1 Jon 2:14 - Nobonob Baibel

¹⁴ Ag nid mamelkad, ag aun Nug anukka digmakppa dayom amu, ag dootteb amunu, da ahilagnu yaami. Nid bau, ag am ɠagattag, Kayak nai ahilagppa daatte, ag Satan eɗidppig daatteb amunu, da ahilagnu yaami.

1 Jon 2:14 Referans Kwoze

Sam 119:11

Da nahip-ppa hipunin qak hepa, da nahip nai da oolppa mein, dabmak dahilppa ele memi.

1 Jon 2:13

Ag nid mamelkad, ag aun Nug anukka digmakppa dayom amu, ag dootteb amunu, da ahilagnu yaattem. Ag nid bau, ag Satan eɗidppig daatteb amunu, da ahilagnu yaattem. O nid naunau dahilad, ag Mame dootteb amunu, da ahilagnu yaami.

Kolosi 3:16

Kristusnu nai enanag meu ele ag oolagppa daakkuoitte! Ag akka akka doyak dabmak ena eleppa nug ippunidnana, nug ehanittak ele heig! Ag oolagppa Kayak amegppa, “Ena hen mekkame” anana, ag sam, mettidnu ahi, amu Kayak binag maknu ahi ele etteg!

Jon 15:7

Ag dahilppa daaglag dayeb, dahil nai ele ahilagppa dayeb, ag oolag daatte amu, ag amunu oɗmak hena, ag aoglag.

Epesus 6:10

Aria gog tak nai am inam. Ag Naɗi ele laippu daanna, nuhig ɠagattag okkai ele aon, ag ɠagattag dayeg!

Jon 8:31

Juda danab ag Jesusnu oolagppa genab dooppig ele amu, Nug ag amelagppa aum. “Ag ippunittak nai dahil dim lamidtteb dayeb amu, ag am genab ippunittak awak danab dahiladnab daaglag.

Jon 5:38

Ele amu, nuhig nai ag oolagppa ii daatte. Aɗinu? Ag laa Nug me uɗiom ele, ag nuhignu oolagppa genab ii dootteb.

Revelesen 2:7

Danab nug daug ele dayeb, nug Kayak Ouɗi Nug Kristen tamaniak dilkadppa nai mehuqtte doyaɗ! Aun laa nug ban eɗidkku amu, da nug bau hanhan dayaknu ad meu, Kayaknu Paradisppa daatte, medappi lakku,” awa aum.

3 Jon 1:3

Da lailad laa uɗin, na doyak diig genabib oo metta ii uuak kobolppa dabmettemnu, na doyak diig genabib tuɗidna dim lamidttemnu ele mattieg doyen, da maɗoɗppan gamag ahak huanak doomi.

Hibru 8:10

Amu Naɗi Nug tuɗitta inam ele aum. “Nug tituana nai qakkak bau, da heppi, ag Israel danab ah, da ag ele haen amuppa hekkunig am inam. Da heppi, dahil ɗo oh ahilag dabmakppa daakku. Ao, da heppi, dahil ɗo oh ag oolagppa daakku. Geha da Kayak ahilag daakkul; ag am dahil danab daaglag.

Kolosi 1:11

Ag Kolosi danab ag uug digdig maon ɠagattag, dagom ele daan bittumttum ii gomananu, ag anen anen ag Kayak eppegppa nuhig ɠagattag naɗi okkai aoglag. Anam amu, ag maɗoɗppan gamag ahak ele doonna,

2 Timoti 2:1

O da bekkal, na Kristus Jesusnu ehanittak okkai hamu mettak, na amuppa ɠagattag daye!

Pilipai 4:13

Ib amuam Kristus Nug da ɠagattag meɗe, nuhig ɠagattagppa da keeke oh eleleib hekkulnu elele.

Revelesen 2:3

Da doottem, na da onilnu eheɗ laala na beɗunppa be doome; gemu ele doottem. Anam amge na uug doyaya eɗittaknuib dabmak awak kobol dim lamidna, na amuppa na gai-iitta ii meme.

1 Jon 1:10

Ig hipunin ii hemut akkunig dayeb amu, nai amuppa ig Kayak, Nug am hambuppuak danab akkunig. Ig anam akkunig dayeb amu, nuhig nai ihinigppa nakok laa ii daatte.

Jon 8:37

Da doottem, ag Abraham buɗuppud, amge nai dahil amu ahilagppa ii daatte amunu, ag da iuppeg mauhkkulnu hetteb.

1 Jon 1:1

Kristus, onig laa Nai, Nug am bauklel diig amu, Nug digmakppa dayom. Nug ⌊anam daye ukke, wanppa uɗia, Nug⌋ nai mattieye ig daunigppa dootta, ig amenigppa ele Nug anidmut. Ig Nug anidta, eppenigppa ele aɗamut. Nug amu, ig nuhignu iikku madittem.