ROMMEI 8:36 - KARANU KABI SAMTAM

³⁶ Aitiisii ryii kabam takumpii, “Gojangpii nyiigo tingna majang gitakle; gitang karam jaonah takumpiinii nyiigo poile.”

ROMMEI 8:36 Referans Kwoze

1 KORENMEI 15:30

Sateichii nyii jangpii– kadajangpii nyiinii tinglang kaleita sadoi kashyii kiteito leitangpo?

1 KORENMEI 4:9

Kadapokii madupii doito taitang karam mei takumpii, Saraanii nyii tiilamlwi kapyiimeigo bam tei pyiitaklesii Inii maningle, kadapokii sazyii pouryii doito, sating gam luihang doito sateichii meinah doito nyii ai hang mah mik hoi kapungmei tiitakle.

TIILAMLWI KAPYIIMEI THA JUKAMATI 8:32

Sateichii mpounii fiikalei kabi rasam tei aile: “Jao go gitang karam jangpii chyiitat kalei takumpii mak-kii Jaonahnii mpou mai taitoi tang karampii doiteito nra kasu takumpiinii, mpounii mpou mwi n-gapat makle.

TIILAMLWI KAPYIIMEI THA JUKAMATI 20:24

Nlenii gumah tii- kamajyii ninado Saraa mah kalung- set mah kabi rasam mah sakchyii pyiitang karam jangpii, Bangpii Jisu dato Inii doukalu atha tei Inii tiimashang tang karam jangpii, Inii gumah tiilung ai amai bamlesii, ninado gudato maiteenglesii maning makle.

JONNII KARYII KABI RASAM JUKAMATI 16:2

Ahnyiinii Jehudimei mah ndwini teito gonyiigo paktoi tangle, sateichii gonyiigo kagimei kata hangninanii tiikalei aipii mpounii Saraago nga ngalei lesii maning tang karam tinglang tei gong leitakle.

1 KORENMEI 15:31

Gu kangsanamei, Inii katai tei sating kata kadousii bamle! Nyiimah tiilung ai Krista Jisu nyii Bangpiigo njasii hangninii tiikalu kito, Inii gonyii dato aju kadi kabam teitei piinii n-gu ai ai tam mpat matule.

2 KORENMEI 1:9

Taitang karam tinglang tei nyii phyiiryii gongtakle katu tei nyiinii titakle. Nlenii nyiinii nyii phyiiryiikii malum matulak tang karam jangpii, nlenii kataigo tiima- ring kapyii, Saraa gotei roinii malum matu tang karam jangpii ai ai pat takle.

2 KORENMEI 6:9

Nyiigo juti kasumei takumpiinii tiile, nlenii meihangnii nyiigo tiigatpii tiipyiile, nyiigo kataimei takumpii tiile, nlenii gonyiinii ngousii kalei takumpii, nyiinii ringsii bamle. Nyiigo tiikamage pyiile, nlenii nyiigo girang aimakle.

2 KORENMEI 11:23

Ahnyii Krista ki kaleimeipo? Inii swibi kasumei hangninii takumpii tamsii leile. Nlenii Inii ahnyii sung bikaki kikaleimei hangniniile! Inii kisii teisii tha tiikile, Inii kabangki nlai nlailoisii liitle, Inii kisii tingrang kadat tei doule, sateichii nlai nlai loisii taitang karam kanatei Inii doule.

PILIPIMEI 3:10

katunii, Inii mpougo ninado mpoumah ringkakhii mah teimaham gotei tikabui jangpii, sateichii mpoumah kamage kalak hangtei dou njoi kabui ninado mpoumah katai kito mpougo njoi kabui jangpii,