1 Korint 10:33 - Nobonob Baibel

³³ Da hettem amubia ag heig! Da keeke oh hettem amu, danab oh ag da aɗi hettem amu oolag mettaglagnu hettem. Da uɗat hettem amu dakka ehaniɗkkulnu ii hettem. Iitta! Da uɗat hettem amu, danab ah kuɗum ehanadppi, Kayak eɗua diikkunu aakkuib hettem.

1 Korint 10:33 Referans Kwoze

Galesia 1:10

Nai da gemu attem imu amu danab ag dahilnu oolagppa ena dooglagnute attem? Iitta! Da Kayak Nug dahilnu oo ena dookkunu hettem. Da am danab ag oolag ittag qekkunuib hettemte? Am da danab ittag qekkunu hettem dayeblob amu, aria da Kristusnu maɗi nid iitta daalom.

1 Korint 10:24

Danab laa nug nukka nuhignuib aib dabmeum. Iitta. Nug danab oh ag ena daaglagnu nug ag ehanattaɗ!

2 Korint 12:19

Da ii doottem. Ag ihinignu, “Ag ig ahilagnu, ahilag haknu ele ena dooglagnu anam yaatteb,” dabmettebtai. Amge iitta. Ig Kristusnu daattem amunu, ig Kayak noobppa nai imu madittem. O lailad, gadonnab, da nai yaami imu oh amu ahilag ooppa genab doyak amu ɠagattag qedakkulnu yaami.

Rom 11:14

Da amu hettemnu diig am, kobol amuppa da heppi, danab da ele buɗub laippu, amuam Juda danab, da heppi, Juda danab ag, ag iitta aɗi ag gemu Kayaknu kobol enanag aotteb anidna, ag amunu ittag aqeeb, ag dabmak aona, kobol amuppa Juda danab oolagppanu laala ag Kayak baekkudppa daaglagnu dokkulagtai.

Rom 12:5

Anam amu, ig oh Kristusnu daattem, ig danab nug beɗu am laih kuɗum ele, amge beɗu am laippu daatte, amubia ig am kuɗum, amge laippu daattem. Beɗu laippu ooppanu laih naunau, ag nug ehanidnana daatteb, amubia Kristen tamaniak ele anam daatte.

1 Korint 13:5

Danab nug oo mauhak dootte ele, nug laa noolagppa dagom oitte, nug nukka nuhignuib ii dabmette. Nug paha oo nauhak ii dootte, nug laa ag nuhigppa eheɗ laa heppig, nug amunu tuɗid ii dabmette.

2 Korint 12:14

Aria, gemu da haen ewam batak ag gumatte gokkulnu hein bappaidttem. Da geha ukke, keeke ahilag amu ii aɗadpa. Doyeg! Da keeke ahilag aokkulnu ool ii daatte. Iitta. Da ag diiadkkulnu ool daatte. Ag dootteb, nid ag mamelkad anilkad ehanadkkulagnu keeke bappaidkkulagnu ii daatte. Iitta. Mamelkad anilkad ag nid ehanadkkulahnu keeke qagmetteb.

Pilipai 2:21

Danab laa oh ag akka ahilagnuib dabmenana, Jesus Kristusnu uɗat atognokkulagnu dab-ii-metteb.

1 Tesalonaika 2:16

Danab amu ag Kayak Nug iitta aɗi eɗua diikkunu oolag ii daatte amunu ig Nai Ena, iitta aɗi amelagppa mehuqkkunignu ib oo nekkulagnu hetteb amunu amu, ag ahilag hipunin okkainab meegeg, Kayaknu oppoɗi bak miagnab ag qaɗelagppa daatte.