1 Jon 2:13 - Nobonob Baibel

¹³ Ag nid mamelkad, ag aun Nug anukka digmakppa dayom amu, ag dootteb amunu, da ahilagnu yaattem. Ag nid bau, ag Satan eɗidppig daatteb amunu, da ahilagnu yaattem. O nid naunau dahilad, ag Mame dootteb amunu, da ahilagnu yaami.

1 Jon 2:13 Referans Kwoze

Jon 14:7

Ag da dooiɗppig amunu, ag da Mamel ele dooglag. Ge, gemu ag da aniɗppig amunu, ag Nug dootteb; ag ele anidtteb,” awa aum.

1 Jon 2:14

Ag nid mamelkad, ag aun Nug anukka digmakppa dayom amu, ag dootteb amunu, da ahilagnu yaami. Nid bau, ag am ɠagattag, Kayak nai ahilagppa daatte, ag Satan eɗidppig daatteb amunu, da ahilagnu yaami.

1 Jon 4:4

O nid naunau dahilad, ag am Kayaknu amunu, ag propet hambuppuak eɗadppig. Aɗinu? Laa ag oolagppa daatte amu, Nug onig, ɠagattag ele am wan imuppan okkai eɗittak.

1 Jon 1:1

Kristus, onig laa Nai, Nug am bauklel diig amu, Nug digmakppa dayom. Nug ⌊anam daye ukke, wanppa uɗia, Nug⌋ nai mattieye ig daunigppa dootta, ig amenigppa ele Nug anidmut. Ig Nug anidta, eppenigppa ele aɗamut. Nug amu, ig nuhignu iikku madittem.

Luk 10:22

Jesus Nug anam ana, Nug baula tuɗitta aum. “Da Mamel Nug keeke oh da eppelppa meum. Amu danab laippu laa nug Kayak Bekka am aun ii dootte, Kayak Nug nukkaib dootte. Ele amu, danab laippu laa nug da Mamel, Nug am aun ii dootte. Iitta. Da, Kayak Bekka, da aakkuib doottem, amu danab, da ag da Mamel am aun ippunadttem ele, ag amu dootteb,” awa aum.

Jon 17:3

Bauklel hanhannu, amuam danab ag na Kayak, na nakkaib am Kayak genab, amu da, na bekkat, na da meiɗe uɗimi amu, ag i oh dooitkkulagnu daatte.

1 Jon 5:18

Ig doottem, danab aun nug Kayak bekka daatte amu, nug hipuninppa ii oitte. Kayak Bekka Jesus, Nug nug atognotte. Satan nug danab amu nakok laa ii aɗatte.

1 Jon 3:12

Ag Kain bia aib oippig. Kain nug Satannu danab, amu nug amag qe mauhom. Nug nuhig kobol eheɗ, amagnu kobol amu tutukku, amunu nug qe mauhom.

Matyu 11:27

Jesus Nug anam ana, Nug baula tuɗitta aum. “Da Mamel Nug keeke oh da eppelppa meum. Amu danab laippu laa nug Kayak Bekka ii dootte. Kayak Nug nukkaib Nug dootte. Ele amu, danab laippu laa nug da Mamel ii dootte. Iitta. Da, Kayak Bekka, da aakkuib Nug doottem, amu danab, da ag da Mamel ippunadttem ele, ag Nug dootteb,” awa aum.

1 Jon 5:20

Ao ig ele doottem, Kayak Bekka Nug uɗia, ig Mame genab, Nug doognignu diignu doyak tutukku mekkom. Amu laa, Kayak Nug am genab diig, amu ig nuhigppa daattem, amu ig Nug Bekka Jesus Kristus, nuhigppa ele daattem. Kayak Nug am Kayak genab, Nug bauklel hanhannu diig ele.

1 Jon 2:12

O nid naunau dahilad, Jesus Kristus onigppa Kayak Nug hipunin ahilag uhuqa mattom amunu, da ahilagnu yaattem.

1 Jon 2:1

O nid naunau dahilad, ag hipunin ii hemananu da nai imu ye madattem. Amge laa nug hipunin hekku amu, ihinig ehanittak, Nug am gamag danab, Nug Mame toppa daatte. Nug Jesus Kristus; Nug am genab tutukku hak danab.

Taitus 2:6

Amubia na danab bau ag ele akka ag ahilag oiyak pehettak atognoak kobolppa oiglagnu appe doyeg!

Jon 16:3

Danab amu ag da Mama ele ii dooitppig gemu ele ii dooit-tteb amunu, ag anam hekkulag.

Jon 14:9

Pilip anam a amu, Jesus aum. “Pilip, haen elabnab da ag ele daamut, am na iite dooiɗttem? Danab nug da aniɗtte amu, nug Mama anidtte. Am aɗinu na Mama anidkkutnu oɗ meɗattem?

Jon 8:19

Anam a amu ag Nug oɗ medappig. “Na Mamen am adeppa daatte,” aon appig. Aon aeg amu Jesus Nug aum. “Ag am da ii dooiɗtteb, da Mamel ele ag ii dootteb. Ag da dooiɗnalob, amu da Mamel ele doolob,” awa aum.

Matyu 13:38

Aria, dad okkai amu wan atu oh ippunigtte. Ee aeg ena amu Kayaknu ɗo maɗoɗnu danab. Aria, gikkiɗah nau amu Satannu danab.

Matyu 13:19

Haen danab laa nug Kayaknu ɗo maɗoɗnu nai doya, oo ii maidtte amu, Satan nug paha he, Kayak nai nug ooppa dayom iitta mette. Ee aeg ibppa nena qeppig ele amu, nai amu anam ippunigtte.

Prowerb 20:29

Nid bau ag ahilag ɠagattagppa binalag aotteb; danab kaino ag ikkilag umimi bakppa amu aotteb.

Sam 91:14

Yawe Nug atte. “Na dahilnu oot mauhe, da gukkuiɗaknab daattem amunu, da geha na ehanidppi, na qagaiettakppa ii daamna. Ao, na da dooiɗttem amunu, da geha na atognoitte dabmedakkul.

Sam 90:2

Na qauko ii hattame haenppa, ao, na wan, amu keeke oh amuppa daatteb ele ii hattame haenppa, na, O Kayak, na daame. Na am Kayak. Na hanhan anam daame, hanhan ele anam daakkut.

1 Timoti 5:1

Na danab kaino aib aidme. Iitta. Na mamen dabmak maɗettaknu nai bodoettak mattiak biappa appe doyaɗ! Nid bau amu na amapad dilag doottem amubia ehanatte!

Jon 17:21

O Mame, na dahilppa daattem, da nahip-ppa daattem, amubia ag oh laippu daaglagnu unuqidttem. Amu laa ele, wanppan danab ah wannu kobol dim lamadtteb ele ag na da meiɗe uɗimi oolagppa genab dooglagnu amu, dahilad ag ihinihppa daaglagnu ool daatte.

Sekaraia 9:17

Wan am enanag, neekkak enanag ele daakku. Anam amunu, ee aeg am heeb, nid danab ag enanag bena daaglag. Ao, wain bau am heeb, ah makkun ag enanag bena daaglag.

Joel 2:28

Yawe Nug atte. “Amu dimppa da dahil Ouɗi danab ah diig oh dilagppanu ⌊danab ah laala⌋ madakkul. Da madappi, ag bekkalkad, aɗelkad ele ag propet nai madippeppeg, ahilkad danab kaino ag tul niiakppa keeke anidppeg, ahilkad danab bau ag tuleglegppa keeke anidkkulag.

Sam 148:12

danab bau, ah makkun, danab kaino, nid naunau ele.

Matyu 5:37

Ag, ‘Yo,’ akkulagnu dayeb amu, ‘Yo,’ akkulag. Am aakku elele. Aria, ag ‘Iitta,’ akkulagnu dayeb am, ‘Iitta,’ akkulag. Am aakku elele. Ag nai baula ele tuɗidna maditteb dayeb amu, amuam Satan he bette.

Jon 16:33

Da nai imu ag dahilppa maɗoɗ aon daaglagnu elele daaglagnu amelagppa ami. Wan imuppa amu ag uug anidkkulag, amge ag uug aib aqom! Aɗinu? Da wan imuppanu ɠagattag eɗidmi,” awa aum.

Revelesen 2:7

Danab nug daug ele dayeb, nug Kayak Ouɗi Nug Kristen tamaniak dilkadppa nai mehuqtte doyaɗ! Aun laa nug ban eɗidkku amu, da nug bau hanhan dayaknu ad meu, Kayaknu Paradisppa daatte, medappi lakku,” awa aum.

Revelesen 12:11

Ig lainkad ag Sipsip Nag tiigppa, amu doyak diig genabib mehuqttebppa ele ɠagattag aon, ban eɗidna, kekeɗ amu eɗidppig. Ag wanppa enaib, bau daaglagnu amu ii dabmeppig. Iitta. Ag beɗulag maoeg ukke, bau daaglagnu anuqak ii doon, Jesus onignu mauhmananu dabmak ii aon oippig.