1 Jon 4:3 - Nobonob Baibel

³ Amge danab oh ag Jesusnu anam ii atteb amu, danab amu ag ouɗi laa ele, amu Kayak Ouɗi iitta. Ouɗi amuam Kristusnu kekeɗnu ouɗi! Anukka ag nug uɗikkunu dooppig ele amu, aakku wanppa uɗiom daatte.

1 Jon 4:3 Referans Kwoze

1 Jon 2:22

Anam amunu aun nug hambuppuak danab daatte? Danab nug Jesus am Kristus iitta atte ele, nug am hambuppuak danab daatte. Nug am Kristusnu kekeɗ. Nug Kristus am Mame Kayak ele aa oh guhuɗat-te.

2 Jon 1:7

Am hambuppuak danab kuɗum, ag Jesus Kristus Nug danab beɗu ii awa uɗiom maditteb ele amu, ag ihinigppanu qatin gona wan imuppa oitteb. Danab amu ag am hambuppuak danab, ag Kristusnu kekeɗ.

1 Jon 2:18

O nid naunau dahilad, haen aakku gogppa tekkunu hette. Kristusnu kekeɗ uɗikkunu amu, anukka laa ag ag amelagppa aeg dooppig. Anam aakku amu gemu Kristusnu kekeɗ kuɗumnab beppig amunu ig doottem, haen aakku gogppa tekkunu hette.

Matyu 24:5

Aɗinu? Danab kuɗum ag da onilppa uɗin, ‘Da am Kristus,’ anana, kuɗum laa buppualadkkulag.