1 Jon 2:6 - Nobonob Baibel

⁶ Am aun laa nug, “Da nuhigppa daattem,” atte amu, nug Jesus oiyom bia oiyaɗ!

1 Jon 2:6 Referans Kwoze

1 Pita 2:21

Amu Kayak Nug ag kobol amu dim lamidkkulagnu onilagppa eum. Aɗinu? Kristus Nug guittak naɗi ag ehanadkkunu awom. Nug heumppa amu, Nug antte oo maittaknu kobol, ag kobol nuhig amu dim lamidkkulagnu ag ippunatta mattom.

Jon 13:15

Da antte oo maittak kobol imu ag ippunadmi; ag ele kobol da gemu ahilagppa hemi amubia heig!

1 Korint 11:1

Am da Kristus Nug kobol aɗi aɗi heum ele andette, da kobol amu dim lamidttem, amubia ag ele da aniɗnana, da hettem bia heig!

1 Jon 3:6

Danab nug nuhigppa daatte amu, nug hipuninppa ii oitte. Laa nug hipuninppa oitte amu, nug Kristus ii anttom, laa ele amu, nug Kristus ii dootte.

Epesus 5:2

Ag nug oo mauhakppa, Kristus Nug ihinignu oo mauhe, Nug nukka Nug bau dayak nuhig ig ehanigkkunu uua, ihinignu mauhom bia oiyeg! Kristus Nug danab ag doɗ main Kayak muttuɗig ena dookkunu medatteb bia, nukka nuhigppa anam heum.

Matyu 11:29

Ag gugappan tuqai dahil aon gukkalagppa mewona, ag dahilppa dabmak aweg! Aɗinu? Da am wagai mak danab iitta, amu da am oo doyak ele. Ag anam henana, ag oolagppa uug iitta oiglag.

1 Jon 2:4

Am danab aun nug, “Da Nug doottem” atte, amge nug nuhig haknunab anak ii dim lamidtte amu, nug am hambuppuak danab. Doyak diig genabib nuhigppa ii daatte.

1 Jon 2:28

Ao, nid naunau dahilad, haen Nug miag atieb, ig ɠagattag daagnignu, ig uɗa nak ele ii aomtanu amu, ag Nug ele laippu dayeg!

Sam 85:13

Yawe Nug uɗia, wan imuppa daakkunu amu, nai awa ukkak danab onig Genab Tutukku Hak Kobol, nug anuqa ukka, ippu babaitteb, Nug dokku.

Jon 15:10

Da Mamenu haknunab anak dim lamittette, nuhig oo mauhak ooppa daattem, amubia ag dahil haknunab dim lamidkkulag amu, ag haen oh dahil oo mauhak ooppa daaglag.

1 Jon 3:24

Anam amunu, laa ag Kayaknu ɗo dim lamidtteb amu, ag Kayak nuhigppa daatteb, amu Kayak Nug ele danab amu, ahilagppa daatte. Kayak Nug nuhig Ouɗi ig mekkom amunu, amuppa ig doottem, Nug ihinigppa daatte.

1 Jon 4:17

Ib amuppa amu, ig epeɗiak haenppa Kayak noobppa baɗak iitta ele daagnignu, oo mauhak kobol ig oonigppa elelenab mette. Ig epeɗiak haenppa Kayak noobppa baɗak iitta daagnignu diig am, ig wan imuppa daatta, Kristus Nug daatte amubia, ig ele daattem.