1 Jon 3:21 - Nobonob Baibel

²¹ O gamalad, ig ihinig dabmakppa eheɗ laa ii hemut doottem dayeb amu, ig aakku Kayak noobppa baɗak iitta ele daagnignu elele,

1 Jon 3:21 Referans Kwoze

1 Jon 2:28

Ao, nid naunau dahilad, haen Nug miag atieb, ig ɠagattag daagnignu, ig uɗa nak ele ii aomtanu amu, ag Nug ele laippu dayeg!

Hibru 4:16

Amunu uug haenppa Kayak Nug ihinignu oo gai-iitta doya oo mekka ehanikkunu, Nug ig ehanittak okkai hamu megakkunu amu, ig ii baɗatta, Kayak gumitta gotu!

2 Korint 1:12

Aria, ig keeke laanu maɗoɗppan gamag ahak doottem. Ihinig ooppan oiyak ippunittaknu ulum am keeke amuam genab ippunigtte. Keeke amuam inam. Ig wanppa oimut, gemu ele oittem amu, ig Kayaknu oppiaawak kobol amu nuhig hambuppuak iitta kobol ele aot oimut. Ig danab dabmakppa ii hemut. Iitta. Ig Kayaknu ehanittak okkai hamu megatte, ig amuppa hetata amu, ig ag Korint daatteb oolagppa huana hemut.

1 Jon 5:14

Amu ig aɗi keekenu oonig daatte, keeke amu nug Kayak oo niitte bia daatte dayeb, ig amunu unuqidttem amu, ig Nug ihinig unuqittak amu dootte doottem.

Sam 101:2

Da na noomppa nahip neekkakppa da oolppa kaliak laa iitta ele oikkulnu wagai mein hekkul. Na ganeb dahilppa uɗikkut? Da daattemppa amu, da na noomppa danab ooppa kaliak laa iitta ele daakkulnu oolppa dabmein oikkul.

1 Jon 4:17

Ib amuppa amu, ig epeɗiak haenppa Kayak noobppa baɗak iitta ele daagnignu, oo mauhak kobol ig oonigppa elelenab mette. Ig epeɗiak haenppa Kayak noobppa baɗak iitta daagnignu diig am, ig wan imuppa daatta, Kristus Nug daatte amubia, ig ele daattem.

Hibru 10:22

amunu, ig oonigppa hambuppuak laa iitta ele daatta, ig Jesusnu oonigppa genab doot autta aota, Nug he ig ihinkad hipunin uhuqa mekkak daatteb dootta, ig beɗunig le oppiaawakppa babaitta malak oitta, Kayak gumidta gotu!

Job 22:26

Aɗinu? Na amu hekkut dayeb amu, na genab Laa Nukka Ɠagattag Oh Elenu enanagnab doon daakkut; na iɗun human neegppe, Kayak, nuhigppa gokku.

1 Korint 4:4

Da Naɗi noobppa da dahil ooppan oiyak ippunittaknu ulumppa da eheɗ hemi ii doottem, amge amu Naɗi noobppa da genabnab da beɗulppa aab iitta ii ippunigtte. Laa Nug da epeɗiltte am Naɗi, Nugib.

Job 27:6

Da genab tutukku hak aakkuib dim lamidmi, da dabmak amu aɗeib daakkul. Ao, da oolppan oiyak ippunittaknu ulumppa, da eheɗ heminu dabmak nakok laa ii daama. Anam ii daye ukke ukke, da mauhkkul.

1 Timoti 2:8

Amunu da danab oh ag unuqidkkulagnu amu ag oppiaawak daanna, ag oo nauhak, a ona a doak ele iitta daanna, unuqidkkulagnu ool daatte.

Rom 14:22

Na Kayak noobppa ee lanaknu aɗi ootppa genab doottem amu, na amu hekkutnu elele, amge danab oh nahip dabmak dim lamidkkulagnu aib heme. Danab laa nug keeke laanu ena dabmette, nuhig dabmak keeke amunu beɗuppa nai ii yaatte ele amu, nug itittak ena awom daatte.

Epesus 3:12

Ig Jesus Kristusnu uɗat okkai, diig amunu, amu nuhignu ooppa genab doyak, amuppa ele, ig Nug ele ouqeta daattem amunu, ig Kayak toppa gokkunignu ib matulak daatte. Ig gokkunignu ii baɗattem.

1 Jon 2:7

O gamalad, da haknunab anak imu madattem amu, da haknunab anak bau ahilagnu ii yaattem. Iitta. Imuam haknunab anak ag anukka Kristen bena aoppig ele amuib; am nai ag anukka dooppig aakkuib.

1 Jon 3:2

O gamalad, gemu ig aakku Kayak bekkod daattem, amge ig geha attem daagnig am miag ii atiom. Amge ig doottem, haen Kristus Nug miag atia beeb, ig Nug bia daagnig. Aɗinu? Ig Nug attemnab daatte anidkkunig.