1 Korint 15:1 - Nobonob Baibel

¹ O lailad, da ahilag dabmak Nai Enanu maɗedakkulnu hettem. Da tatam digmakppa Nai Ena amu mehuqi, ag Nai Ena amu doon aɗan, oolagppa genab doon, amuppa ɠagattag daatteb.

1 Korint 15:1 Referans Kwoze

1 Pita 5:12

Amu da Silas, da nug am ig lainig, nug oo metta ii uuak kobol dim lamidtte doottem amu, da nuhig ehanittakppa da nai tutu imu ahilagnu yaami. Ad uɗug imunu amu, da ag ɠagattag aqakkulnu, da ag nai da yaami am Kayaknu ehanittak okkai hamu mettak genab ippuanadtte, da amu ele ippuanadkkulnu aakku yaami. Ag aguppa ɠagattag dayeg!

1 Tesalonaika 1:6

Ag ihinig kobol dim lamidnana, Naɗinu ele dim lamidppig. Ag uug teppu ele maoppig, amge Kayaknu nai ii uuppig. Iitta. Ag Kayak Ouɗinu maɗoɗppan gamag ahak ele nai amu aoppig.

2 Korint 1:24

Ag ahilag ooppa genab doyakppa daatteb amunu, ig ahilag ooppa genab doyak gumagnignu ii hettem. Iitta. Ig ag maɗoɗppan gamag ahak dooglagnu ig ag ele, ig tamanit, uɗat hettem.

2 Tesalonaika 3:6

O lainkad, ig Naɗi Jesus Kristus onigppa haknunab nai imu ag amelagppa attem. Ag lailkad laa bahilag iitta, ag kobol ena, ig tatam ippunadmut, ag amu ii dim lamidtteb amu, ag danab amu ele aib ouqeppig.

1 Tesalonaika 4:1

Ao ig lainkad, ig kobol Kayak oo niitte bia, ag amuppa oiglagnu ippunadmut amu, ag amu dim lamidtteb. Gemu amu, ig Naɗi Jesus onigppa ag huana dim lamidkkulagnu ahilkad dabmak maɗedattem.

1 Tesalonaika 2:13

Ig ag amelagppa nai mehuqmut amu, ag wanppanu danab dilag nai bia ii aoppig. Iitta. Ag nai amunu, am Kayak nai, tutukku doonna aoppig amunu amu, ig haen oh Kayak amegppa keeke amunu ele, “Ena heme,” aot attem. Nai amunu amu ag oolagppa genab dootteb ele amu, nug ag oolagppa uɗat ɠagattag heehe, meu aakku bette.

Rom 2:16

Amunu epeɗiak deɗ ana uɗieb, Kayak Nug geha danab oh dilag kobol lokkumak daatte, ahilag dabmak lokkumak daatte ele Jesus Kristus nuhigppa, da Nai Ena mehuqttem bia, epeɗiadkku.

Aposel 11:1

Aria totol danab laa, amu ag lailkad Juda wanppa daappig ele ag oh iitta aɗi ag ele Kayak nai aakku aoppig amu, ag dooppig.

Jon 12:48

Laa nug da dimeɗa, dahil nai ii aokku amu, nuhig epeɗiak nug aokkunu appa ana daatte. Nai da nug dookkunu mattimi ele amu, nai amu geha gog tak haenppa nug hettoɗiakppa epeɗikku.

1 Korint 3:6

Da ee aeg eppai, Apolos nug le mettom, amge Kayak Nug he, ee amu beum.

Rom 5:2

Ig oonigppa genab doout, Naɗi Jesus, nuhig uɗat okkaippa, ig Kayaknu ehanittak okkai hamu megatte ele amu aot, ɠagattag daattem. Amu ig Nug ele hab aabppa enanagnab daagnignu ameg meta, ig maɗoɗppan gamag ahak doottem.

Aposel 2:41

Am danab ag Pita nai mattiom, ag amu genab doonna, ahilag ebqak am 3,000 keeke, amu ag layattak aoppig. Aona, ag Jesusnu oolagppa genab dooppig ele, ag amu oolagppa ukkaeg, oh laippu daanna,

Rom 11:20

Genab! Eppekkud qiialatta awak amu, ag oolagppa genab ii dooppig amunu, Nug ag qiialatta awom. Ag iitta aɗi ag Kristen beppig daatteb ele, ag am oolagppa genab dootteb amunu, ag aakku ena daatteb, amge ag dabmena autna aweg! Ag aib hibguitta heppig. Iitta! Ag Kayaknu ebehilkad oh bodoetta le maɗ!

1 Korint 4:15

Ag Kristusnu daanna, ag ippunittak danab kuɗumnab ag ehanadkkulagnu diiglagtai. Ag diiglag dayeb am diiglag, amge amuam heeb, keeke laa ii baolima. Keeke ii baolikku, amuam da Jesusnu Nai Ena mehuqi, ag oolagppa genab dooppig amunu, daib ag mamelag daattem; ag mamelkad kuɗum iitta.

1 Korint 16:13

Ag Korint danab ag ib apiɗidna eheɗ gomananu amu, ag dabmettan autna aona, ag ahilag ooppa genab doyakppa ɠagattag daan, ag ooppa ɠagattag dayak ele daanna, ɠagattag ele dayeg!