ROMMEI 9:1 - KARANU KABI SAMTAM

¹ Inii Krista zeikito kasang tei tam leile. I-choimakle; kabi kashyii tikabui gulung teinii n-gu rangii kamatei zeikito sakchyii tiileile.

ROMMEI 9:1 Referans Kwoze

1 TIMOTHI 2:7

teijangpii lui kakimeimah kabi rasam katam mei ninado tiilamlwi kapyiimei hangninii tiisii kamalum ninado kasangmah sam tam matu tang karam jangpii n-gu kalaiwo takle. I-chuimakle, I-kasang tei tam leile!

ROMMEI 1:9

Kadaponii tinglang kaleita gumah kariita hang kito gonyii jangpii Inii taksupii maningsii leile katu tei mpou Nah sapfii mpou mah kabi rasam kito gu rangii haisii Inii anga nga kalei Saraanii gumah sakchyiile;

GALATIMEI 1:20

Inii gonyii dakii ryiikalei ai kasangle, I chuimakle katu Saraanii tile!

PILIPIMEI 1:8

Kadapokii Inii Krista Jisumah lungkasyii teipii njasii gonyiihang go kadaziikapii mangwisii leipo katu, Saraanii gumah sakchyiile.

2 KORENMEI 11:10

Kristamah kasang ai gudato kalei taiswisii Akaiyamah bang hang kito gumah det kadi ai makumpiinii bam lakle,

ROMMEI 8:16

Nyii hang Saraa mah nahmeile katu rangii sekpiinii nyii mah rangii go sakchyii kapyii teile.

1 TIMOTHI 1:5

Pyii kalei mwija aimah kaangnii lung kamatei kito kabi kasang kamajyii tikabui lungswi kito, ninado kasangpii kamalum kito kagong lungkasyii tei tiimakhii tang karam jangpiile.

1 THESOLONIKAMEI 2:5

Kadapokii gonyiinii tisii kalei takumpii, nyiinii tam ka-mbisam, mak-kii kadi chiikanyii, mak-kii jai katii madou kado tiilei makle, Saraanii sakchyiile!

2 KORENMEI 12:19

Nyiinii nyii roinapii nyiigo gonyii doito danglei lesii gonyiinii maningsii leipo? Teimakle! Saraa doito Kristanii nyiigo tam matu tang karam takumpii nyiinii tam leile. Sateichii lungkasyiimei hang, nyiinii tiikalei hangtei gonyiinii tiimakhiiha tang karam jangpii tiibam takle.

2 KORENMEI 1:12

Kadapokii det tiikalei teinii aile; kabi kashyii tikabui nyii lungswi mah sakchyii, katunii, sazyii pouryii aito nyiinii tiilung lung kamatwi sateichii arou tiisii nyiinii gonyiigo ahai areng kabam kito, Saraanii pyiikabam kamatei ninado kasamsang teipii apum tiile, sazyii pouryiimei mah swirek kabi teipiinii makle; nlenii Saraamah jumage kapyii teipiiniile.

1 TIMOTHI 5:21

Meiju jusii kagu kaphang mah kado tiisupii, reipii samtak katii tei haisupii nangnii sam hang ai ryiikabui tiisii, Saraa doito, Krista Jisu doito, sateichii kalai kalumei hang doito Inii godakii pyii leile.

2 KORENMEI 11:31

Bangpii Jisumah Pfiido Saraado tiisii kalei, kalui gasii tam matoi tang karam ahnii I chuimakle katu tei tile.

2 KORENMEI 1:23

Gumah sakchyii tiisii Saraago Inii latle, Ahnii gulung tile! Inii Koren ki gonglak taklesii sat kalu tei gonyiigo tiikamageloi lak tang karam jangpiiniile.

ROMMEI 2:15

Kadapokii ahnyiinii ahnyii lung kikii ryiikai kabam ajaitingshang mah atha tei mangoule, sateichii ahnyiimah kasang mak-kii kama tei lungswi niido sakchyii pyiile, sateichii ahnyii swi tei hangni hangniniigo katheisii ahnyiigo kama lwikai pyiile, mak-kii ahnyii go dang pyiile.

ROMMEI 9:2

Katunii, Inii gulungto hangkapii kamage sateichii taksupii katchii tei doule,