1 Jon 5:8 - Nobonob Baibel

⁸ Ewam amuam Kayak Ouɗi, le amu Jesus tiig ele. Ag oh laippuib ippunigtte.

1 Jon 5:8 Referans Kwoze

Jon 15:26

Kayak Ouɗi, Nug onig laa Ehanittak, Nug am doyak diig genabibnu diig Kayak toppa daatte amu, da Nug geha meppi, ag ehanadkkunu ahilagppa uɗikku. Nug amu Mame nuhigppa dayaya uɗikku. Haen Nug uɗia amu, Nug nai dahilnu ag amelagppa mattieb dooglag.

1 Pita 3:21

Aria, ag gemu daatteb amu, ag am Noa aɗi, ag aɗi keeke ippunigtteb bia daatteb. Ag ele leppa ehanittak aotteb. Amuam layattak, amge layattak am beɗunigppanu dubuttid ihaknu keeke iitta. Iitta. Layattakppa ⌊ag oolag eɗueb,⌋ ahilkad ooppan oiyak ippunittaknu ulum am ag oolagppa eheɗ laa ii daatte ippunatte, ag amuppa Kayak oɗe genab dim lamidkkulagnu Nug amegppa ahilag nai ɠagattag qettan maditteb. Amunu diig am Jesus Kristus, Nug mauhakppanu eɗua hibaittom.

Rom 8:16

Kayak Ouɗi Nug ig am Kayak bekkod daattem amu, Nug amu ippunigtte.

Mak 14:56

Anam mattiegeg amu danab laala ag ahan, hambuppuna, Jesus Nug aɗi eheɗ heum appig, amge ahilag nai am iɗu laippu iitta, piɗe piɗe.

2 Korint 1:22

Nug ig nuhignab daattemnu epponak keeke nuhig ihinigppa mewowa, ig keeke Nug megakkun babaittom amu genab aognignu amu doognignu, Nug nuhig Ouɗi, keeke lonnu onig awak bia, ig oonigppa meum.

Aposel 15:15

Amuam propet ag Kayak oɗe aon yaappig amubia. Kayak naippa, nai amunu daatte am inam.

Matyu 28:19

amunu, ag gowona, wan atu ohppanu danab ah heppeg, dahilad ippunittak awak danab ah daappeg, ag Mama onigppa, Nug Bekka onigppa, amu Kayak Ouɗi onigppa layatteg!

Hibru 13:12

Amunu amubia Jesus Nug ele am aab okkainu aɗ od dimittim, Nug danab dilag hipunin Nug tiigppa uhuqa matteb, oppiaawak daaglagnu uug mawa mauhom,

Hibru 6:4

Danab ag Kayak nai ena aoppig, ag matu hab attannu ɗo ena aon oolagppa meppig, ag Kayak Ouɗi ele aoppig,

Jon 19:34

amge daup danab laippu nug Jesus ban hawaɗppa qetti atule, am pahanab tiig le ele neum.

1 Jon 5:9

Ig hettoɗiakppa danab dilag nai am genab doottem, amge Kayaknu nai am danab dilag eɗittaknab. Aɗinu? Kayak Nug amu mattiom. Aria, Nug Jesusnu ippunikkom amunu, ig oonigppa genab doognignu elelenab.