1 Korint 11:16 - Nobonob Baibel

¹⁶ Amu laa nug nai imu tappeb neeb, awa awa qettak nai mattiaya hette dayeb amu, nug doyaɗ! Ig kobol amunu ɗo laa ii mettem, Kayaknu Kristen tamaniak ooppa ele anamib daatte.

1 Korint 11:16 Referans Kwoze

1 Korint 7:17

Anam amge, danab anen anen ag dayak atten, Naɗi Nug ag amuppa daan oiglagnu maatta, anamppa daaglagnu onilagppa eum amu, ag anam daan oiyeg! Da Kristen tamaniak ohppa ɗo amu laippu aakkuib madattem.

1 Tesalonaika 2:14

O lainkad, ag Kayaknu Kristen tamaniak, Juda wanppa Jesus Kristusnu daatteb ele amu, ag ag ele laippu bia daatteb. Ag Tesalonaika daatteb amu ag, ag lailkad eppelagppa guittak aoppig amubia Kristen tamaniak, Juda wanppa daatteb ele, ag Juda laala eppelagppa guittak aoppig.

Aposel 21:24

na danab amu diin, Kayaknu mettid lakka gona, na Juda dilag ɗo laa, ɗo amuam danab nug oppiak daakkunu ippunigtte amu, na anam bia daakkutnu na kobol amu oh heppe, ag ele hekkulag. Danab waɗele ag ikkilag uɗug hoiak aoglagnu elele daaglagnu, na ag oppiak daaglagnu uɗatnu nob ⌊ɗo ippunigtte bia⌋, na nob amu mana mettak danab matte! Na anam heppe amu, danab oh ag dooglag, laa ag nahipnu appig, nai amuam genab iitta. Ag dooglag, na ele ɗo dim lamidttem.

Aposel 21:21

Ag anam wagai meegeg amu, danab laala ag ahan, danab amu amelagppa nahipnu inam appig. ‘Pol nug oiyaya, Juda oh laih laih, iitta aɗi oolagppa daatteb ele, nug ag Mosesnu ɗo dimettanna, ag ahilkad nid gaɗalag ii otaɗnana, ɗo anukkanu ele amu ii dim lamidmananu atte,’ aon appig.

1 Korint 16:1

Gemu da ag men doɗo qagmena, Kayaknu danab ah oppiaawak ele mattaglagnu hetteb, da amunu akkulnu hettem. Da tatam Galesia Kristen tamaniak ib ippuanatti hetteb, amubia ag ele heig!

1 Korint 4:5

Epeɗiak uɗat amu ig gemu ii gumattem amunu, haen gamag imuppa ig anam ii hemata. Ag Naɗi uɗikkunu haen ameg meig! Nug uɗia, keeke oh gatatuppa lokkumak daatteb amu heeb, amahlakppa miag atippeg, aria Nug ele heeb, danab ag diig aɗinu keeke laala heppig amu, danab oh dilag dabmak amu miag bekku. Haen amuppa geha Kayak Nug ig danab oh laib laib ihinig haknu nob tutukku megakku.

1 Korint 9:1

Da heppi danab laa eheɗppa gomanu dabmettem amunu, ag da ɗo waappa dayeye hettem bia doottebte? Anam iitta, da ɗonu maɗi nid ii daattem. Da am totol danab. Da am ihinig Naɗi Jesus Kristus anidmi. Da Naɗinu uɗat laa hei, ag da uɗat hemippa ag iite Kristen beppig daatteb.

1 Korint 9:6

Amu da Barnabas ele i iya ee le ele keeke aognihnu men doɗonu uɗat hekkunihte?

1 Korint 11:15

Amge ah laa nug ikki uɗug elab ele oikku am ena, am nuhig bala. Aɗinu? Kayak Nug ah ikki uɗug elab heum amunu, amuppa nug ikki haut-tte.

Jeremaia 32:11

Da amu hewoya, da amunu pepa laa qataqak ele, laa amubia amge qataqak iitta, da pepa aɗit amu ohppa aun wan mameg daatte, wan amuppa aɗi aɗi bekkunu elelenu nai dayom amu, da pepa aɗit amu oh awen,