1 Jon 3:18 - Nobonob Baibel

¹⁸ O nid naunau dahilad, ig oɗenigppa, o naippaib ig lainkad dilagnu oonig aib mauhom. Iitta. Ihinig hakppa, doyak diig genabib ippunikkakppa ele ig lainkad dilagnu oonig mauhaɗ!

1 Jon 3:18 Referans Kwoze

Rom 12:9

Ag lailkad dilag oo mauhak genabppa oolag mauhaɗ! Ag aib hambuppuak bia heppig. Ag kobol eheɗnu nau ninig ele doyeg! Ag kobol ena amuib aɗan autna aweg!

1 Pita 1:22

Ag gemu ag doyak diig genabib dim lamidtteb, amuppa ag danab oolag ihan oppiak daatteb amunu, ag oo mauhak kobol genabppa ag lailkad dilagnu oolag mauhtte. Ag anam daatteb, amge ag tuɗidna, ag lailkad dilagnu oolkad unuqagppanu oo mauhaknab doyeg!

Galesia 5:13

Genab O lailad, Kayak Nug ag uhuqak daaglagnu onilagppa eum, amge ag ahilag dabmakppa aib inam appig. “Ig uhuqak elele daattem amunu, ig beɗunu kobol ele hekkunig.” Ag anam aib appig, amge ag lailkad dilagnu oolag mauheb, ag oh nug dabmattanna ehanatteg!

Epesus 4:15

Iitta. Ig oo mauhak dootta, nai genab miag maditta, ig keeke ohppa ihinig ikki Kristus, Nug oitte amubia ig oignig.

1 Jon 2:1

O nid naunau dahilad, ag hipunin ii hemananu da nai imu ye madattem. Amge laa nug hipunin hekku amu, ihinig ehanittak, Nug am gamag danab, Nug Mame toppa daatte. Nug Jesus Kristus; Nug am genab tutukku hak danab.

2 Jon 1:1

Da Jon, da Kayaknu tamaniaknu ikki danab laa, da nai imu yaattem. Da na ah Kayak tituanittom, nahipad nid naunau ele, da ag oh ahilagnu yaattem. Doyak diig genabib ihinigppa daatte, haen oh ele daakku amunu, da genab ahilagnu ool mauhtte. Am daib iitta. Laa ag doyak diig genabib dootteb amu, ag ele amubia ahilagnu oolag mauhtte.

Esekiel 33:31

Danab ah amu, ag dahilad danab ah, ag hanhan na noomppa uɗin daanna, nahip nai dootteb, amge ag nahip nai da na medattem amu, ag nai amu ii dim lamidtteb. Aɗinu? Ag oɗelagppaib da dim lamiɗkkulagnu atteb, amge ag ib eheɗppa baubau awaknu hik aqeeqe oitteb.

Eksodas 33:21

Yawe Nug anam anana, Nug tuɗitta aum. “Antte, men okkai laa aakku, da gukkuiɗak daatte, amu na men amuppa tena hippaidna daakkut.

Jon 17:19

Da dahilad imu ag da aniɗna, nahip nai pehettak dim lamidna, oppiaawak daaglagnu amu, da na oɗen tutukkunab dim lamidttem.

1 Jon 3:7

O nid naunau dahilad, laa ag buppualadmananu ag dabmeig! Aun nug kobol tutukkuppa oitte, nug Kristus genab tutukku hak danab daatte, nug amubia aakku genab tutukku hak danab daatte.

3 Jon 1:1

Da Jon, da Kayaknu tamaniaknu ikki danab laa, da layalnab Gaius nahipnu nai iikku yaattem. Da genab nahipnu ool mauhtte.

Luk 7:5

Aɗinu? Nug am ig Juda ihinignu oo mauhtte. Nug nukka ihinig nai doyak lag amu buuom,” aon appig.