TAITAS 2:10 - KARANU KABI SAMTAM

¹⁰ mak-kii ahnyii dato mah raga supii, tinglang kaleita kasang kabi ninado malum kabui tha tei ahnyiinii tiimangou tang karamle.

TAITAS 2:10 Referans Kwoze

METIU 5:16

Teitakumpii gonyiimah tha kabi tei meihangnii ngou wosii sating gamto kalei gonyii pfiigo tam matoi matutang karam jangpii gonyii mah kava tei meihang doito vamatulo.

1 PITAR 2:12

Gonyii kashyii tha katiimei lesii gonyiigo ahnyiinii tam tuleponii, gonyiimah tha kabi hangtei ngoukabui tiisii sateichii mpounii kagong piinei leimik nyiinii Saraago tam matoi wokabui tiisii lui kakimei hang kak kito gonyiimah jairali tei bitang karamle.

2 JON 1:9

Mei kata hangninanii Kristamah karali gotei kaswisii leikasu, nlenii teigo majusii tat kalei teinii Saraago doumakle. Kristamah karali kito kaleimei hang teinii Pfii godo, nah sapfii mpou godo doule.

IPISAMEI 4:1

Teijangpii gonyiigo lat kalu kiteito tiigatpii matwisii lung pyiilosii, Bangpii jangpii kabangki kaleimei hangninii tiisii kalei Inii gonyii dato khangleile.

1 PITAR 3:16

Krista dato gonyiimah jairali kabi gotei tam kamashyii meinii gonyii phyiiryiikii tam mashyiisii katam kiteito ahnyiinii nrouwo kabui tiisii, gonyii lungswi tei mateisii mbamlo.

TAITAS 1:3

ai toinii ajhii kabi tinglang kiteito, mpounii tiilosii gudakii pyiikabam kabi rasam teipii Saraanii mpoumah tiimatu kanyii kaang tei nyiigo mati mangoupyii takle. Ai ai Inii nyiigo keikapyii Saraamah mwija teipii saa mpat leile.

1 TIMOTHI 6:3

Mei kata kangkanii kataam dormo mah karaligo sateichii nyii Bangpii Jisu Krista mah kasang samtam gotei mazhii supii kaki ka- tham ralipyiisii leileponii,

1 TIMOTHI 6:1

Saraa zeigo sateichii nyiimah karali gotei mei kaniido tam mashyii matu kasu tiisii, kikaleimei hangnii ahnyiimah apum katiimeigo sadzyii ngariit tiimajyiilesii maning matulo,

1 KORENMEI 4:2

Tei phyiiryiito kisii kakashangmei tiitang karam jangpii ahnyii ai malum kabuimei tiitang karamle.

LUKNII KARYII KABI RASAM JUKAMATI 16:10

“Tha kacheng kito malum kabuimei tei, tha kadi kitodo malum wobuile, sateichii tha kacheng kito lung matei kasumei teinii tha kadi kitodo lung matei makle.

METIU 24:45

“Teitiileponii malum kabui ninado kasakai kikaleimei ai tapo? Mpou ai tinglang tinglangki ahnyiigo kachii kasak pyii matutang karam jangpii mpoumah apumpiinii ki kalung mah julosii tung kaikabampii teile.

1 TIMOTHI 5:17

Doimajang katat tha tiigatpii tiisii kalei katingmeigo, routiisii samtam kito ninado katam karali kito tiigatpii tha tiisii kaleimei hang go njai hangna tiisii sadzyii ngariit katii tei tiimajyiilesii maning matulo.

1 TIMOTHI 1:1

Nyiigo Keikapyii Saraa ninado nyiinii kamalum Krista Jisumah mwija taiswisii Krista Jisumah tiilamlwi kapyiimei hangninii tiisii kalei Pol dato.

PILIPIMEI 4:8

Kalui kito kangsanamei, kasang kasang, sadzyii ngariit tiikabui hangtei, kamajyii hangtei, kamatei hangtei, ngoukabi hangtei, samlat kabi hangtei, kabi jaishang kado leileponii, sateichii dzyiirou kabui kado leileponii, aihang ai swi ma- shaklo.

PILIPIMEI 1:27

Inii gonyiigo gong kadou kado, kadoumak kado, gonyiinii lungswi hangninii tiisii kabi rasam kito kamalum jangteipii kamagasii rangii hangninii kito sangtingsii satle katu gonyiimah kaang kito Inii shiiwo kabui tiisii gonyiinii lungkalei gonyii tiilungmah tingshang rali tei Kristamah kabi rasamgo masam matulo.

JONNII KARYII KABI RASAM JUKAMATI 12:6

Mpounii ai tam kalei ainii mah kagamei jangpii mpounii kasangpii maningsii tam makle, nlenii mpou ai karagameile ninado mpouda kalei sanahbung lung kiteikii kakai tei mpounii poi mpat kalei jangpiiniile.

LUKNII KARYII KABI RASAM JUKAMATI 1:47

Sateichii n-gu Keikapyiipii Saraa dato gu rangiinii ntale,

LUKNII KARYII KABI RASAM JUKAMATI 1:80

Nah tei pumpot sateichii rangii dipat takle sateichii mpounii Isrel- mei machii doikii mangou kasuta tei mapwizyii kito lungle.

TAITAS 3:4

Nlenii nyiigo keikapyiipii Bangpii Saraamah lung- syii kapyii ninado meigo lungkasyii tei gongpyii sek-kii,