1 Korint 16:22 - Nobonob Baibel

²² Am danab laa nug Naɗinu oo ii mauhtte dayeb, nug eheɗ laa awaknu anak waappa dayaɗ! Naɗi, na uɗie!

1 Korint 16:22 Referans Kwoze

Epesus 6:24

Amu Kayaknu ehanittak okkai Nug hamu megatte amu, amuam danab oh ag ihinig Naɗi Jesus Kristusnu ii daye daye oolag mauhtte ele, am ahilagppa dayaɗ!

Jon 14:21

Am aun laa nug dahil haknunab anak awa dim lamadtte ele, nug aakkuib am dahilnu oo mauhtte. Am aun nug dahilnu oo mauhtte amu, Mame Nug ele nuhignu oo mauhkku. Da ele nuhignu ool mauhebeb, da nug da diil miag atiak nug ippunidkkul,” awa aum.

1 Jon 5:1

Am aun laa nug, Jesus am Kristus, ooppa genab dootte amu nug Kayak Bekka beum daatte. Amu aun laa nug Mamenu oo mauhak dootte amu, nug Bekkanu ele oo mauhak dootte.

1 Jon 4:19

Kayak Nug tatam ihinignu oo mauhom amunu, ig oo mauhak kobolppa oittem.

Jon 8:42

Aeg am Jesus amelagppa aum. “Ag Mamelag genab Kayaklob, ag dahilnu oolag mauhlo. Aɗinu? Da Kayak ele daaɗa uɗimi. Da dahil maittakppa ii uɗimi. Iitta. Kayak Nug da meiɗe uɗimi.

Matyu 10:37

Amu danab nug anig mameg ele dilah oo mauhtte, amge dahilnu oo huanak ii mauhtte amu, nug da layal iitta. Amu ele, danab nug bekka aɗeg ele dilah oo mauhtte, amge dahilnu oo huanak ii mauhtte amu, nug am da layal iitta.

Revelesen 22:20

Laa Nug nai imu oh aum amu Nug atte. “Yo, da paha eɗuen uɗikkul,” awa atte! Genab, Naɗi Jesus, na uɗie!

1 Pita 2:7

Ag nuhignu oolagppa genab dootteb amu, ag nuhigppa ehanittak okkai aotteb, amge danab ah ag oolagppa genab ii dootteb amu, ahilagppa Nug inam beum daatte. “Men laa, lag hak danab ag men amu uuppig, amge lag mameg nug men amu awa me, lagnu men anuqak daatte.”

1 Pita 1:8

Ag Nug ii anidppig, amge ag nuhignu oolag mauhtte. Ag gemu ele Nug ii anidtteb, amge ag nuhignu oolagppa genab dootteb. Ag anam doona, ag ooppa genab doyak ahilkadnu gogppa tak, amuam Kayak eɗua diiadtte, ag amu aotteb amu, ag amu doonna, ag maɗoɗppan gamag ahak binag amahlak oppiaawak ele, danab aun nug amunu elele anaknu elele iitta, ag amu dootteb.

Hibru 6:10

Kayak Nug epeɗiak eheɗ laa ii hette amunu, ag uɗat nuhig heppig, ag nuhignu oolag mauhtte dabmenana, nuhikkud danab ah oppiaawak ele ehanattegeg uɗie gemu ele anam hetteb amu, Nug amu oh daug ii atima.

Rom 9:3

Kayak Nug da lailad, ag am da ele tiinig laippu, Nug ag eɗua diikkunu ool okkai daatte amunu, ib laa elele daalo, ib amuam da eheɗ laa awaknu anak waappa daalom, Kristus da geɗileb, da laih wain padal melom, ib amuppa da Israel danab ah ag Kayak noobppa ena daaglagnu ehanadkkulnu elele daalom amu, da anam helom. Amge ib anam bia laa iitta.

Galesia 5:6

Danab nug Kristus Jesus ele ouqak daattep amu, nuhigppa gaɗa otaɗak kobol, o iitta gaɗa ii otaɗak kobol, aɗit amu oh am keeke hamu. Nuhigppa keeke laippuib am okkai daatte. Amuam danab nug ooppa genab doya, laa dilagnu oo mauhtte.

1 Korint 12:3

Amunu gemu keeke amubia baula bemanu, ag imu dooglagnu da ool daatte. Kayak Ouɗi Nug danab laa ooppa noa heeb, nai mehuqa, “Jesus Nug eheɗ laa awaknu anak waappa daakkunu ool daatte,” madikkunu elele iitta. Aria danab auntai laa, nug ooppa Kayak Ouɗi iitta ele amu nug Kayak binag ma, “Jesus Nug Naɗi daatte,” madikkunu ele elele iitta.

Aposel 23:14

Ag anam hewona, ag ahan, mana mettak danab okkai amu Juda dilag ikki danab ele gumadna gona appig. “Ig keeke laa hekkunignu nai ɠagattag qettat, inam amut. ‘Ig ee nakok laa paha ii lamata. Iitta. Ig hamu daapput ukkeb, Pol qepput mauheb, ig eɗut ee lakkunig.’ Ig anam amut,” aon appig.

Jon 16:14

Nug dahilppanu aɗi awom amu, Nug ag amelagppa madikku amunu, amuppa Nug da binal amahlak oppiaawak meɗakku.

Jon 15:24

Da kobol danab hekkunu elele iitta, danab laa ii heum ele ahilagppa ii helom amu, ag hipuninnu aab iitta daalob, amge ag anadna, hamu bia doona, da amu da Mamel ele ag ihinihnu nau ninig ele dooppig.

Jon 14:23

Judas laa amu nug anam a, Jesus Nug aum. “Danab laa nug dahilnu oo mauhak dootte dayeb, nug dahil nai ele dim lamidkku. Aria, danab amunu amu da Mamel Nug nuhignu oo mauhkku. Amu da Nug ele, i nuhigppa nepuɗ, ig oh laippu, danab ewam lag laippuppa daatteb, amubia haen oh daagnig.

Jon 14:15

Am ag dahilnu oolag mauhtte dayeb, ag dahil haknunab anak dim lamadkkulag.

Aisaia 5:1

Gemu da ahi laa mapitten edakkulnu hettem. Ahi imuam da layal, nuhig muɗi grep dadnu ele dilah kaya. Qauko nakok laappa wan laih ittag ele amuppa amu, da layal nug muɗi grep dad nuhig heum.

Solomonnu Ahi 5:16

Danab laa nug ee ubuhinab ele lakkunu oo huan hette, amubia da dahil danab ootuqitte, da anamnab doottem; nug iɗu tuqak aakkuib daatte, aɗitai laa nuhignu am nakok nau laa iitta, enanagib. O Jerusalem ah, amuam laa, nug dahilnu oo mauhtte ele, nug da layal.

Solomonnu Ahi 1:7

O danab dahil, da am nahipnu ool mauhtte. Na gemu nahipad sipsip ag gikkiɗah lakkulagnu na adeppa omaladna gokkutnu am appe doyei! Ge, na gemu aam anig haenppa sipsip ag hik aon daaglagnu adeppa maadppe daaglag amu, na aben amu appe doyei! Da na laipad, ag ahilkad sipsip gumadnan daappeg, da na maditten anidkkulnu ag oolagppa oikkul am ena iitta; amunu da amu hepanu, na adeppa daakkutnu am appe dookkulnu ool okkai daatte.

Pilipai 4:5

Naɗi uɗikkunu haen aakku malom daatte amunu, ag heppeg, danab oh ag ahilagnu, ag am oolag bodoette wagai ii mak danab daatteb doyatteg!