1 Korint 1:4 - Nobonob Baibel

⁴ Kayak Nug Kristus Jesusnu uɗatppa nuhig ehanittak okkai hamu megatte ag mattom amunu, da ahilagnu haen oh Nug amegppa, “Ena heme,” awe attem.

1 Korint 1:4 Referans Kwoze

Rom 1:8

Aria, tatam da ahilag ohnu Jesus Kristus onigppa Kayak dahil amegppa, “Ena heme,” awe attem. Aɗinu? Ahilag ooppa genab doyaknu amu danab wan atu ohppa ag aegeg dootteb.

Jon 14:26

Amge ahilag Ehanittak, Kayak Ouɗi, da Mamel Nug da onilppa meeb uɗikku amu, Nug uɗia, keeke oh ippuanatta, da ag amelagppa aɗi ami amu Nug heeb, ag daulagppa dokku.

1 Timoti 1:14

Amu anukka da anam hemi, amge Kayak Nug nuhig ehanittak okkai hamu mettak elelenab meɗa he, da Jesusnu oolppa genab dooi, Nug oo mauhak kobol Kristus Jesus Nug danab ah dilagnu dootte ele amu, nug oo mauhak amu da ele meɗom.

Rom 6:17

Ib aɗit amu oh daattep, amge ig ahilagnu Kayak amegppa, “Ena heme,” aot attem. Aɗinu? Anukka ag hipuninnu begbeg maɗi nid daappig, amge dimppa Kayaknu nai aon, ag nai amu dim lamidna autna aotteb.

Jon 15:26

Kayak Ouɗi, Nug onig laa Ehanittak, Nug am doyak diig genabibnu diig Kayak toppa daatte amu, da Nug geha meppi, ag ehanadkkunu ahilagppa uɗikku. Nug amu Mame nuhigppa dayaya uɗikku. Haen Nug uɗia amu, Nug nai dahilnu ag amelagppa mattieb dooglag.

Jon 14:16

Amu da Mamel oɗ medappi, Nug Ehanittak laa madakku. Nug ag ele hanhan daaglag.

1 Korint 1:3

Amu ig Mamenig Kayak, amu ihinig Naɗi Jesus Kristus ele, ahilah ehanittak okkai hamu mettak, amu ahilah maɗoɗ ele ahilagppa daaglahnu oonih daatte.

Aposel 11:23

Haen nug Antiok ukka teum amu, nug danab ah ag Kayaknu ehanittak okkai hamu mettak, ag ehanittak amu aoeg, ag oolagppa uɗat heehe, ag Kayak dim lamidppig antta amu, nug oo gamag ahe, dabmak aoglagnu, ag hanhan ag oolag Naɗiib mettan oiglagnu ɠagattag aqom.

Jon 14:14

Ao, ag aɗi keekenu da onilppa da oɗ meɗaglag amu, da hekkul.

Jon 10:30

Da Mamel ele amu i am laippu,” awa aum.

Aposel 21:20

Pol nug kaya amu mattie doona, ag Kayak binag mewona, ag Pol amegppa appig. “O lainig, na doottem, Juda tausen kuɗumnab ag Jesusnu oolagppa genab doon, Kristen beppig, amge Kristen amu oh ag ɗo ihinig ele dim lamidkkulagnu wagai huana metteb.

Matyu 19:11

Ag anam aeg, Jesus Nug aum. “Danab oh ag nai ag madippig dim lamidkkulagnu elele iitta. Laala ag anam hekkulagnu ɠagattag aoppig ele, ag am hekkulag.