1 Korint 14:37 - Nobonob Baibel

³⁷ Danab laa nug, “Da am propet,” dabmette dayeb, o nug, “Kayak Ouɗi Nug dabmak ippuniɗtte,” dabmette dayeb amu, aria nug nai da ahilagppa yaattem imu, nug amunu, “Naɗinu ɗo anam daatte,” ele anaɗ!

1 Korint 14:37 Referans Kwoze

1 Jon 4:6

Ge ig am Kayaknu amunu, aun nug Kayak dootte amu nug ihinig nai dootte. Amge aun nug Kayaknu danab iitta amu, nug ihinig nai ii dootte. Amuppa ele ig aun nug Kayak Ouɗi oɗe awa, nai doyak diig genabibppanu maditte, amu aun nug wan imuppan okkai oɗe awa, nai genab iitta maditte ele doottem.

2 Korint 10:7

Ag keeke unuqagnab amu ii anidtteb. Danab laa nug nuhignu, “Da am genab tutukku hak danab, Kristusnu danab daattem,” ɠagattag dabmette dayeb amu, nug eɗua imu ele doyaɗ! Nug am Kristusnu danab daatte, amubia ig ele am Kristusnu danab daattem.

Jut 1:17

Amge O lailad, ihinig Naɗi Jesus Kristusnu totol danab ag anukka Kayak oɗe aona, butti aɗi, aɗi bekkunu daatte amunu nai mehuqppig amu daulagppa doaɗ!

2 Pita 3:2

Amu da ag Kayaknu propet ag nai appig, amu ag daulagppa dokkunu, ihinig Naɗi, Nug ihinig Padal ii maknu ehanittak ele daatte amu, nuhikkud totol danab ag Nug oɗeppanu haknunab nai aon ag amelagppa madippig amu, da nai aɗit amu oh ag daulagppa dob, ehanadkkunu ool daye yaami.

Galesia 6:8

Amubia danab laa nug beɗunu kobol haaha oitte amu, nug beɗu kobolnu meu nau, padal mak aokku. Amge danab nug Kayak Ouɗinu ehanittak awa aɗa, amuppa oiyaya, Ouɗi kobol amu dim lamitta oitte, Ouɗi Nug danab amu bauklel hanhannu metteb daakku.

2 Korint 11:4

Aɗinu? Danab laala ag gumadna gona, Jesusnu nai kabolinna, ahilag dabmakppa nai ag amelagppa mehuqeg, ag aotteb. Jesusnu nai amu, da Jesusnu nai mehuqttem ele amu, aa laippu iitta, am laa. O iitta danab amu ag ouɗi laanu mehuqeg, ag aotteb. Nug am Kayak Ouɗi, ag anukka aoppig ele amu, Nug iitta, am laa. Amu ag nai diig laa mehuqeg, ag aotteb. Nai amuam Nai Ena, ag matu aoppig ele amu iitta, am laa. Danab ag kobol amu ag oolagppa hetteb ele, ag Korint danab ag agib dabmettan daanna, oolag hette.

2 Korint 10:12

Laa amu, ag oolagppa laala ag, “Ig am danab enanag,” aon atteb ele amu, ig amu dilag melemel amu aot, ig beɗunigppa meta doognignu elele iinab anidta dabmettem. Aria ig ahilag kobol ele aot, ihinig kobol melemel amuppa ii hettoɗittem. Iitta. Danab amu ag akka akka beɗulagppa doonna, ag akka ag epeɗiadtteb. Am danab amu ag ahilag kobolnu amu ag akka ahilag kobolib anidna, ahilag kobol melemel amuppa epeɗidtteb. Danab amu ag am doyak dabmak ena ele iitta.

1 Korint 8:2

Am danab laa nug nukka keeke laanu, “Da amu doyen malami,” atte amu, danab amu nug am doyak elele ii awom, hamu atte.

1 Korint 7:40

Amge da dahil dabmak am inam. Nug danab laa awak uua, hamu daakku amu, nug gamag ahak aokku; amu gamag ahak amuam nug danab aolo, gamag ahalo, am gamag ahak amu eɗidkku. Amuam dahil dabmak, amge Kayak Ouɗi Nug ele anam maidtte bia doottem.

1 Korint 7:25

Aria, oɗmak ahilag laanu amu, danab ah ag ewau matulak ii aoppig ele, ahilagnu amu Naɗi Nug ɗo laa da akkulnu ii ippuniɗom. Da dahil dabmak madittem, amge Naɗi Nug dahilnu oo gai-iitta doya oo meɗa ehaniɗa, Nug da tituaniɗom amunu, nai da attem imu ag amunu oolagppa genab dooglagnu am elele.

Rom 12:3

Kayak Nug da ehanittak okkai hamu meɗom amu, da amuppa ag anen anen amelagppa attem. Ag akka anen anen ag, “Dahil hak, dahil oiyak ele am enanag,” amge nahip hak, nahip oiyak ele am melemel amuppa ii bette amu, ag anambia aib dabmeppig. Iitta. Kayak Nug ooppa genab doyak ahilag ag anen anen matte, ag uɗat hetteb ele amu, ag amu dabmenan, ag akka anen anen ag dabmak tutukku aon oiyeg!

Luk 10:16

Jesus Nug anam ana, Nug ippunittak awak danab amelagppa aum. “Danab nug ahilag nai dootte amu, nug dahil nai dootte. Am danab nug ag dimadatte amu, nug da dimeɗatte. Danab nug da dimeɗatte, nug laa Nug he da uɗimi ele amu, Nug dimedatte,” awa aum.

1 Korint 2:15

Am danab nug Kayak Ouɗi ele, nug keeke oh anen anen, laa am ena laa am nau ele amu, nug amu oh epeɗiadkkunu elele, amge danab ag Kayak Ouɗi iitta, ag danab amu epeɗidkkulagnu elele iitta.

1 Korint 3:1

O lailad, da ag amelagppa nai mehuqmi amu, da danab Kayak Ouɗi oɗe dim lamidtteb dooglagnu nai mehuqttem bia ii mehuqmi. Iitta. Da nai mehuqmi amu da nai, danab dabmak alag ele dooglagnu mehuqttem, nai amubia ag amelagppa mehuqmi. Ag ahilag Kristusnu dayakppa amu, ag yuɗ daaegeg nai mehuqmi.

1 Korint 14:29

Propet aɗit o ewam ag anen anen nai mehuqppeppeg amu, laa ag bia amu, ag nai amu epeɗieg!

1 Korint 14:36

Amu attemtai? Kayaknu nai diig am ag Korint agte? Agibte aakku Kayak nai aoppig, danab ah laala ag amu iittate?

1 Korint 14:38

Amge danab amu nug nai imu dab-ii-mette dayeb amu, aria ag nuhig nai aib dabmeppig.