1 Korint 15:23 - Nobonob Baibel

²³ Anam, amge amu oh anen anen, ahilag haenppa awaknu daatteb. Tatam Kristus Nug eɗua hibaittom, aria dimppa, haen Kristus Nug eɗua uɗikku, laa ag nuhigppa daatteb ele, ag geha eɗun hippaidkkulag.

1 Korint 15:23 Referans Kwoze

Galesia 3:29

Amu ag Kristusnu daatteb dayeb amu, aria ag am Abraham buɗub aakku daatteb amunu, ag aakku Kayak Nug anukka Abraham amegppa keeke laa heeb bekkunu nai qakka aum amu, ag amu aoglag.

Aisaia 26:19

Ig anam daamut, amge ⌊O Yawe, nahipad⌋ huu mauhna, moɗppa daatteb, ag geha eɗun ahaglag. Ag beɗulag eɗua, bau ahakku. O ag danab ah, ag matmatppa niitteb amu, ag eɗun, bau ahan gamalag ahebeb, ag eig! Aɗinu? Yawe Nug heeb, tuqan baito wan qaɗaiettakppa na, leppu mette, gikkiɗah bau bette, amubia ag moɗppa daatteb ele, ag eɗun ahaglag.

1 Korint 15:20

Amge anam iitta. Kristus Nug mauhe, Kayak Nug genabnab he, Nug eɗua hibaittom. Nug datta ee tatam oɗue digmen aotteb, amubia Nug danab mauhak amu, Nug ag oolagppanu Nug tatam anuqa eɗua hibaittom.

2 Korint 10:7

Ag keeke unuqagnab amu ii anidtteb. Danab laa nug nuhignu, “Da am genab tutukku hak danab, Kristusnu danab daattem,” ɠagattag dabmette dayeb amu, nug eɗua imu ele doyaɗ! Nug am Kristusnu danab daatte, amubia ig ele am Kristusnu danab daattem.

1 Tesalonaika 2:19

Ig ag eɗut anadkkunignu oonig huana dayomnu diig am, dimppa ihinig Naɗi Jesus eɗua uɗikku, ig Nug noobppa hippaidkkunig ele amu, haen amuppa ag am ig oonig ena daakkunu, maɗoɗppan gamag ahak ele aognignu, nob ena aognignu diig daaglag.

Galesia 5:24

Kristus Jesusnu danab oh ag oolag alag, nuhig beɗunu kobol amu oo ahak nau kobol ele oh ad emaitakppa atulppig daatteb.

1 Korint 3:23

amge ag am Kristusnu, amu Kristus Nug am Kayaknu aakku daatte.

Matyu 16:27

Danab Bekkalag da, da Mamelnu binag amahlak oppiaawak ele uɗippi, engel ele uɗignig, amu haen amuppa da danab ah dilag hak, amu nob eɗue madakkul.

Matyu 16:28

Da genab ag amelagppa attem. Danab laala gemu ippa hippaidna daatteb ele, ag paha ii mauhmana. Iitta. Tatam ag Danab Bekkalag da, dahil ɗo maɗoɗ ele awen nebippi, ag mauhkkulag,” awa aum.

Aposel 26:23

Nai amuam inam. ‘Kayak Nug anukka Kristus Nug guittak doyowa, Nug anuqa eɗua hippaidkku, ib amuppa nug Juda danab, amu iitta aɗi danab ele ehanittak aoglagnu ib ippunadkkunu dabmeum,’ ” awa aum.

1 Korint 6:14

Amu Kayak Nug nuhig ɠagattag amuppa he, Naɗi eɗua hibaittom. Am geha ihinigppa ele Nug anamib hekku; ig ele anam eɗut ahagnig.

Pilipai 3:11

Amunu diig am, da anam heinne, da mauhe, eɗue hippaidkkulnu doottem.