1 Jon 3:23 - Nobonob Baibel

²³ Nuhig haknunab nai am inam. Ig Nug Bekka Jesus Kristusnu oonigppa genab doot, Nug ig amenigppa haknunab nai aum, amubia ig lainkad ele nug oo mauhak ele doognigoitte.

1 Jon 3:23 Referans Kwoze

Jon 13:34

Amu gemu da haknunab bau ag madattem. Ag akka akka nug oo mauhak doyeg! Amu da ahilagnu ool mauhom daatte, amubia ag ele ag lailkad dilag oolag mauhaɗ!

1 Pita 1:22

Ag gemu ag doyak diig genabib dim lamidtteb, amuppa ag danab oolag ihan oppiak daatteb amunu, ag oo mauhak kobol genabppa ag lailkad dilagnu oolag mauhtte. Ag anam daatteb, amge ag tuɗidna, ag lailkad dilagnu oolkad unuqagppanu oo mauhaknab doyeg!

Jon 15:12

Dahil haknunab anak am inam. Da ahilagnu ool mauhtte, amubia ag akka akka dilagnu nug oo mauhak doyeg!

Jon 6:29

Aeg am Jesus oɗelagppa awa aum. “Kayaknu uɗat am iikku. Ag Kayak Nug laa me uɗiom ele, ag nuhignu oolagppa genab dooglagnu daatte,” awa aum.

1 Pita 4:8

Ag lailkad dilag huana oolag mauhkkunu dabmak ahilagppa anuqak dayaɗ! Aɗinu? Layagnu oo mauhak kobol nug kobol eheɗ kuɗum tone iitta mette.

1 Jon 3:11

Ag nai laa anukka dooppig amu, nai amuam inam. “Ig lainkad ele nug oo mauhak doognigoitte!”

1 Jon 4:21

Amu Kayak Nug ɗo iikku ig mekkom. Laa nug Kayaknu oo mauhak dootte amu, nug layagnu ele oo mauhak doyaɗ!

1 Tesalonaika 4:9

Amge layagnu oo mauhak kobolnu amu, da nai laa yaakkulnu uɗat laa ii daatte. Keeke amunu amu, Kayak Nug ag ippuanatta malom.

Epesus 5:2

Ag nug oo mauhakppa, Kristus Nug ihinignu oo mauhe, Nug nukka Nug bau dayak nuhig ig ehanigkkunu uua, ihinignu mauhom bia oiyeg! Kristus Nug danab ag doɗ main Kayak muttuɗig ena dookkunu medatteb bia, nukka nuhigppa anam heum.

Mak 9:7

Ag anam daaegeg, lombig laa ag tonattette, lombig ooppa baag laa inam a dooppig. “Imuam da Bekkal, da nuhignu ool mauhtte. Ag nuhig nai doyeg!” awa aum.

Matyu 22:39

Aria, ɗo laa ele amubia daatte am inam. ‘Na nakka nahipnu oot mauhtte, amubia na laipad dilagnu ele oot mauhaɗ!’

Aposel 16:31

Anam a amu aa apiɗ. “Na Naɗi Jesusnu ootppa genab dookkutoitte. Haen na anam hekkut amu, Kayak Nug na eɗua awidkku; na amu na baenadppa ele oh eɗua diiadkku,” aoya apiɗ.

Jon 17:3

Bauklel hanhannu, amuam danab ag na Kayak, na nakkaib am Kayak genab, amu da, na bekkat, na da meiɗe uɗimi amu, ag i oh dooitkkulagnu daatte.

Jon 14:1

Amu Jesus nai tuɗitta aum. “Ag oolag uug aib dayom. Ag Kayaknu oolagppa genab doona, ag dahilnu ele oolagppa genab doyeg!

Sam 2:12

Yawe Nug ahilagnu oo nauheb, ag nauhmananu amu, ag Yawe bekka waappa daan, Nug oɗe dim lamitteg! Aɗinu? Yawe, nuhig oppoɗi bak kobol nau haknu am paha ahatte. Amge danab ah ag Nug waappa padal mak eɗitteb ena dayaknu ehanittak aon daatteb amu, ag itittak ena aoppig daatteb.

1 Timoti 1:15

Nai imuam genab, meu ele amunu ag aona, oolagppa genab dooglagnu ele elele. Nai am inam. Jesus Kristus Nug wan imuppanu hipunin danab ah eɗua diiadkkunu uɗiom. Hipunin hak danab ah oh eɗattak am daib.

Jon 1:12

Amge laala ag Kristus aoppig, ag nuhignu oolagppa genab dooppig amu, ag aakku Kayak bekkod daaglagnu ɠagattag mattom.

Jon 2:23

Amu Jesus Nug Jerusalem appa Pasowanu Hobul amuppa dayaya, Kayak dabmettaknu kobol danab haknu elele iitta kuɗum heehe, danab ag anidna, nuhignu oolagppa genab dooppig.

Jon 3:18

Am aun nug nuhignu ooppa genab dootte amu, nug nob nau awaknu hettoɗiakppa ii daatte, amge aun nug nuhignu ooppa genab ii dootte amu, nug aakku nob nau awaknu hettoɗiakppa teum daatte. Aɗinu? Nug Kayak Bekka laippunab, nug nuhignu ooppa genab ii doyom.

1 Jon 2:7

O gamalad, da haknunab anak imu madattem amu, da haknunab anak bau ahilagnu ii yaattem. Iitta. Imuam haknunab anak ag anukka Kristen bena aoppig ele amuib; am nai ag anukka dooppig aakkuib.

1 Jon 4:15

Laa nug Jesus am Kayak Bekka anana maditte ele, Kayak Nug danab amu nuhigppa daatte, amu danab amu nug ele Kayak nuhigppa daatte.

1 Jon 5:13

Da ag Kayak Bekka, ag nuhignu oolagppa genab dootteb amu, da ag bauklel hanhannu aoppig daatteb genab dooglagnu, da ahilagnu nai imu yaattem.