1 Jon 5:12 - Nobonob Baibel

¹² Aun nug Kayak Bekka ele laippu daattep amu nug bauklel ele, am aun nug Kayak Bekka ele laippu ii daattep, nug bauklel iitta.

1 Jon 5:12 Referans Kwoze

Jon 3:36

Am laa nug Kayak Bekkanu ooppa genab dootte ele amu, nug bauklel hanhannu awom daatte. Laa nug Bekka geɗitte amu, nug bauklel hanhannu ii awom. Iitta. Kayaknu oppoɗi bak nuhigppa daatte,” awa aum.

Jon 5:24

Da genabnab genab ag amelagppa attem. Laa nug nai dahil doya, Laa Nug da meiɗe uɗimi, nuhignu ele ooppa genab dootte amu, nug bauklel hanhannu ele; nug padal maknu epeɗiak ii anidma. Iitta. Nug aakku mauhaknu ib uua, gemu nug bauklel hanhannu ibppa daatte.

Jon 1:12

Amge laala ag Kristus aoppig, ag nuhignu oolagppa genab dooppig amu, ag aakku Kayak bekkod daaglagnu ɠagattag mattom.

1 Korint 1:30

Kayak Nug aakku he, ag Kristus Jesusnu daatteb. Kristus Nug am doyak dabmak ena, ig Kayaknu aottemnu diig. Gemu ig genab tutukku hak danab daattem, ig oppiaawak ele daattem, amu ig gemu qagaiettakppanu eɗua uhuqak aomut daattem, amu oh Kristus, nuhigppaib beppig daatteb.

Mak 16:16

Ag mehuqppeg doona amu, danab laa nug ooppa genab doya, layattak aweb, Kayak nug eɗua aokku. Laa nug ooppa genab ii doya amu, nug Kayak noobppa nai ele daakku.

2 Jon 1:9

Am aun laa nug Kristusnu ippunittakppaib ii daatte, nug nukka nuhig dabmakppa, dabmak hambuppuak laala ele tuɗidtte amu, nug Kayak ele laippu ii daattep. Am aun laa nug Kristusnu ippunittakppa daatte amu, nug Mame amu Nug Bekka ele oh laippu daatteb.

Hibru 3:14

Aɗinu? Ig Kristus ele tamanit, laippu daagnignu ib am laippuib. Laa iitta. Ib amuam inam. Ig tatam Kristusnu oonigppa genab doomut amu, ig amuib aɗapput ukkeb, mauhak haen ihinigppa ele ooppa genab doyak nuhignu amu aakkuib aɗagnig dayeb, amuppa ig genab Kristus ele tamanit daattem.

Galesia 2:20

Da Kristus ele oh ad emaitakppa aihlop bia mauhmi amunu da gemu bau ii daattem. Iitta. Kristus Nug da oolppa bau daatte. Anam daatte amunu, dahil oiyak wan imuppa oh amu da Kayak Bekkanu oolppa genab doyeye oittem. Nug dahilnu oo mauhe amu dahilnu ele mauhom.