1 Jon 4:5 - Nobonob Baibel

⁵ Amu propet hambuppuak ag am wanppanu amunu, ag wanppanu naiib maditteb. Mattiegeg, wanppanu danab ag dootteb.

1 Jon 4:5 Referans Kwoze

Jon 8:23

Aon aeg am Jesus Nug nai tuɗitta aum. “Ag am honapnu, da amu attannu. Ag am wan imuppanu, da amu wan imuppanu iitta.

Jon 17:14

Nai nahip amu da ag mattai, amu danab ah wannu kobol dim lamadtteb ele ag dahilad imu dilagnu oolagppa nau ninig ele dootteb. Aɗinu? Da wanppan danab ah wannu kobol dim lamadtteb ele laippu iitta, amubia ag ele wanppan danab ah wannu kobol dim lamadtteb ele laippu iitta.

Jon 17:16

Ag wanppan danab ah wannu kobol dim lamadtteb iitta, da ele wanppan danab ah wannu kobol dim lamidtteb iitta, amubia.

Jon 3:31

Am laa Nug hab aabppanu nette amu, Nug keeke oh eɗittak daatte. Laa nug wanppa bette amu, nug wan imuppanu keekeib maditte. Laa Nug hab aabppanu nette amu Nug keeke oh eɗittak.

Revelesen 12:9

Amunu ⌊Maikel, nuhikkud engel ele⌋ ag nug maoeg wanppa noum. Mat naɗinab amu nug anukkanu, nug onig laa am Satan, onig laa am Dewel. Nug wanppanu danab ah oh hambuppualadtte ele. Ag nug maoeg wanppa noum, nuhikkud daup oh ele buɗiatteg wanppa noppig.

2 Timoti 4:3

Aɗinu? Dimppa haen laa amu danab ag ippunittak nai genab ena ele uuglag. Ag akka ahilag dabmak dim lamidna, ippunittak danab hambuppuak kuɗum diiglag. Diippeg, ippunittak danab amu ag nai laala, danab ag dooglagnu oolag niitte ele, amu appeg dooglag.

Jeremaia 5:31

Kobol naunab nau ag hetteb am inam. Propet danab ag doonna, propet nai hambuppuak maditteb. Mana mettak danab ag akka, ahilag dabmak dim lamidna, danab ah gumadtteb. Propet, mana mettak danab ele ag anam aakku hetteb, amge dahilad danab ah ag kobol amunu oolag mauhtte. Anam, amge ib amu batakppa ag attem anidkkulag?” awa atte.

Sam 17:4

Da nahip ɗo dim lamitti, ɗo amu heeg, layag guittak mettaknu tiilagppa daatte dilag kobol, da kobol amu ii hemi.

Luk 16:8

Uɗat gumak danab nug ib laa doyak ele, amge ib amu ele am ena iitta, nug ib amuppa keeke amu he beum amunu, nuhig okkai nug gumak danab nug uɗat kaliak amubia hekkunu doya aut autanab awak dayeyenu aum. Aɗinu ⌊nug anam aum⌋? Wannu haen imuppan danab amu, ag ahilag uɗat hekkulagnu elelenab, ag amuppa, ag danab amahlakppanu eɗadtteb,” awa aum.

Maika 2:11

Propet danab nau laa, nug hambuppuak danab nug uɗia, ‘Da dimppa aɗi bekkunu nai ainne, ag le ɠagattag aon lanan, oo gamag ahakib dooglagnu ippu ippunadppi doon dim lamidkkulagnu uɗie hettem,’ akku dayeb amu, nug am propet danab ahilagnu elelenab.” Yawe Nug anam atte.

Jeremaia 29:8

Ao, Yawe Nukka Ɠagattag Oh Ele, Israel dilag Kayak, Nug inam atte. “Ag oolagppan laa ag, ‘Da am Kayaknu propet,’ hambuppuna atteb, o laa ag eman danab daatteb amu, ag ag hambuppualadmananu dabmeig! Ag ahilag nainu oolagppa genab aib dooppig. Amu ag akka, ag tul niitteb amu, ag ahilag tul niiaknu ele aib dabmeppig.