1 Korint 16:5 - Nobonob Baibel

⁵ Da tatam Makedonia oppaten gokkulnu dabmettem amunu, da anam oppaten ukkoya, geha da ahilagppa ana tekkul.

1 Korint 16:5 Referans Kwoze

Aposel 19:21

Keeke amu oh ba ukka malom, dimppa Kayak Ouɗi Nug Pol dabmak mette, Pol nug aha, Makedonia Akaia ele ukkowa, dimppa nug Jerusalem gokkunu dabmeum. Dabma amu nug aum. “Da Jerusalem appa ukkoya, dimppa amu da ukken aab okkai onig Rom ele gokkuloitte,” awa aum.

1 Korint 4:19

Laa ag anam hetteb, amge Naɗi Nug oo dayeb amu, da ag gumatte gokkul. Ukkena amu da beɗuppa tak danab amu dilag nai doyena, ɠagattag ahilag ele am genab daatte o iitta, amu ele da anidkkul.

Rom 15:26

Aɗinu? Prowins Makedonia, Akaia ele, danab appanu ag Kayaknu danab ah oppiaawak ele Jerusalem daatteb, ag keekenu tutu men daatteb amu, ag ag ehanadkkulagnu keeke nakok laa qagmaadna, ag meppeg gokkunu maidppig.

1 Korint 16:4

Aria, da ele gokkulnu am ena bia anidkkul dayeb amu, da ag omaladppi, oh gokkunig.