TAITAS 1:9 - KARANU KABI SAMTAM

⁹ mpounii kakimeigo kasang rali kapyii teipii lung tiimakhiiha kabui tiisii sateichii teigo mazhii kasumei mah tiikama teido mangoupyii kabui tiisii kasang karaligo kamazhii ninado malum kabui samtam gotei mpounii sangtingsii jumtang karamle.

TAITAS 1:9 Referans Kwoze

2 THESOLONIKAMEI 2:15

Teipiinii kangsanamei, sangtingsii satlo, sateichii nyiimah katam karali kito kado, sateichii nyiimah chiti kito kado nyiinii gonyiigo ralikapyii tei tiigatpii jumlo.

2 TIMOTHI 1:13

Krista Jisu dato kalei kamalum ninado lungka- syii kito, nangnii gudato shiikalu kabi samhang mah tiikamangou nda tei tiilo.

1 TIMOTHI 6:3

Mei kata kangkanii kataam dormo mah karaligo sateichii nyii Bangpii Jisu Krista mah kasang samtam gotei mazhii supii kaki ka- tham ralipyiisii leileponii,

1 TIMOTHI 1:10

Kashyii kahong tha katiimei, mei tiikasu kashyii tha katiimei, meipwi mei- nahgo karagamei, chuisii kasang kasu sakchyii kapyiimei mak-kii kasang kabi ralikapyii kito mazhii kasu tha katiimei jangpii ajaiting- shang ai tiibamle, katu ai mangailak tang karamle.

MATIMANGOU KAPYII 3:3

Teipiinii nangnii kadapei dou wopo sateichii kadapei shii wopo katu maning gonglo, sateichii teitei swi wosii lungkali wolo. Nangnii gungkhii wosu leponii, karagamei takumpiinii Inii gong tangle, sateichii Inii go phyiiryii tinglang kadadou gong tangpo katu nangnii tisang tilakle.

1 TIMOTHI 1:15

Jisu Kristanii kakui kama meigo keipyii tang karam jangpii sazyii pouryii gongpyiile katu ai malum wobuile sateichii nyiinii lukai tang karam jangpii tam kalei sam ai kasangle sateichii kem kama mei hang kak kiteito kem tiikaki tei I-le,

TAITAS 2:1

Nlenii gojangpiinii, kabi rali- kapyii jangpii kabi tei ralipyiilo.

TAITAS 1:11

ahnyii mwi tei makat tang karamle, dapokii ahnyiinii seh sanah lukanyii jangpii ahnyiinii tamlak tang karam sam tei tam ralipyiisii, ki kalung mpung hang go tiipaksii leitakle.

2 TIMOTHI 4:3

kadaponii kabi ralikapyii gotei meinahnii shii kalak tinglang gongtangle, nlenii ahnyii pumzai mah kamarei ka-nta hang teitei switangle sateichii ahnyiinii shiinyiisii khoi mataksii kalei sam tei ahnyiigo tampyii tang karam ma- dhiikapyiimei gotei ahnyiinii ahnyii jangpii kisii kisii poi nkomtu tangle.

1 THESOLONIKAMEI 5:21

Nlenii mahlyii hangtei ajai julo, kabi tei tiigatpii jumlo,

MATIMANGOU KAPYII 3:11

I-kalangsii gongtu tang takle, meikaniido gomah phyiihung tei poitoi matu kasu tiisii, gomah kalei tei tiigatpii jum wolo.

MATIMANGOU KAPYII 2:25

Nlenii gonyiinii doukalu tei Inii gong kasuta tiigatpii sangtingsii jum wolo.

JUD DATO KAGONG CHITI JUKAMATI 1:3

Lungkasyiimei, kamalum mei- hangnii dousii kalei Kristenmei mah kamalum, keikapyii karingmah kaang kito gonyii dakii Inii chiti ryiinesii tiidasii leile. Nlenii Saraanii mpoumah meihang dakii pyii kabam gakalak kamalum jangpii saryii tiimatu tang karam jangpii gonyiigo lung tiimadi tang karam jangpii ryiisu kashyii ai aitoisekkii Inii kadou takle.

2 TIMOTHI 2:25

ngou karoumeigo manoisii tiima- jyiipyii tang karamle; ahnyiinii lung kalisii kasang tigong matu tang karam jangpii. Saraanii ahnyiigo tinglang kabi pyii leido malahle.

2 TIMOTHI 2:2

Sateichii sakchyii meihangkii doito nangnii gudato shiikalu tei mei kakimei dakiido ralipyii kabuimei dakii tiilosii tampyiilo.

1 TIMOTHI 4:9

Tam kalei samtam ai matwisii lukai tang karam ninado malum tang karam jangpii kasangle.

1 TIMOTHI 1:19

Sateichii gumah kamalum ninado kamatei lungswi titang karam lungswi tei leilo. Mei kangkanii ahnyiimah kabi kashyii titang karam lungswi gotei shii supii ahnyii mah kamalum tei tiimaga aitakle.

TIILAMLWI KAPYIIMEI THA JUKAMATI 18:28

Kadapokii Jisu ai Krista teilesii mpounii kabi rasam paikito mangou pyiisanii meihang doito Jehudimei hangmah samtei tiigatpii tambang toi aitakle.

1 KORENMEI 14:24

Nlenii mei kakimei mak-kii malum kasumei kangkanii tat kaliit kak, meihangnii Saraa sam tam mpatsii lei leponii, ahnii shii kalei teipii ahnii ahmah kem tei tigong matu tangle, mpounii shiikalu hangteipii mpougo samtak tiitangle.

2 TIMOTHI 3:14

Nlenii gojangpiinii nangnii ralikalu sateichii sangtingsii malum kalu kasang hang kiteito tatsii leijoulo. gomah madhiikapyii mei tei tatapo katu nangnii tile.