1 Korint 14:13 - Nobonob Baibel

¹³ Diig amuppa amu, danab laa nug nai laappa Kayak nai mehuqtte amu, nug Kayak ɠagattag metteb, nug nai amu eɗukkunu elele daakkunu unuqittaɗ!

1 Korint 14:13 Referans Kwoze

1 Korint 12:30

O iitta ag oh am oɗe danab bappaidkkulagnu ehah elete? O iitta ag oh am aabaab naippa nai madittebte? O iitta ag oh am nai amu eɗuttebte? Iitta!

Mak 11:24

Amunu ag keeke laa bekkunu unuqidnana, ag aottebnu oolagppa genab doonna, ag unuqidppig amubia ag aoglag.

1 Korint 12:10

Am Nug laa ehah mette, nug kobol danab hekkunu elele iitta ele, nug hekkunu elele daatte. Laa nug propet nai mehuqkkunu ehah amu medatte. Am laa nug ouɗi digdig epeɗiadkkunu ehah amu medatte. Am laa nug nai laappa nai madikkunu ehah medatta, Nug laa nug nai amu eɗukkunu ehah amu medatte.

Aposel 8:15

Aa gumadya tewoya, ag Kayak Ouɗi aoglagnu unuqidpiɗ.

Aposel 1:14

Danab amu ag oh oolag laippu mena, haen kuɗum danab ah laala ele oh qagmena, unuqidnana daappig. Danab ah amuam Jesus anig Maria, Jesus amakkud amu ah laala ele.

1 Korint 14:12

Amu ag ele anamib. Ag ele Kayak Ouɗinu ɗo hamu mettak aoglagnu oolag huana daatte amunu, Kayak Ouɗi Nug ag Kristen tamaniak ɠagattag madakkunu ɗo hamu mettak amu ag anen anen madatte amu, ag ɗo hamu mettak amu elelenab hekkulagnu wagai meig!

1 Korint 14:14

Aɗinu? Da nai laappa nai unuqidttem dayeb, da ouɗil aakkuib nug unuqidtte. Am dabmak dahil amu hamu daatte.

1 Korint 14:26

Anam daatte amunu O lailad, ag ahi ettaglagnu qagmena, ag attemtai hekkulag? Ag inam hekkulag. Haen ag oh qagmetteb, laa nug ahiettak laa edakku, laa nug ɠagattag aqaknu nai ippuanadkku, laa nug Kayak nai ippunittom amu mehuqkku, laa nug nai laappa nai madikku, am laa nug nai amu eɗukku. Ag keeke amu oh anam hekkulag, amge ag keeke oh Kristen tamaniak ɠagattag qekkunu heig!