1 Korint 14:35 - Nobonob Baibel

³⁵ Ah ag nai laa diig dooglag oolag dayeb amu, aria ag laulagppa ahilkad danab oɗ matteg! Ah nug Kristen tamaniakppa nai mehuqkku amu, nug kobol elele ii hette.

1 Korint 14:35 Referans Kwoze

1 Pita 3:7

Amubia ele ah gamulkad ag waalkad ele daanna, kobol ena ahilagppa heig! Ah ag gamulkad ele oh Kayaknu ehanittak okkai hamu mettak amu aona, bauklel daaglag amunu, ah gamulkad ag ahilkad ah dilagnu, “Dahil kadoi, nakok gai-iitta bia,” doyadnana, ahilagnu ena elele doyeg! Ag amu oh hekkulagnu diig am, geha keeke laa unuqittak ahilag heeb ii nauhma.

Epesus 5:12

Kobol laala danab gatatuppa oinna kobol amu hetteb amu, kobol amunu mattiaknu am uɗa nak ele.

1 Korint 11:14

Am Kayak Nug ig danab ah beɗunig piɗe piɗe aben aben ihinig mekkomppa daagnignu anidttem amu, amuam danab laa nug ikki uɗug elab ele daatte dayeb, amuam eheɗ iite ippunigtte? Nug amunu uɗa nak guittak ele iite dookku?

1 Korint 11:6

Ge, ah nug ikki hautaknu uutte amu, nug ikki uɗug hoiaɗ! Amge nug ikki uɗug hoiyaknu uɗa nak dootte dayeb, aria nug ikki hautaɗ!

1 Korint 14:34

ah ag oɗelag qamutna daaglagoitte. Ag nai mattiglagnu ii daatte. Iitta. Ag ɗo atte bia ag ⌊gamulkad⌋ waappa daaglag.

1 Korint 14:36

Amu attemtai? Kayaknu nai diig am ag Korint agte? Agibte aakku Kayak nai aoppig, danab ah laala ag amu iittate?