1 Korint 16:14 - Nobonob Baibel

¹⁴ Ag keeke oh henana, ag oo mauhak doonna ag heig!

1 Korint 16:14 Referans Kwoze

1 Pita 4:8

Ag lailkad dilag huana oolag mauhkkunu dabmak ahilagppa anuqak dayaɗ! Aɗinu? Layagnu oo mauhak kobol nug kobol eheɗ kuɗum tone iitta mette.

1 Timoti 1:5

Da danab oh ag Jesusnu oolagppa genab dootteb ele, da ag oolagppa oo mauhak amba dayeb oiglagnu, da diig amunu haknunab anak amu madattem. Oo mauhak amunu amu, am danab oolkad oppiak ele, ahilkad ooppan oiyak ippunittaknu ulum eheɗ laa heppig ii ippunadtte, amu ag Kayaknu ooppa genab doyak genab doonna oitteb, oo mauhak amuam danab ag oolkad amubia daatte, am ahilagppanu ba gotte.

1 Korint 12:31

Anam amunu, ag Kayak Ouɗinu ɗo hamu mettak okkai aoglagnu oolag hette, amge da geha iikku ib enanagnab ippunadppi dim lamidkkulagnu hettem.

Galesia 5:22

Beɗunu kobol am aakku, amge Kayak Ouɗi Nug he, oiyak ihinigppa meu laala imu bette. Oo mauhak kobol, maɗoɗppan gamag ahak kobol, maɗoɗ dayak kobol, dagom kobol, oo bodoettak kobol, ena hak kobol, oo metta ii uuak kobol,

2 Pita 1:7

Amu ag lailkad ele layam ena daaglagnu kobol aona, ag genab tutukku hak kobol ele ouaqateg! Amu ag oo mauhak kobol aona, lailkad ele layam ena dayak kobol ele ouaqateg!

Jon 15:17

Da haknunab imu iikku ag madattem; ag akka akka dilagnu, ag oo mauhak doyeg!!

Hibru 13:4

Ewau dayaknu amu, ag oh amunu ena doyeg! Danab ah ele ewau daattep, aa gappai laa aib hepiɗ. Aɗinu? Kayak Nug geha ewau pakkua gappai hak danab, amu laa gappai kobol laala hetteb ele, Nug ag epeɗiadkku.

Rom 14:15

Aria, laa nug keeke laa lakkunu eheɗ dootte dayeb, amge na ee amu lattem amu, kobol nahip amuppa na heppe, na layap nug ooppa guittak dookku, na amunu dookkut, kobol amuppa na layapnu oot ii mauhtte. Amu Kristus Nug na layap amu eɗua aokkunu mauhom amunu, na nahip ee lanak kobolppa nuhig ooppa genab doyak aib heppe nauhom.

2 Tesalonaika 1:3

O lainkad, ig haen oh Kayak amegppa, “Ena heme,” aot akkunignab. Aɗinu? Ahilag ooppa genab doyak am okkainab mette, amu ag akka akka ag nug oo mauhak doona, tuɗidna huanak hetteb.

1 Tesalonaika 3:12

Laa ele, Naɗi Nug oo mauhak kobol ahilagppa ambaknab matteb, ag lailkad dilagnu, danab oh dilagppa ele, ig ahilagnu oo mauhak doottem bia ag oolag mauhkkunu oonig daye,

1 Tesalonaika 3:6

Amge Timoti ag uuatta aha, eɗua uɗia, geha iikku gumikka ba, Nug ahilag ooppa genab doyaknu, layagnu oo mauhak kobol hettebnu ele, ag amu ohnu ena, elele hetteb mattie doomuɗ. Laa ele, ag haen oh ihinignu dabmenana, oolagppa ihinignu ena doonna daattebnu, ig ag anadkkunignu oonig okkainab daatte, amubia ag ig anigkkulagnu oolag okkainab daatte, amunu ele mattie doomuɗ

1 Korint 8:1

Aria, dimittimnu danab, ag Jesusnu oolagppa genab ii dootteb ele, ag doɗ main kayak hambuppuak dottolkad madatteb amu, ig Kristen ig teppu amu lakkunigtai, o iittatai, imu am amunu nai. Ig doottem, ig oh am keeke amunu doyak ele, amge doyak ⌊nukka dayeye, oo mauhak ulum ii medatte dayeb,⌋ doyak am heeb, danab nug doyak ele dada danab bette. Amge layagnu oo mauhak kobol am danab oo ɠagattag qedatte.

1 Korint 14:1

Oo mauhaknu kobol anam daatte amunu, ag hanhan danab ah laa dilag oolag mauhkkunu wagai menana, aria ag Kayak Ouɗinu ɗo hamu megatte amu ag aoglagnu oolag dayaɗ! Amge ɗo hamu mettak anuqak amu ag propet nai mehuqaknu, ag amu aoglagnu wagai meig!

1 Korint 16:15

O lailad, ag Stepanas amu nug baekkudppanu ele, ag am prowins Akaia oolagppanu ag tatam Kristen bena, ag akka Kayaknu danab ah oppiaawak ele ehanadkkulagnu oolag daye, uɗat amu aoppig hetteb amu ag dootteb. Amu O lailad, da ag inam hekkulagnu ahilkad dabmak maɗedattem.