TAITAS 2:15 - KARANU KABI SAMTAM

¹⁵ Aihang ai saa mpat pyiilo; n-go shiisii kaleimei hang go teimaham hang teipii kaswisii lung tiimadi pyiilo, ninado n-gipyiilo. Mei hang- ninii kaniido n-go maning majang matu sulo.

TAITAS 2:15 Referans Kwoze

2 TIMOTHI 4:2

Samtei tam ralipyiilo, tinglang kido, tinglang kasu kido tiisii leihumlo, lungleh kati sateichii ralikapyii hangteipii njasii swiki liit matulo n-gipyiilo, ninado lung tiimadi pyiilo,

TAITAS 1:13

Sakchyii ai kasangle. Teijangpiinii meinahnii likalu Jehu- dimei mah rasam kiteikii sateichii kasang go mazhii kasumei mah kakhatsam kiteikii ahnyiinii lungliit supiinii.

1 TIMOTHI 5:20

Mei kakimeiniido hing kabui tiisii, kem tiikalei katingmei gotei meihang doito duilo.

METIU 7:29

Kadapokii Mpounii ajaitingshang kati ojamei takum supiinii teimaham kajum mei takumpiinii ralipyiile.

MARK 1:22

Sateichii mpounii ralikapyii tei shiikalu meihangnii akhiipat takle, dapo- chiinii mpounii Ajai tingshang kati ojamei takumpii supii teimaham kajum meigo reisii ralipyiile.

LUKNII KARYII KABI RASAM JUKAMATI 4:36

Meimoi teinii sung gasii hangninanii hangninii dakii tamle, “Ai kadapei sampo dapochiinii mpounii tei mahampii matei kasu rangii hang gotei kakhatle, sateichii ahnyiinii tatpat tole.”

MARK 1:27

Meihang teinii akhii patsii hangninanii hangninii dakii tamle, “Ai kadapeipo? ai kasatai rali kapyiide Mei aipounii teimaham jumsii kashyii rangii hang go kakhatle ninado mpou-sam swile!”

1 KORENMEI 16:11

Teijangpiinii mei kaniido mpougo maning malah tei tiimatu sulo. Nlenii mpounii guda gong tang karam jangpii, majungsii mpougo pwidikii kapouseilo; kadaponii Inii mpougo kangsanameigo kaswisii nlaigong tang karam jangpii koisii bamle.

1 PITAR 4:11

Tam ralipyiisii kaleimei teinii Saraamah samtam takumpii tam ralipyii tang karamle; nga ngasii kaleimei teinii ahgo Saraanii pyiisii kalei teimaham teipiinii nga ngatang karamle, dapokii teipiinii mahlyii hang kito Saraago Jisu Krista zei kito tam matoi tang karam jangpiile. Mpou dato kalui kaga pumtei kava ninado teimaham tei leile, Amen.