1 Korint 1:13 - Nobonob Baibel

¹³ Ag anam anam maditteb, amge Kristus Nug am oppatak kuɗum elete? Iitta! Am da ag ad emaitakppa atuliɗeg ehanatte mauhmite? Iitta! Am ag Pol onigppa layattak aoppigte? Iitta!

1 Korint 1:13 Referans Kwoze

Epesus 4:5

Aria Naɗi laippuib daatte, oonigppa genab doyak laippuib daatte, amu layattak ele laippuib daatte,

2 Korint 11:4

Aɗinu? Danab laala ag gumadna gona, Jesusnu nai kabolinna, ahilag dabmakppa nai ag amelagppa mehuqeg, ag aotteb. Jesusnu nai amu, da Jesusnu nai mehuqttem ele amu, aa laippu iitta, am laa. O iitta danab amu ag ouɗi laanu mehuqeg, ag aotteb. Nug am Kayak Ouɗi, ag anukka aoppig ele amu, Nug iitta, am laa. Amu ag nai diig laa mehuqeg, ag aotteb. Nai amuam Nai Ena, ag matu aoppig ele amu iitta, am laa. Danab ag kobol amu ag oolagppa hetteb ele, ag Korint danab ag agib dabmettan daanna, oolag hette.

Aposel 2:38

Aon aeg am, Pita nug amelagppa aum. “Kayak Nug ahilag hipunin uhuqatta madakkunu amu, ag oh akka anen anen ag oolag eɗueb, Jesus Kristus onigppa layattak aweg! Ag anam heppeg, Kayak Nug nuhig Ouɗi ag ɗo hamu mettak bia madakku.

1 Korint 10:2

Amuppa ag oh Mosesnu dim lamittak danab bena, ag nug waappa daanna oippig.

Aposel 19:5

Pol anam a, ag nai amu doona amu, ag Naɗi Jesus onigppa layattak aoppig.

Aposel 10:48

Nug anam awowa, danab haen amuppa Kayak Ouɗi aoppig amu, nug ag Jesus Kristus onigppa layattak aoglagnu haknunab nai aum. Nug anam a, ag aona, ag nug amegppa appig. “Na ig ele deɗ laala ele daagnignu oonig hette,” aon appig.

Galesia 1:7

Amge Nai Ena laa ii daatte. Iitta. Amge danab laala ag heeg, ahilag dabmak kabolie, danab amu ag Kristusnu Nai Ena eɗuegeg, ib laappa gokkunu hetteb.

Matyu 28:19

amunu, ag gowona, wan atu ohppanu danab ah heppeg, dahilad ippunittak awak danab ah daappeg, ag Mama onigppa, Nug Bekka onigppa, amu Kayak Ouɗi onigppa layatteg!

Taitus 2:14

Kristus Nug ig ihinig nau hak ohnu qagaiettakppanu eɗua uhuqak hekkunu, ig nuhikkudnab danab ah oppiaawak ele daatta, kobol ena tutukku aakkuib hekkunignu dabmak aognignu amu, Nug ihinignu mauhom.

1 Korint 1:15

Aɗinu? Danab laippu laa nug laa amelagppa amunu inam akkunu elele iitta. “Ag am Pol onigppa layattak aoppig.”

Rom 14:9

Kristus Nug danab ag mauhppig, danab ag bau daatteb ele, amu oh dilag Naɗi daakkunu, Nug diig amununab mauha, eɗua hibaittom.

Aposel 8:16

Aɗinu? Kayak Ouɗi Nug ahilagppa ii neum. Ag Naɗi Jesus onigppaib layattak aoppig.

Matyu 3:6

ag hipunin ahilag miagib mattiegeg, Jon nug Jodan leppa layattom.