1 Korint 14:25 - Nobonob Baibel

²⁵ Nai oh amu nug ooppa noa, aɗi lokkumom daatte ele amu oh heeb, miag atieb amu geha nug laippun gateg qaun o, gomela, iɗu wanppa ma, Kayak binag ma, nug oɗeppa, “Genabnab, Kayak Nug ag oolagppa daatte,” awa akku.

1 Korint 14:25 Referans Kwoze

Aisaia 45:14

Amu Yawe Nug atte. “O danab ah dahilad, da heppi, Isip dilag en, am Kus dilag en ele ag Israel, ahilag daakku. Sabea danab, ag danab elab, ag uɗin, ag Israel noolagppa dup nona, ahilag ehanittak daaglag. Ag maɗi nid ag okkai ahilag uɗat hekkulagnu senppa daanna, nug dim lamidtteb, amubia Sabea danab ah ag uɗin, ahilag ehanittak daaglag. Ag uɗin, ag noolagppa dup nona, ag oo doyakppa oɗ mattan akkulag. ‘Genab, Kayak Nug ag ele daatteb; laa ii daatte. Ge, Kayak laa ii daatte ⌊amu ig ele Nug noobppa dup nota, Nug binag mekkunignu oonig hette⌋!’ akkulag.” Yawe Nug anam awa atte.

Sekaraia 8:23

Amu Yawe Nukka Ɠagattag Oh Ele Nug atte. “Haen amuppa amu, wanppan wan ohppanu, nailag ohppanu ele danab eblaih tanig ele ag ahan, Juda danab laippunu lamen elab daug koitak ele aɗan, ag akkulag. Kayak Nug ag ele daatteb doomut amunu, ig na ele daagnignu oɗ medattem. Ag anam akkulag.” Yawe Nug anam atte.

Revelesen 5:8

Nug buk itoɗiak amu awe, hab daup waɗele Kayaknu bauklel aotteb ele, aria ikki danab 24 ele ag Sipsip Nag noobppa dup noppig. Ikki danab oh ag am harp aɗualadnana, ag ele tappiɗ golppa hattak, kalu danab ile muttuɗig enanag bette ele tappiɗppa ambak ele, amu eonna, muttuɗig oegeg aɗualadna daappig. Kalu amuam Kayaknu danab ah oppiaawak ele dilkad unuqittak aakku.

Luk 17:16

Nug ukka, Jesus baegppa laippun gateg qaun o, gomela, iɗu wanppa ma, “Na ena heme,” aum. Danab amu nug am Samaria danab. ⌊Samaria Juda ele ag am layam iitta.⌋

Luk 8:28

Danab amu nug Jesus antta ewa, wanppa Jesus baegppa na qe, Jesus Nug ouɗi nau danab amuppa dayom ele, Nug nug amegppa, “Danab amu uuidna ukke!” awa aum. Nug anam aum amunu danab amu nug baag okkainab ele ewa aum. “Jesus, na Kayak Attannab Laa Oh Eɗattak bekka. Na da attem heiɗkkutnu hettem? Na da guittak nau ii meɗamnanu oo doyak ele oɗ medattem!” awa eum. Haen kuɗum ouɗi nau nug danab amu aɗeɗe, danab ag nug gumanna, eppeg, baeg ele senppa qagttappig, amge nug sen pakkua awe, ouɗi nau nug nug awa aɗe, laih atu taɗakppa gottom.

Luk 5:8

Anam amu, haen Saimon Pita nug kakai anam aona antta amu, nug Jesus baegppa laippun gateg qaun o, nug aum. “Naɗi, na da uuiɗna ukke! Da hipunin danabde,” awa aum.

Aisaia 60:14

Juda danab ah, danab ag eheɗ hadappig ele, danab amu buɗulkad ag uɗin, ag noolagppa dup nona, ikkilag wan yaakku. Ao, laa ag ahilagnu ena iinab dooppig, ag ag noolagppa gatelag qaun ona, ikkilag wan yaakku. Ag anam hena, ag Jerusalemnu, ‘Yawenu Aab Okkai,’ akkulag. Ag, ‘Israel dilag Kayak Oppiaawak Ele, Nug Sion appa ana daatte,’ akkulag.

Sam 72:11

King oh ag nug noobppa dup nokkulag. Ao, danab ah wan ohppanu ag nug waappa daan Nug oɗe dim lamidkkulag.

Duteronomi 9:18

Aria, ⌊dimppa da eɗue qaukoppa tein,⌋ da Yawe noobppa laippun gatel qaun o, gomelen, iɗul wanppa memi. ⌊Da anam hei, da deɗ 40, tuqan 40 oh da Yawe noobppa dagom dayeye, da Nug unuqidmi.⌋ Da ee laa ii lami, le ele ii lami. Ag hipunin qeppig akkunu da anam hemi. Ag kobol laa, kobol amuam Yawenu neekkakppa eheɗ daatte, ag eheɗ amu heppig amunu, Nug oo huanak nauhom.

Genesis 44:14

Aria haen Juda awakkud amakkud ele ag eɗun, Josep laugppa ukkaeg, Josep ii ahom, appa dayeye, ag nug noobppa gatelag qaun ona, gomelna, iɗulag wanppa meppig.

Revelesen 19:4

Anam aeg amu, ikki danab 24, amu hab daup waɗele Kayaknu bauklel aotteb ele, ag Kayak, Nug nuhig sia kingppa daatte, ag Nug noobppa gatelag qaun ona, dup nona, Nug binag mena appig. “Genab, anam dayaɗ! Ig Kayak binag metu!” aon appig.

Daniel 2:47

Nebukatnesar nug anam ha mala, nug Daniel amegppa aum. “Genabnab genab, nahip Kayak Nug kayak laa oh eɗattak daatte; Nug king laa oh dilag okkai daatte; Nug dimppa aɗi bekkunu daatte danab ippunadtte. Aɗinu ⌊ig amu doognignu elele⌋? Nug he, keeke lokkumak dayom imu amu, na he, miag atiom,” awa aum.

Jon 4:19

Jesus Nug anam a, aria ah nug Jesus amegppa aum. “Danab Naɗi, da aakku na dooidmi, na am propet amunu,

Aposel 4:13

Haen Juda dilag danab okkai amu ag Pita, Jon ele aa ii baɗapiɗ anidna, amu aa sul okkai ii hepiɗ ele doona, ag ottaina dabmak kuɗum aona, ag Pita, Jon ele aa Jesus ele oippig amu dabmeppig.

1 Samuel 9:19

Saul a amu, Samuel nug aum. “Keekenu doyak danab am daib. Gemu aa da ele ee lakkunig amunu, aa anuqya goya, aabnu mettid lag nakokppa teiɗ! Butti buttua da keeke oh na dookkutnu oot daatte amu, da appi dooppe, da aa paɗalatppi gokkulah.