1 Jon 4:21 - Nobonob Baibel

²¹ Amu Kayak Nug ɗo iikku ig mekkom. Laa nug Kayaknu oo mauhak dootte amu, nug layagnu ele oo mauhak doyaɗ!

1 Jon 4:21 Referans Kwoze

Lewitikas 19:18

Na aib laa nahipnu eheɗ heum amu, nug nob nau medakkutnu heme. O iitta, na nob nau laa mettaknu dabmak ootppa aɗa oiyak aib heme, amge na nakka nahipnu oot mauhtte, amubia na laipad dilagnu ele oot mauhaɗ! Da am Yawe.

1 Jon 3:11

Ag nai laa anukka dooppig amu, nai amuam inam. “Ig lainkad ele nug oo mauhak doognigoitte!”

1 Tesalonaika 4:9

Amge layagnu oo mauhak kobolnu amu, da nai laa yaakkulnu uɗat laa ii daatte. Keeke amunu amu, Kayak Nug ag ippuanatta malom.

1 Pita 3:8

Aria, nai imunu gogppa tekkulnu amu, ag oh oolag laippu ele, dabmak laippu ele dayeg! Amu ag oo doyak doonna, eamag aa nug oo mauhak doottep ele amu, amubia ag laa Kayaknu oolagppa genab dootteb ele, ag oh nug oo mauhak doyeg! Ag oo bodoetta le mak kobol henana, ag akka anen anen ag onilag qeppeg neeb oiyeg!

Galesia 5:14

Aɗinu? Ɗo oh amu nai laippu imu ooppa daatteb. “Na nakka nahipnu oot mauhtte, amubia na laipad dilagnu ele oot mauhaɗ!”

Jon 15:12

Dahil haknunab anak am inam. Da ahilagnu ool mauhtte, amubia ag akka akka dilagnu nug oo mauhak doyeg!

1 Jon 3:23

Nuhig haknunab nai am inam. Ig Nug Bekka Jesus Kristusnu oonigppa genab doot, Nug ig amenigppa haknunab nai aum, amubia ig lainkad ele nug oo mauhak ele doognigoitte.

1 Jon 3:14

Ig lainkad dilag oonig mauhtte amunu, ig amuppa doottem, ig mauhak kobol uuta, ig bauklelppa daattem. Am laa nug layagnu oo ii mauhtte amu, nug mauhakppa daatte.

1 Pita 4:8

Ag lailkad dilag huana oolag mauhkkunu dabmak ahilagppa anuqak dayaɗ! Aɗinu? Layagnu oo mauhak kobol nug kobol eheɗ kuɗum tone iitta mette.

Luk 10:37

Anam a amu ɗonu doyak danab nug aum. “Danab nug oo gai-iitta doya oo metta ehanittom ele, nug aakku,” awa aum. A amu Jesus Nug amegppa aum. “Na gona amu, na ele anam he!” awa aum.

1 Jon 4:11

O gamalad, Kayak Nug ihinignu anam oo mauhom amunu, ig ele nug oo mauhak kobol genab hekkunig daatte.

Galesia 5:6

Danab nug Kristus Jesus ele ouqak daattep amu, nuhigppa gaɗa otaɗak kobol, o iitta gaɗa ii otaɗak kobol, aɗit amu oh am keeke hamu. Nuhigppa keeke laippuib am okkai daatte. Amuam danab nug ooppa genab doya, laa dilagnu oo mauhtte.

1 Jon 3:18

O nid naunau dahilad, ig oɗenigppa, o naippaib ig lainkad dilagnu oonig aib mauhom. Iitta. Ihinig hakppa, doyak diig genabib ippunikkakppa ele ig lainkad dilagnu oonig mauhaɗ!

Matyu 5:43

Amu ag anukka nai laa ele aoppig amu ag nai amu dootteb. Nai amuam inam. ‘Na layapnu oot mauhkku, amge na kekeɗ nahipnu, na ootppa nau ninig ele doye!’ aon appig.

1 Jon 2:7

O gamalad, da haknunab anak imu madattem amu, da haknunab anak bau ahilagnu ii yaattem. Iitta. Imuam haknunab anak ag anukka Kristen bena aoppig ele amuib; am nai ag anukka dooppig aakkuib.