1 Korint 14:22 - Nobonob Baibel

²² Amuppa ig doottem, nai laappa mattiak, amuam ooppa genab doyak danab ehanadkkunu ii daatte. Iitta. Kobol amuam danab ag oolagppa genab ii dootteb ele, ag amuppa ⌊Kayak hettenu⌋ at anidna oolag maitteb, ag oolag eɗukkunu daatte. Amge propet nai mehuqak, amuam danab ag oolagppa genab ii dootteb ehanadkkunu ii daatte. Iitta. Kobol amuam danab ag oolagppa genab dootteb ele, ag amuppa ⌊Kayak hettenu⌋ at anidna oolag maitteb, ag ɠagattag aqakkunu daatte.

1 Korint 14:22 Referans Kwoze

Mak 16:17

Danab ag dahilnu oolagppa genab dootteb ele, ag da onilppa Kayak dabmettaknu kobol danab haknu elele iitta laala imubia hekkulag. Ag ouɗi nau lamadkkulag, ag nailag piɗe piɗe mattiglag.

1 Timoti 1:9

Ig ele doottem, ɗo nug genab tutukku hak danab dilagnu ii daatte. Iitta. Ɗo nug ɗo ii dim lamittak danab dilagnu, am nai tappe nak danab dilagnu, am Kayak dimettak danab dilagnu, am hipunin danab dilagnu, am laa Kayaknu oppiaawak ele ii daatteb dilagnu, am laa Kayak dab-ii-mena wannu kobol dim lamidtteb dilagnu, am laa ag mamelkad anilkad aqaeg mauhtteb dilagnu, am danab ag lailkad aqaeg mauhtteb dilagnu,

1 Korint 14:1

Oo mauhaknu kobol anam daatte amunu, ag hanhan danab ah laa dilag oolag mauhkkunu wagai menana, aria ag Kayak Ouɗinu ɗo hamu megatte amu ag aoglagnu oolag dayaɗ! Amge ɗo hamu mettak anuqak amu ag propet nai mehuqaknu, ag amu aoglagnu wagai meig!