa nug Kayak hambuppuidkkunu elele iitta. Amu inam. Danab nug ee tumu ebatte amu, geha dimppa ee tumu eppom amuib meu amu aokku; meu laa ii aoma.

1 Korint 15:33

Hambuppualadmananude dabmeig! Danab nau ag anam maditteb ele amu, ig ag ele oignig amu, geha ag ihinig dabmak heppeg kabolieb, ag oitteb bia oignig.

Rom 12:16

Ag oh laippu daan, oolag maɗoɗ ele dayeg! Ag dada kobol aib dim lamidppig. Iitta. Ag danab binag okkai iitta ele oh oiyeg! Ag akka ahilagib dabmena, “Da dakka iikku doyak ena ele,” aib appig.

Aisaia 44:20

Danab nug kayak hambuppuak dottog hoiya, binag mette ele, nug am dabmak iittanab iitta. Nuhig doyak am kaliak dayaya he, danab amu nug ib tutukku apiɗitta malom. Nug nukka, nug padal memanu nugakka ehanidkkunu elele iitta dayaya, nug dabmak nau nuhig uua, “Kayak hambuppuaknu dottog imu da eppelppa aɗattem ele, keeke amuam keeke genab iitta, am keeke hambuppuaknab,” akkunu ele, elele iitta.

Rom 11:25

O lailad, ag akka ahilagnu dabmena, “Ig doyak binanig ele okkainab,” aon amananu da ag nai anukka tonak dayom amu da geha iikku miag atiak madikkulnu hettem ele amu, ag amunu ootot ii aqamanu ool daatte. Anam amunu, da nai anukka tonak dayom ele imu ahilagppa diig matule madittem. Amu inam. Israel danab laala ag dabmak ɠagattag eppom ele, kobol amu ahilag am anamib dayeb ukkeb, iitta aɗi ag Kayak dim lamidkkulagnu nuhig aɗppa wappeg, ebqak melemel elele aokku.

Luk 21:8

Ag anam aeg, Jesus Nug aum. “Laa ag hambuppualadmanu, ag dabmeig! Aɗinu? Danab kuɗum ag da onilppa uɗin, ‘Da am Kristus,’ ana, ‘Haen miag aakku doum,’ ele aon akkulag, amge ag ahan, ag aib dim lamadna goppig.

Prowerb 5:7

Anam amunu, o da bekkalad, gemu ag dahil nai doyeg! Ag aibnab da nai madittem imu paɗappeg neum.

Jeremaia 37:9

Yawe Nug anam anana, Nug imu ele atte. “Ag agakka hambuppualadmananu, ag, ‘Babilon ag genab hamu uuigna gokkulag,’ aib anam dabmeppig. Aɗinu? Babilon ag anam iinab hemana.

Matyu 13:22

Ee aeg wan uud keeke qaun ele beppigppa nena qeppig ele amu, nai amu inam ippunigtte. Danab laa nug nai dootte, amge wannu haen imunu uug laala, enub awak uɗatnu ameg qak kobol ele, keeke amu oh danab amu nug ooppa he, Kayak nai iitta ma, meu ii otte.

1 Korint 3:17

Danab laa nug Kayaknu mettid lag heeb nauhkku amu, Kayak Nug ele danab amu heeb nauhkku. Aɗinu? Kayaknu mettid lag am nuhignu tituanak daatte, amu ag aakku Kayaknu mettid lag daatteb.