ROMMEI 8:28 - KARANU KABI SAMTAM

²⁸ Sateichii Saraanii mpougo lungkasyiimei hang dakii katunii, mpounii tiimatu kanyii kamaning kamarei kalei tai swisii lat kalumei dakii bitang karam jangpii tha hang kaswisii tiipyiile katu nyiinii tile.

ROMMEI 8:28 Referans Kwoze

1 PITAR 5:10

Sateichii gonyiinii tinglang shangniikii dou- kalei tainii, Kristago njasii hangninii tiikalu kito mpoumah kalui kaga pumtei kavamah njai dou njoi matu tang karam jangpii gonyiigo latsii kalei, satoi hangmah Saraa, Ah sekpiinii gonyiigo tiimatui kapyii, tiisangting kapyii, teimaham kapyii, sateichii kasang bangmaa tei tiipyii tangle.

JEMS 1:12

Jaikaju lehsii kaleimei sadoi bile, kadapokii jaikaju kiteito mpounii satto sekchii, mpougo lungkasyii meigo Saraanii pyiitanglesii riishii tiikabam karingmah phyiihung tei mpounii doutangle

1 KORENMEI 2:9

Nlenii ryii kabam aita- kumpii: “Miknii ngou kasu, koinii shii kasu sateichii meinah lungki liit kasu, hangtei Saraanii mpougo lungkasyiimei jangpii tiikada aitakle.”

ROMMEI 8:30

Sateichii mpounii ndouto reipii tiida kabam gotei latdo latpyii takle. Lat kalumei gotei tiido tiima- jyii pyiitakle, sateichii tiimajyiipyii kaleimei gotei mpounii pumtei kavado pyiitakle.

2 TIMOTHI 1:9

Mpounii nyiigo keipyii takle sateichii kamatei kalat teipii nyiigo lat pyii takle, nyii tha taiswisii makle, nlenii mpoumah kamaning sateichii jumage kapyii taiswisii lat pyiile. Jumage kapyii ai ndou kareiki Krista Jisu paito mpounii nyiigo pyiitakle.

1 KORENMEI 1:9

Saraanii malum buile, mpou paikito mpou nah sapfii mpou Jisu Krista katunii, nyii Bangpiigo kanghe tiimatu tang karam jangpii gonyiigo laatpyii takle.

MATIMANGOU KAPYII 3:19

Inii lungkasyii hang go duido duile, raatdo raatle, teipiinii lungnhiilo sateichii lung kaliwolo.

GALATIMEI 1:15

Nlenii n-gu lung kasunato Saraanii mpou mah jumage kapyii kito n-gu kalai wotakle sateichii mpou nga ngalosii latto takle;

1 THESOLONIKAMEI 5:9

Kadapokii Saraanii nyiigo rakarhii tei doumatu tang karam jangpii kalai makle, nlenii nyii Bangpii Jisu Kristamah paikito keikapyii karing tei doumatu tang karam jangpii kalaiwo takle.

MARK 12:30

Sateichii nangnii go Bangpii go Saraa gotei go lung matum ma- dumpii, gorangii matum madumpii, goswi matum madumpii, sateichii gomah teimaham matum madumpii haisii lungsyii tangle.’

IPISAMEI 3:11

Saraanii saroisekto raang kabam teiswisii mpounii tiile, ai ai pat matutang karam jangpii mpounii Krista Jisu nyii Bangpiigo poisii tha tiitakle.

JEMS 2:5

Gulungkasyii kangsanamei, shiilo, kamalum kito mah nimatu tang karam jangpii, sateichii Saraago lungkasyiimei hang dakii pyii- tanglesii riishii tiikabam sating gam sazyiimah matou katoumei tiimatu tang karam jangpii, sazyii pouryiito mah kagameigo mpounii kalaipyii makpo?

1 JON 4:19

Nyiinii lungsyiile, dapokii mpounii nyiigo karei kito lungsyii- pyii takle.

2 TIMOTHI 2:19

Teitii kido Saraamah bangmaa kasangting teinii nlaisupii satsii leile, aimah siiti ai pungsii; katunii “Bangpiinii mpoumah katu- mei hang go tile,” sateichii “Bangpii zeigo latsii kaleimei hangteinii kakui kama kiteito mpaa matulo.”

1 JON 4:10

Lungkasyii ai ailung kito leile, katunii, nyiinii Sa- raago lungsyii takle katu mah makle, nlenii Saraanii nyiigo lungsyii pyiisii mpounah sapfii mpou gotei nyii kem jangpiinii pow ruimatu tang karam jangpii m-mangpyii takle.

ROMMEI 9:11

kadaponii nahmei tei lung kasunakii sateichii mah kata kabi mak-kii kashyii hangninii kado tiikasunakii kalai mpat kalu tai swisii Saraa mah kamaning kito tatjou matu tang karam jangpii katunii, tha hang jangpii supii, nlenii mpounii lat kapyii jangpii,

2 KORENMEI 5:1

Kadapokii nyiinii lungkalei sazyii pouryii mah dwipeiki ai tiimaga aileponii, meinah bahpii tiikasu aki, sating gamto kalui gasii lungtang karam nitei, Saraa dato nyii jangpii leile katu nyiinii tile.

GALATIMEI 5:8

Kahem ai gonyiigo lat kapyii mpou dato makle.

TIILAMLWI KAPYIIMEI THA JUKAMATI 13:48

Sateichii lui kakimei hangnii ai ai shiiwo sek-kii, ntado nta takle, Saraa mah kabi rasam godo tam matoile sateichii kalui gasii lungtang karam jangpii kalai kalumei hangnii malum wotakle.

ROMMEI 11:29

Kadapokii Saraanii kalai kalu ninado satoi toikapyiimei mah kaang kito mpou switei kalimakle.

1 KORENMEI 1:2

katunii kamateimei tiisii lat kalu, Krista Jisu dato tiimatei kalei ahnyii dakii sateichii nyii Bangpii, ahnyii mahdo nyii mahdo tiisii kalei Jisu Krista zeigo bamlyii hang kito matasii kaleimei hang dakii mati leile:

1 KORENMEI 1:24

Nlenii latkalu Jehudimei jangpii sateichii Grikmei jangpii- niido Krista ai Saraamah teimaham sateichii Saraamah swirek kabi teile.

GALATIMEI 1:6

Kristamah jumage kapyii kito gonyiigo lat kapyii Mpougo hangkapii kalangsii toi aisii, kathaam kaki kabi rasam hangniniigo gonyiinii lukai kalu kito Inii sung gale.

IPISAMEI 4:1

Teijangpii gonyiigo lat kalu kiteito tiigatpii matwisii lung pyiilosii, Bangpii jangpii kabangki kaleimei hangninii tiisii kalei Inii gonyii dato khangleile.

PILIPIMEI 3:14

Krista Jisu paikito Saraanii sagoi gamto lung tang karam mah lhang tei doutang karam jangpii mikleeng kabam lam teikii Inii majyiitoksii pak leile.

HEBRUMEI 9:15

Teijangpii Saraanii lat kalumeihang teinii riishii tiikabam kalui kaga satoi hangtei doumatu tang karam jangpiinii sat tang karam karanu samtam kak kiteito kamajung tha tiisii kalei ai Kristale, sazyii pouryiimei hangnii sat tang karam karei samtam kangto tiikabam kama kito matapii laat mpat kapyii taikapyii hangninii kalei taiswisii ai ai tiiwo buile.

1 PITAR 2:9

Nlenii gonyiigo kamyii kito mpounii sung kaga kava kikii lat mpat kapyii mpoumah kamadat tha hangtei saa mpat matutang karam jangpii, kalai kalumei lui, sagong- mah atingmei, kamatei lui Saraamah mei tei gonyiile.

1 PITAR 3:9

Kashyii jangpii kashyii teipii kaleipyii sulo, mak-kii tam kamashyii jangpii nlai- loisii tam mashyii sulo, nlenii tei tungpii satoi pyiilo; kadapokii gonyiinii satoi doumatu tang karam jangpii, aijangpii gonyiigo latto takle.