ROMMEI 9:23 - KARANU KABI SAMTAM

²³ Mpoumah pumtei kava doumatu tang karam jangpii mpounii ndouto reipii tiidapyii kabam, mpoumah jumage kapyii doutang karam nyiihang pyiiryiikii mpoumah kani pumtei kava rui ka-mpat teido mpounii mangounyii takle.

ROMMEI 9:23 Referans Kwoze

ROMMEI 2:4

Makkii Saraa mah ajai kabipii n-go lung kali matu tang karam kikii chyiitat pyiile katu tei tisupiinii mpou mah lung kasyiimah koikati, sateichii leh kati hang gotei nangnii maning mala leipo?

IPISAMEI 3:16

katunii, alungto kalei mei dakii mpou rangii- mah paikito gonyiigo teimaham pyiisii tiisangtingpyii matu tang karam jangpii,

IPISAMEI 2:10

Kadapokii Saraanii reipii tiida kabam kabi tha hang kito nyiinii tat matutang karam jangpii, Krista Jisu dakii tii mpat kabam nyii ai mpoumah tha katiimei takle.

2 TIMOTHI 2:21

Teijangpii mei kata kangkanii mpou roinapiinii mpougo kamala kito aihang tiimatei aitakle- ponii, mpounii maihungsii kajum tiimatei kalei ki apumpiinii jumtang karam jangpii kabi, sateichii tha kabi hang jangpiinii tiida kabam koklat hangninii tiitangle.

KOLOSIMEI 1:27

Saraanii kamaning teinii mpounii meihang jangpii kabam kani kahii ninado pumtei kavamah kamakum tei mpoumah meihang go timatu tang karam jangpiile. Sateichii kamakum teinii gonyii lung kito Krista leile. Katunii, Saraamah pumtei kava tei gonyii njai dou njoi tangle.

IPISAMEI 2:7

Mpounii ai ai tiile, kadapokii gongtang karam tinglang hang kito Krista Jisu dato nyiigo mpoumah ajhii sakpei kalak jumage kapyii kanitei mpounii mangou tang karam jangpiile.

IPISAMEI 1:18

Mpoumah kava tei ngoukabui tiisii gonyiimah lungswi hangtei laatpyii matusii, mpounii gonyiigo lat kalu tei kadapei maning kamalum jangpiipo katu sateichii mpoumah meigo pyii tanglesii riishii tiikabam kamadat satoi hangtei kadaziikapii dipo katu tikabui jangpii,

ROMMEI 8:29

Kadaponii mpounii reipii juti kalumeigo mpou nah sapfii mpou- mah jaitalui gotei njoi matu tang karam jangpii ndouto reipii tiikada aitakle. Nah sapfii mpou teinii kangsanamei hang kak kito manaa karei tei tiimatu tang karam jangpiile.

LUKNII KARYII KABI RASAM JUKAMATI 1:17

Sateichii Apfiimei mah lungtei Anahmei dakii pyii matu tang karam jangpii, sateichii katam swikasu meigo kasang mah swirek kikii maning nlaigong matu tang karam jangpii, Bangpii jangpii tiidasii kalei meigo tiida matu tang karam jangpii, mpounii Bangpii doi reisii Ilaijah mah rangii sateichii teimaham kito tat tangle lungka- kalingpii Ilaijah takumpii.

1 THESOLONIKAMEI 5:9

Kadapokii Saraanii nyiigo rakarhii tei doumatu tang karam jangpii kalai makle, nlenii nyii Bangpii Jisu Kristamah paikito keikapyii karing tei doumatu tang karam jangpii kalaiwo takle.

KOLOSIMEI 1:12

kama- teimei hangnii kava kito doukamajyii mahtou kiteito njai dou njoi matu- tang karam jangpii nyiigo tiimajyii kapyii tiikapyii pfii dakii hakalang tamlo.

IPISAMEI 3:8

Saraago kamalum meihang kak kito ka-nkhii khiisang tei I-le, teitii kido fiipei kalak Kristamah kani kahiimah kaang kito luikakimei dakii kabi rasam ai tam ralipyii matu tang karam tinglang kabi ai Saraanii n-gu pyiile.

TIILAMLWI KAPYIIMEI THA JUKAMATI 9:15

Nlenii Bangpiinii mpou dakii tamle, “Tat tulo, kadaponii lui ka- kimei hang, sagongmei hang ninado Isrelmeinah doito guzei pung tang karam jangpii sapfii mpou ai gujangpii kalai mpat kabam baituile.

ROMMEI 8:30

Sateichii mpounii ndouto reipii tiida kabam gotei latdo latpyii takle. Lat kalumei gotei tiido tiima- jyii pyiitakle, sateichii tiimajyiipyii kaleimei gotei mpounii pumtei kavado pyiitakle.