ROMMEI 8:9 - KARANU KABI SAMTAM

⁹ Nlenii Saraa mah rangii teinii gonyii dato leileponii, gonyiinii apumzai kito bam makle, rangii dato leile, Nlenii mei kata hangniniida Krista mah rangii tei galeponii ahteinii mpoumah makle.

ROMMEI 8:9 Referans Kwoze

GALATIMEI 4:6

Gonyii ai mpounah sapfiimei hangle katu mangoutang karam jangpii “Abba! Gu Pfii!” Sii saa ka-mpat, mpounah sapfii mpoumah rangii tei Saraanii gonyii lung kikii langkai pyiitakle.

1 KORENMEI 3:16

Gonyiinii Saraa mah kamatei Saraa kamaning kile ninado Saraa- mah rangiinii gonyii lungto leile katu gonyiinii timakpo?

2 TIMOTHI 1:14

Nyiilung kito lungsii kalei rangii kamatei paikito gudakii pyii kabam kabi tei jum wolo.

1 KORENMEI 6:19

Sateichii gonyii pum teinii gonyiinii Saraa dato doukalu, gonyii lungto kalei rangii kamatei mah kamatei kile katu gonyiinii timakpo? Sateichii gonyiinii gonyiimah roinamakle;

ROMMEI 8:11

Sateichii Jisugo katai kito tiimaring kapyii mpoumah rangii teinii gonyii dato leileponii, Krista Jisugo katai kito tiimaring kapyii mpou teinii gonyii dato kalei mah rangii paito gonyii mah taiga kabui pumhang godo karing tei pyii tangle.

JONNII KARYII KABI RASAM JUKAMATI 14:17

Mpou ainii Saraa mah kaang kito kasang mangou kapyii rangii teile. Sazyii pouryiimeinii ahgo doupei wolakle, dapodinchii sazyii pouryiinii ahgo ngoupei wolakle ninado tipei wolakle. Nlenii gonyiinii ahgo tile, dapodinchii ahnii gonyiigo kaswisii bamle ninado gonyii lung kito leile.

IPISAMEI 1:13

Sateichii gonyiigo keikapyii karing poigong kapyii kasang kabi rasam tei gonyiinii shiikalu kito, gonyiiniido Saraamah mei tei tiiwo takle, sateichii Kristago gonyiinii malum wotakle; ninado mpounii go- nyiigo pyiitang lesii riishii tiikabam, pyiisii kalei rangii kamatei teipii Saraanii mpoumah apum katiimah siiti tei gonyii phyiiryiikii toukai pyiitakle.

GALATIMEI 5:24

Sateichii Krista Jisudato kaleimei hangnii pum tei mpoumah marei majang ninado kamarei ka-ntha hang njasii krosh gamkii gi aitakle.

IPISAMEI 2:22

Mpougo njasii hangninii tiikalu kito Saraanii mpoumah rangii paikito lungsii kalei bam hangninii ki teikii mei kakimei hang go kaswisii gonyii godo tiimakhiibam takle.

ROMMEI 8:2

Kadaponii Krista Jisu dato kalei karing mah rangii mah ajaitingshang teipiinii n-gu kem sateichii katai mah ajaitingshang kiteito laat mpatpyii takle.

JONNII KARYII KABI RASAM JUKAMATI 3:6

Pum kito kalung tei pumle, sateichii rangii kito kalung tei rangiile.

PILIPIMEI 1:19

Nle, Inii nta tangle, kadapokii gonyiimah kariita ninado Jisu Kristamah rangiimah tiikaha paikito ai ai n-gu laat mpat kapyii tei ndat tangle katu tei Inii tile.

1 JON 4:13

Aipii nyiinii mpou dato ninado mpounii nyii dato taksupiinii leile katu nyiinii tile, dapokii mpounii nyii dakii mpoumah rangii sek tei pyiibam takle.

LUKNII KARYII KABI RASAM JUKAMATI 11:13

Teijangpiinii gonyiinii shyiisii leikido, gonyii nahmei mah kabi tei pyiiti lepochiinii, sating gamto kalei gonyii Pfii teinii khangsii kalei ahnyii dakii kadaziikii kisii rangii kamatei tei pyiitangpo!”

1 JON 4:4

Lungkasyii nahmei, gonyiinii Saraa mahle, sateichii gonyiinii ahnyiigo ngam wotakle, kadapokii gonyii dato kalei ah teinii sazyii pouryiito kalei ah sung kisii dikile.

1 KORENMEI 15:23

Nlenii Saraanii mei nsang nsang go mpou mpoumah adoidoi tiisii, katunii, karei reisang kito, Kristago, tei taito mpounii kagong tinglangki, mpou mah tiisii kalei meihang go tiimaringpyii tangle.

1 JON 3:24

Sateichii mpoumah ka- khatsam kaswimei hangteinii mpou dato taksupii leile, sateichii mpounii ahnyii dato leile. Sateichii mpounii nyii dakii pyii kabam rangii aipiinii mpounii nyii dato taksupii leile katu nyiinii tile.

2 KORENMEI 6:16

Saraamah Saraa kamaning ki tei nei tingtu hangteinii kadapei kamazhii leipo? Kadapokii nyiinii ringsii kalei Saraamah saraa kamaning ki teile; Saraanii tam kabam takumpii: “Ahnyii lung kito Inii lung tangle, sateichii ahnyii kak kito Inii nlai tangle, sateichii Inii ahnyii mah Saraa tei tiitangle ninado ahnyiinii gumei tiitangle.”

JONNII KARYII KABI RASAM JUKAMATI 3:34

Kadapokii Saraanii lang kamagong mpou teinii Saraa sam tam leile, dapokii mpounii rangii tei ajhii masaksii pyiimakle,

1 PITAR 1:11

Kristamah rangii teinii lungkakalingmei lung kito liit tosii, Kristanii kamage kalak pungtang takle, nlenii kamage kalak pung kaleitai mpounii ngam tangle katu tei rangiinii mati mangoupyiile. Ai ai kadadou pat tangpo sateichii kada takumpii pat tangpo katu tei Lung- kakalingmeinii fiile.

MATIMANGOU KAPYII 20:15

Sateichii karingmah larekbung lungkii mei kata hangniniimah zei ryiikabam tei dousuleponii, ah gotei mimah jailungkii toikai aitakle.

MATIMANGOU KAPYII 13:8

Sateichii gikalei Jaonah mah karingmah larekbung kiteikii sazyii pouryii tii mpat kasunato zei ryiikai hai kasu, sazyii pouryiito lungkalei hangnii ahgo mata tangle.

2 KORENMEI 10:7

Mahlyiihang mah pou jaitalui gotei gonyiinii jusii leile, mei kata hangninanii, ah ai Krista mahle katu tei ah roinapiinii ahgo malum leponii, ah roiniipanii nlailoisii swi mashak matulo, katunii, ahnii Kristamah katu takumpiinii nyiido Krista mahle.

JONNII KARYII KABI RASAM JUKAMATI 14:23

Jisunii mpougo khekalatle, “N-gu lungkasyiimei hangnii gumah karali tei switangle. Gu Pfiinii ahgo lungsyii tangle, sateichii Gu Pfiinii ninado Inii ahda gongsii ahgo kaswisii lungtangle.

TIILAMLWI KAPYIIMEI THA JUKAMATI 16:7

Sateichii ahnyiinii Maisiya sazyii kajudou kitei gong wosek-kii, ahnyiinii Betani ki liit tang karam jangpii tiile, nlenii Jisu mah rangii teinii mazhiipyii sutakle.

ROMMEI 7:5

Nyiinii pum zai lamto lung kalei tinglang kak, ajaitingshang teinii tiimarak kapyii nyii pum nyii zainii kamarei ka-nta hangtei nyiipum pot mah njaihang kito, katai mah ati-mati matutang karam jangpii atha tiisii bamle.

ROMMEI 8:1

Teijangpiinii aitoinii Krista Jisudato kaleimeihang go tam kamashyii tei gatakle.

1 KORENMEI 6:17

Nlenii Bang- piigo nja kalu ah teinii rangii lamto mpougo kaswisii hangninii takle.

IPISAMEI 3:17

sateichii kamalum paikito Kristanii gonyiigo lung kito liitbam pyii matu tang karam jangpii; mpou pumtei kavamah kani taiswisii mpounii gonyii dakii pyii matutang karam jangpii; gonyiinii lungkasyii kikii maakhiisii sang- tingsii leisanii,