1 Jon 5:10 - Nobonob Baibel

¹⁰ Danab nug Kayak Bekkanu ooppa genab dootte, nug aakku Kayaknu ippunittak amu awa, nug ooppa daatte. Am laa nug amu ooppa genab ii dootte, nug aakku, “Kayak Nug am hambuppuak danab,” awa atte. Aɗinu? Kayak Nug Bekkanu ippunittom, danab amu nug ooppa genab ii doyom amunu, nug anam atte.

1 Jon 5:10 Referans Kwoze

Rom 8:16

Kayak Ouɗi Nug ig am Kayak bekkod daattem amu, Nug amu ippunigtte.

Galesia 4:6

Gemu ag Kayak bekkod daatteb amunu, Kayak Nug Bekka Jesusnu Ouɗi me, Nug ig oonigppa dayaya ehanikke, ig Kayak amegppa, “Mame, Mame!” attem.

Jon 3:33

Amge danab nug nuhig mattiak doya dabmedatte ele amu, nug Kayak Nug doyak diig genabib diig daatte, nug amu ooppa ɠagattag genab dootte danab ah ippunadtte.

Jon 5:38

Ele amu, nuhig nai ag oolagppa ii daatte. Aɗinu? Ag laa Nug me uɗiom ele, ag nuhignu oolagppa genab ii dootteb.

Hibru 3:12

O lailad, ag lailag laa ag oolagppanu nug dabmak nau, amu ooppa genab doyak ele iitta, amubia oiyaya, Kayak bauklel dimettamanu, ag dabmena autna aweg!

Namba 23:19

Danab ag hambubutteb, amge Kayak Nug am danab iitta, amu Nug ham-ii-bubutte. Ao, danab ag ahilag dabmak baolitteb, amge Nug am danab bekka iitta, amu nug nuhig dabmak ii baolitte. Yawe Nug keeke hekkunu atte amu, Nug hette. Nug keeke hekkunu nai ana qagatte amu, Nug genab anamib aakku hette.

1 Jon 5:1

Am aun laa nug, Jesus am Kristus, ooppa genab dootte amu nug Kayak Bekka beum daatte. Amu aun laa nug Mamenu oo mauhak dootte amu, nug Bekkanu ele oo mauhak dootte.

1 Jon 1:10

Ig hipunin ii hemut akkunig dayeb amu, nai amuppa ig Kayak, Nug am hambuppuak danab akkunig. Ig anam akkunig dayeb amu, nuhig nai ihinigppa nakok laa ii daatte.

Sam 25:14

Laa ag Yawenu ebehilag oh bodoetta le mette amu, Yawe Nug ag ele layam batatte. Nug ag ehanatte, ag nuhignu nug tituana nai qakkak nainu meu dootteb.

Revelesen 2:17

Danab nug daug ele dayeb, nug Kayak Ouɗi Nug Kristen tamaniak dilkadppa nai mehuqtte doyaɗ! Aun laa nug ban eɗidkku amu, da maana gemu lokkumak daatte, da amunu laa medakkul. Da nug men hakkab laa ele nug medakkul. Men amuppa onig bau yaak ele daatte. Laippu laa nug onig amu diig ii dooma, aun nug da mettami ele amu, nug aakkuib dookku,” awa aum.

Kolosi 3:3

Aɗinu? Ag oolagppa genab dooppig, haen amuppa ag wan imuppan oiyak nau am uuna, gemu ag Kristusnu uɗatppa bauklel aoeg, Kristus Nug bauklel amu atognoowo, Kristus, ag ele, ag oh Kayak ouqak daatteb.

Prowerb 3:32

Aɗinu? Yawe Nug, danab nug eheɗ haknu nug tiigppa daatte, Nug nuhignu ena iinab dootte, amge Nug genab tutukku hak danab nuhig dabmak lokkumak daatte ippunadtte.

Revelesen 12:17

Anam daye amu, mat naɗinab nug oppoɗi huana be, danab ah ag Kayaknu ɗo dim lamidnana, nuhignu nai mehuqnana, Jesus dim lamidtteb ele amu, mat naɗinab nug ag ele ban hekkulagnu ukkom.

Revelesen 2:28

Am da nug wakkaɗak haenppanu hoɗoppai Boitinan amu ele medakkul.

2 Pita 1:19

Amunu ig propet ag nai appig ele amu, ig nai amunu oonig unuqagppa genab doottem. Anam amu, ag propet nainu daulag human doon autna aweg! Aɗinu? Ahilag nai am hul, gatatu abenppa amahlala daatte bia daatte. Amu ag ahilag nai dabmenan daappeppeg, propet nai am anam amahalebeb ukkeb ukkeb, Jesus Nug eɗua na, ag oolagppa amahalkku batak am ena.

Jon 3:16

Kayak Nug wanppan danab ah dilagnu oo huana mauhom amunu, Nug Bekka laippunab me uɗiom. Nug me uɗiom amunu, aun nug nuhignu ooppa genab dootte ele, nug padal ii mema. Iitta! Nug bauklel hanhannu aokku.

Aisaia 53:1

Aun nug ihinig nainu ooppa genab doyom? Ao, aun nug Yawe Nug nuhig ɠagattag ippunitte, danab amu nug amunu tutukku dabmaama anttom?

Job 24:25

⌊amge dahil nainu amu, dahil nai am ahilag nai am hambuppuak ippunigtte.⌋ Anam ii daatte dayeb amu, laa nug anam ippuniɗaɗ! Ge, laa nug dahil nai am nai hamu heeb, miag atiaɗ!” Job nug anam aum.

Jeremaia 15:18

Da anam aakku daami amunu, da tuɗid eleib guittak doyeye oittem, da amunu diig amu, da ool ii maidtte. Ao, laa ag da ihil meɗaeg ii qaɗaiedatteb amu, da amunu diig ele, da ool ii maidtte. Le okkai laala ag qaɗaiettaeg, danab ah appa le ii aotteb. Ao, le qeppuɗia bak laala ag qaɗaiettaeg, danab ah ag le appanu ii aotteb. Am amubia na dahilnu hekkutte?” Da anam ami.

Jon 3:18

Am aun nug nuhignu ooppa genab dootte amu, nug nob nau awaknu hettoɗiakppa ii daatte, amge aun nug nuhignu ooppa genab ii dootte amu, nug aakku nob nau awaknu hettoɗiakppa teum daatte. Aɗinu? Nug Kayak Bekka laippunab, nug nuhignu ooppa genab ii doyom.

Galesia 4:1

Aria tuɗittaknu amu, nid nug mamegnu keeke oh aokkun daatte, nug keeke amu oh gumakkunu daatte, amge haen nug danab ii meum, nug begbeg maɗi nid bia daatte.

Aposel 8:37

((Aria Pilip nug aum. “Na oot ohppa genab doottem dayeb amu na aokkutnu elele,” awa aum. Awa a, danab amu nug oɗeppa awa aum. “Da Jesus Kristus Nug am Kayak Bekka da oolppa genab doottem,” awa aum.))