1 Jon 2:25 - Nobonob Baibel

²⁵ ⌊Ig anam daagnig amu,⌋ ig bauklel hanhannu aognig; Kristus Nug nai amu qakka aum.

1 Jon 2:25 Referans Kwoze

Jon 10:28

Anam amu, da ag bauklel hanhannu madattem. Ag padal ii memana. Iittanab. Laa nug da eppelppanu ii oqaiatta diima.

Jut 1:21

Ag hanhan Kayaknu oo mauhak ooppa daanna, ihinig Naɗi Jesus Kristus Nug ahilagnu oo gai-iitta doya oo metta ehanattatta, Nug bauklel hanhan madakkunu ameg meig!

1 Timoti 6:12

Ban ameg laa amu ban ameg laa ele aa nug eɗidkkulahnu nug mehqettep, amubia na ooppa genab doyaknu wagai men he! Na bauklel hanhannu, Kayak Nug anukka na amu aokkutnu oninppa eum ele amu, na amu ɠagattag aɗe! Kayak Nug na oninppa e, na nahip ooppa genab doyak, danab ah kuɗum amelagppa miag mattime.

1 Jon 1:2

Kayak he, Kristus, Nug bauklel hanhannu diig amu, Nug miag atia be, ig Nug anidmut. Ig anidmut ele amu, ig ag amelagppa genabnab iikku madittem. Ig Kristusnu madittem. Nug anukka ig Mamenig Kayak ele daayya, Kayak he, Nug ihinigppa miag atia beum.

Taitus 1:2

Doyak diig genabib amuam he, ag bauklel hanhannu aoppig daatteb dootteb. Kayak, Nug hambuppuak nakok laa iinab maditte amu, Nug ag bauklel hanhannu amu aoglagnu anukkanab, keeke ii heum haenppa nai qakka aum.

Rom 5:21

amunu, hipunin nug he, mauhak danab tonattom daatte, amubia Kayaknu ehanittak okkai hamu mettak, amuam he, ihinig Naɗi Jesus Kristus, nuhigppa danab ag genab tutukku hak danab bena, bauklel hanhannu aotteb.

Rom 2:7

Danab laala ag binag amahlak oppiaawak ele, bau hanhan dayak, binag ele mattinna, kobol tutukku hetteb amu, geha Kayak Nug danab amu bauklel hanhannu madakku.

Jon 12:50

Am da doottem, Mamenu haknunab anak am bauklel hanhannu nai amunu, da nai amu madittem ele, Mame Nug da amelppa aum, amuib da madittem,” awa aum.

Jon 6:68

Jesus anam a amu, Saimon Pita nug aum. “Naɗi, ig aun toppa gokkunig? Nai nahip aakkuib bauklel hanhannu megatte.

1 Jon 5:20

Ao ig ele doottem, Kayak Bekka Nug uɗia, ig Mame genab, Nug doognignu diignu doyak tutukku mekkom. Amu laa, Kayak Nug am genab diig, amu ig nuhigppa daattem, amu ig Nug Bekka Jesus Kristus, nuhigppa ele daattem. Kayak Nug am Kayak genab, Nug bauklel hanhannu diig ele.

1 Timoti 6:19

Ag anam hekkulag amu ag keeke kuɗum dimppa ehanadkkunu, ag bau dayak genab aoglagnu qagmekkulag.

Jon 6:54

Am laa nug da teppul tiil ele lakku amu, nug bauklel hanhannu ele, am wan haen malakppa da nug maɗedappi, nug eɗua hippaidkku.

Jon 6:47

Genabnab genab da ag amelagppa attem. Aun nug dahilnu ooppa genab dootte ele, nug bauklel hanhannu ele awom daatte.

Jon 6:27

Ag ee aon lappeg, beɗulag ɠagattag qeeb, wan imuppaib ena daaglagnu aib anuqak dooppig. Iitta. Ag Kayak nai aon dabmenan, bauklel hanhannu aoglagnu anuqak doyeg! Mama Kayak Nug da ag amu madakkulnu ɠagattag meɗom amunu amu, Danab Bekkalag da, da ag madakkulnu elele,” awa aum.

Jon 5:39

Ag Kayak nai yaak niitte, nai amu ebqena autna aona, ‘Nai amu bauklel hanhannu megatte,’ atteb, amge nai amuam dahilnu aakku atte

Luk 18:30

Nug wannu haen imuppa keeke uua oiyom, nug amunu nob huana eɗattak awa, amu butti aɗi haen amu uɗieb, nug bauklel hanhannu ele aokku,” awa aum.

Daniel 12:2

Kuɗumnab, ebqaknu iitta huanaknab moɗppa niitteb ele, ag eɗun ahaglag. Laa ag bauklel hanhannu aoglag; laa ag uɗa nak nau, laa noolagppa keeke hamunab doyak ele hanhannu aoglag.

1 Timoti 1:16

Amge diig imunu Kayak Nug dahilnu oo gai-iitta doya oo meɗa ehaniɗom. Da am hipunin hak danab laa oh eɗattak amunu, Kristus Jesus Nug nuhig dagom kobol oppiaawak ele dahilppa heeb, miag atieb, danab ah ag amu anidna, ag oolag maitteb, ag ele nuhignu oolagppa genab doona, ag bauklel hanhannu aoglagnu dooglag.

Galesia 6:8

Amubia danab laa nug beɗunu kobol haaha oitte amu, nug beɗu kobolnu meu nau, padal mak aokku. Amge danab nug Kayak Ouɗinu ehanittak awa aɗa, amuppa oiyaya, Ouɗi kobol amu dim lamitta oitte, Ouɗi Nug danab amu bauklel hanhannu metteb daakku.

Rom 6:23

Hipuninnu nob am mauhak, amge Kayak Nug ig ihinig Naɗi, Kristus Jesusnu uɗatppa bauklel hanhannu ihinig daakkunu hamu megatte.

Jon 6:40

Ao, da Mamel Nug oo niitte ele amu anam aakku. Danab aun ag Nug Bekka da, ag da aniɗna, ag dahilnu oolagppa genab dootteb ele amu, ag bauklel hanhannu aoglag. Da dakka geha wan haen malakppa maɗadakkul,” awa aum.