1 Korint 11:18 - Nobonob Baibel

¹⁸ Amu laa ag haen ag Korint tamaniak ag Mettid hekkulagnu qagmetteb amu, ag obatak obatak daatteb, laippu oh ii daatteb, anam aeg doomi amu da nakok oolppa genab doottem.

1 Korint 11:18 Referans Kwoze

1 Korint 3:3

Aɗinu? Ag dabmak alagppa daatteb. Kristen kobol amu ag beɗulagppa ii beum. Ag lailkad dilagnu, ihinigppa anam daalon dabmak aɗan daatteb, ag nug mehqak henan daatteb ele amunu, ig ag kobol alagppa, Kristen kobol iittappa daatteb anidkkunignu elele. Kobol amuam dabmak alagnu, wanppan danab dilag kobol.

1 Korint 5:1

Aria, laa ag nai laa aeg doomi amu, ag Korint ag oolagppa gappai kobol nau daatte mattieg doomi. Gappai kobol ag hetteb ele am naunab nau! Genab, iitta aɗi danab ag gappai kobol nau amubia ii hetteb. Kobol amuam danab laa nug mameg wau ele gappai aɗattep.

1 Korint 6:1

Aria, ag oolagppa laa nug layagnu nai ele doyaya, Kristen tamaniak bappaidkkulagnu dab-ii-mette. Iitta. Nug danab Kayak ii dootteb ele, danab amu noolagppa hettoɗiakppa mette. Nug anam hette, amge kobol amunu nug uɗa iite nette?