1 Korint 16:18 - Nobonob Baibel

¹⁸ Ag da oo maɗoɗ meɗappig. Tatam danab ewam amu ag Korint appa ag ele daanna, ag ag oo maɗoɗ madappig, amubia ag da oo maɗoɗ meɗappig amunu, ag danab anam amu onilag humeg!

1 Korint 16:18 Referans Kwoze

Pilemon 1:7

O layal, na Kayaknu danab ah oppiaawak ele dilagnu oot mauhe ehanadna, ɠagattag aqame amunu, da maɗoɗppan gamag ahak, okkai oo ɠagattag qak ele nahipnu doottem.

2 Korint 7:13

Kobol eleleib ahilagppa daatte anidmut, amu diig amuppa ig oo ɠagattag qettak doottem. Ig diig amunu oo ɠagattag qettak doottem, amge amuib iitta. Keeke laa ele daatte. Amuam ag oh Taitus ɠagattag qettaegeg, nug gamag ahom, ig amu anidta, amu ig amunu ele enanagnab doottem.

1 Tesalonaika 5:12

O lainkad, ag aun aɗi ag ahilagnu uɗat ɠagattag hetteb, ag Naɗi onigppa ahilag ikki daanna, ag ib ippunadnana ahilagnu tolittak nai atteb ele amu, ag danab amu dilagnu ena elele doyeg!

Kolosi 4:8

Nug ukka, ag amelagppa ab, ag ig attem daattem dooglagnu, nug ag oolag ɠagattag qedakkunu ele, diig aɗit amunu amu da mei gotte.

Rom 15:32

Anam dayeb amu Kayak Nug ele oo dayeb amu, da maɗoɗppan gamag ahak ele ahilagppa wain, ag ele haen tutu laa daapput, ig oh nug oo ɠagattag qak doognig.

Prowerb 25:25

Baegppan laa, nug aab umanabppa daatte, nug ena daattenu nai uɗitte amu; amuam danab nug le baag diie, le oug latte, amubia daatte.

Prowerb 25:13

Nai awa ukkak danab, laa ag nuhignu genab elele dooglagnu elele, nug uɗat nuhig ena amuppa, nuhig okkai, ag nug meeg gotte amu, nug ag ehanadtte; ehanittak amuam, danab nug deɗ laa gakkaɗak haen nauppa, nug le oug lawowa, ehanittak aotte, am amubia daatte.

3 Jon 1:4

Ao, dahilad nid ag haen oh doyak diig genabib dim lamidna oitteb doyen amu, da maɗoɗppan gamag ahak okkai aottem; maɗoɗppan gamag ahak laa am maɗoɗppan gamag ahak amu eɗidkkunu elele iitta.

Pilemon 1:20

Ao layal, Naɗi onigppa na dahil dabmak dim lamidkkutnu oɗ medattem. I oh am Kristusnu daattep amunu, na kobol amuib heppe, da ool ena daakku.

Hibru 13:7

Tamaniaknu ikki danab tatam tatam ag Kayak nai mattiegeg ag dooppig amu, ag ag daulagppa doaɗ! Ag daulagppa doobob, ag danab amu ag attem oin daanna, uɗat hena, attem mauhadppig, ag amu oh dabmena, ag ele ahilkad ooppa genab doyak bia doyeg!