1 Korint 12:25 - Nobonob Baibel

²⁵ Amunu beɗu laippu nug otiak laala ii daatteb. Iitta. Laih naunau oh ag nug ehanidnana daatteb.

1 Korint 12:25 Referans Kwoze

2 Korint 13:11

O lailad, da gemu nai bagqein, da ag humadttem. Ag tutukku elelenab bena daaglagnu dabmak aon oiyeg! Ag da nai attem imu doona, ag dabmak laippu aɗan, oolag laippu mena, maɗoɗ dayeg! Ag anam heppeg amu Kayak, Nug oo mauhak diig, oo maɗoɗ diig ele daatte, Nug ag ele oh daaglag.

2 Korint 8:16

Aria, da am Kayak amegppa, “Ena heme,” attem. Aɗinu? Nug Taitus ehanitte, nuhig dabmak, dahil bia, laippu awa, nug ele ag ehanadkkunu oo huan daatte.

1 Korint 3:3

Aɗinu? Ag dabmak alagppa daatteb. Kristen kobol amu ag beɗulagppa ii beum. Ag lailkad dilagnu, ihinigppa anam daalon dabmak aɗan daatteb, ag nug mehqak henan daatteb ele amunu, ig ag kobol alagppa, Kristen kobol iittappa daatteb anidkkunignu elele. Kobol amuam dabmak alagnu, wanppan danab dilag kobol.

2 Korint 7:12

Amunu am genab, anukka da kobol laa amunu uɗugppa ahilagnu yaami, amge da danab nug eheɗ heum amu danab laa, laa nug nuhigppa eheɗ heum ele, amu dilah dabmein ii yaami. Iitta. Da ag Kayak noobppa ag genab ag oolag ig megatteb amu dooglagnu da ad uɗug amu yaami.

1 Korint 12:24

amge laih laala am binalag ele anadttem amu, ig ahilagnu anam hekkunignu ii daatte. Anam aakku amu amuppa ig anidttem, Kayak Nug ig beɗunig babaitte, laih laih oh, laa am danab dilag neekkakppa anam iitta bia, amge laih laih oh ag daaglagnunab daatteb.

1 Korint 12:26

Beɗu laih laa nug guittak dootte dayeb amu, beɗu laih laa oh ag ele guittak aotteb. Beɗu laih laa nug binag ena ele daatte dayeb, beɗu laih laala oh ag ele maɗoɗppan gamag ahak dootteb.