1 Korint 15:55 - Nobonob Baibel

⁵⁵ Mauhak, na laa eɗattaknu nahip ɠagattag adeppa daatte? Mauhak, na laa aqappe mauhkkulagnu nahip ban aeg amu adeppa daatte?”

1 Korint 15:55 Referans Kwoze

Hosea 13:14

Da geha ehanittak okkaippa ag moɗnu qagaiettakppanu uhuqadkkul. Ao, da mauhaknu qagaiettakppanu eɗua uhuqak hein madakkul. Da anam heppi, danab ah ag akkulag. ‘O Mauhak, na attem heppe, danab ah ag oɗe nau danab kuɗum aqe mauhtteb ele digdig amu aon mauhkkulag? O Boumak Aben, na attem heppe, danab ah ag nauhkkulag?’ aon akkulag. Haen amuppa da ag ehanadkkulnu dabmettem amu, dabmak amuam iinab baolima.

Rom 5:14

Anam amu, mauhak am Adamnu haenppanu daye ukke, Mosesnu haenppa ele dayom. Mauhak am danab oh tonattom. Ao, danab laala ag Adam nug ɗo tappe neum bia ii heppig, amge mauhak am danab amu ele tonattom. Adamnu hak, amu laa uɗikkunu dayom, am Kristus, nuhig hak ele, hak aɗit amu oh aa danab ah oh tonadpiɗ, amge Adamnu hakppa uug beum, Kristusnu hakppa ehanittak okkainab beum.

Aposel 2:27

Aɗinu? Na geha da ii uuiɗmana amunu, da mauhak daatteb abenppa ii daapa. Ao, geha na nahip Laa Oppiaawak Ele, na Nug ii uuidmana amunu, Nug beɗu ii nauhma.

Sam 89:48

Auntai laa bau dayaya, ii mauhma. Ao, auntai laa nug nukka nug heeb, nug moɗppa ii noma. Sila.

Aposel 9:5

Anam awa a, Saul nug aum. “Naɗi na am aun?” awa oɗ mettom. Oɗ mette amu Naɗi Nug eɗua aum. “Da am Jesus; na da eheɗ heiɗttem.

Eklisiastis 8:8

Danab laa nug ulah attem attem hekkunu ɗo medakkunu elele iitta; amubia danab laa nug mauhkkunu deɗ nuhig ii gumatte. Ban haenppa danab okkai nug laa amegppa, “Na oot heeb, na eɗun lakka gona, hamu daakkut,” ii atte; amubia danab nug hak naunu ena doya, doyaya tuɗidib heebeb, hak nau amuam danab amu ii paɗama.

Luk 16:23

Nug mauhe, nug ukka, Hadesppa guittak naɗi ele dayom. Anam dayaya, nug neekke attan ukke, Abraham umanab dayeye, Lasarus nug ele daaeheh anatom.

Eklisiastis 3:19

Doɗ bia danab ah ag mauhtteb. Danab ah, doɗ ele oh am ib laippuib dim lamidtteb. Laa mauhtteb, amubia laa ele mauhtteb. Ag oh bau dayaknu ouɗi am laippu. Kobol amunu danab ag doɗ ii eɗadtteb. Diig amunu keeke oh am gaɗappa, unuqagppa ele anttak laippu iitta.

Revelesen 9:10

Ag boolkad am apiap boolkad bia, amu apiap bia ag boolkad noobppa aeg hawaɗ ele daappig, amuppa danab ah guittak kalam tanig ele mattaglagnu elele daappig.

1 Korint 15:56

Mauhaknu ban aeg am hipunin, amu hipuninnu ɠagattag amu ɗo.

Job 41:22

Nug duug am ɠagattagnab; nug oiyeye, laa oh ag oo uug nau qak dootteb.